କନକ ବ୍ୟୁରୋ : ମତଦାନ ଚାଲିଥିବା ବେଳେ ଭଦ୍ରକରୁ ଆସିଲା ଅଭାବନୀୟ ଖବର । ଭଦ୍ରକ ଧାମନଗର ଏନଏସି ୯ନମ୍ବରରେ ବୁଥ୍ ରିଗିଂ ଅଭିଯୋଗ । ବୁଥ ରିଗିଂକୁ କେନ୍ଦ୍ର କରି ମୁହାଁମୁହିଁ ହୋଇଛନ୍ତି ଦୁଇ ଗୋଷ୍ଠୀ । ଏହି ଗୋଷ୍ଠୀ ସଂଘର୍ସରେ ଜଣେ ଯୁବକଙ୍କୁ ଛୁରାମାଡ ହୋଇଥିବା ସୂଚନାରୁ ଜଣାପଡିଛି ।
ସୂଚନା ଅନୁସାରେ, ବୁଥ ରିଗିଂକୁ ନେଇ ଦୁଇ ଗୋଷ୍ଠୀ ମଧ୍ୟରେ ଗଣ୍ଡୋଗଳ ହୋଇଥିଲା । ଏହି ଗଣ୍ଡୋଗଳରେ ଜଣେ ଯୁବକଙ୍କୁ ଛୁରାମାଡ ହୋଇଛି । ଛୁରାମାଡରେ ଗୋଟିଏ ଗୋଷ୍ଠୀର ଜଣେ ଯୁବକ ଗୁରୁତର ହୋଇଛନ୍ତି । ଯୁବକଙ୍କୁ ଗୁରୁତର ଅବସ୍ଥାରେ ଧାମନଗର ମେଡିକାଲରେ ଭର୍ତ୍ତି କରାଯାଇଛି । ତେବେ ଯୁବକଙ୍କୁ ଛୁରାମାଡ ପରେ ସେହି ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି