ଦେଶର ଶହେଟି ସହରରେ ଚାଲିବ ଦଶହଜାର ଇ-ବସ୍। ଇ-ବସ୍ ସେବାକୁ କେନ୍ଦ୍ର କ୍ୟାବିନେଟର ମଞ୍ଜୁରୀ
କନକ ବ୍ୟୁରୋ: ଲାଲକିଲ୍ଲାରେ ଦେଶବାସୀଙ୍କୁ ସମ୍ବୋଧନ କଲାବେଳେ ଯେଉଁ ଘୋଷଣା କରିଥିଲେ ପ୍ରଧାନମନ୍ତ୍ରୀ, ସେହି ଘୋଷଣାର ଠିକ୍ ପରଦିନ, ବିଶ୍ୱକର୍ମା ଯୋଜନାକୁ ମିଳିଛି କେନ୍ଦ୍ର କ୍ୟାବିନେଟର ମଂଜୁରୀ । କୌଳିକ ବୃତିଗତ ବ୍ୟବସାୟୀଙ୍କୁ ପ୍ରୋତ୍ସାହିତ କରିବା ପାଇଁ ଅଳ୍ପସୁଧରେ ମିଳିବ ଋଣ । ବିଶ୍ୱକର୍ମା ଯୋଜନାରେ ବୃତ୍ତିଗତ ବ୍ୟବସାୟୀଙ୍କୁ ୫% ସୁଧରେ ଏକ ଲକ୍ଷ ଟଙ୍କା ଋଣ ପ୍ରଦାନ କରାଯିବ । ଏହି ଯୋଜନାରେ ୩୦ ଲକ୍ଷ କୌଳିକ ବୃତ୍ତିଧାରୀ ଏବଂ ସେମାନଙ୍କ ପରିବାର ଉପକୃତ ହେବେ । ୫ ବର୍ଷ ପାଇଁ ୧୩ ହଜାର କୋଟି ଟଙ୍କା ବ୍ୟୟ ବରାଦ କରାଯାଇଛି । ପ୍ରଥମ ପର୍ଯ୍ୟାୟରେ ସୁନା କାରିଗର, କମାର, ବାରିକ, ମୋଚୀ, ମୂର୍ତ୍ତୀକାର, ରାଜମିସ୍ତ୍ରୀ, ବୁଣାକାର, ବଢ଼େଇ, କୁମ୍ଭାର ଆଦି ୧୮ଟି କୌଳିକ ବୃତ୍ତିଧାରୀ ଏହି ଯୋଜନାରେ ଲାଭବାନ ହେବେ । ପ୍ରଥମ ଦଫାରେ ୧ଲକ୍ଷ ଓ ଦ୍ୱିତୀୟ ଦଫାରେ ୨ଲକ୍ଷ ଟଙ୍କା ଋଣ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ହୁଏତ ଆଉ କିଛି ଦିନ ପରେ ରାଜଧାନୀ ଭୁବନେଶ୍ୱର, କଟକ ଏବଂ ସମ୍ବଲପୁର ଭଳି ସହରରେ ଗଡିବ ପ୍ରଧାନମନ୍ତ୍ରୀ ବିଦ୍ୟୁତ୍ ଚାଳିତ ବସ୍ । କାରଣ, କେନ୍ଦ୍ର କ୍ୟାବିନେଟରେ ସହରାଞ୍ଚଳରେ ଯେଉଁ ଇ-ବସ୍ ସେବା ଆରମ୍ଭ କରିବାକୁ ଯାଉଛନ୍ତି, ସେହି ସହରର ଲୋକସଂଖ୍ୟା ୩ ଲକ୍ଷ କିମ୍ବା ତାଠୁ ଅଧିକ ରହିବ । ଏହି ମାପଦଣ୍ଡକୁ ଦେଖିଲେ ଓଡ଼ିଶାର ଭୁବନେଶ୍ୱର, କଟକ, ବ୍ରହ୍ମପୁର, ରାଉରକେଲା, ସମ୍ବଲପୁର ଭଳି ସହରରେ ପିଏମ୍ ଇ-ବସ୍ ସେବା ଆରମ୍ଭ ହୋଇପାରେ । କ୍ୟାବିନେଟ୍ ବୈଠକ ପରେ କେନ୍ଦ୍ରମନ୍ତ୍ରୀ, ପିଏମ୍ ଇ-ବସ୍ ସେବା ସମ୍ପର୍କରେ ସୂଚନା ଦେଇ କହିଛନ୍ତି- ୧୦ ହଜାର ବିଦ୍ୟୁତ୍ ଚାଳିତ ବସ୍ ଗଡ଼ିବ ।
ପିପିପି ମୋଡରେ ଏହି ସେବା ଉପଲବ୍ଧ ହେବ । ଏହି ଯୋଜନା ପାଇଁ ୫୭ ହଜାର ୬୧୩ କୋଟି ବ୍ୟୟବରାଦ କରାଯାଇଛି । ଏଥିରୁ ୨୦ ହଜାର କୋଟି କେନ୍ଦ୍ର ସରକାର ଦେବେ। ଏହି ଯୋଜନା ଯୋଗୁଁ ୪୫ରୁ ୫୫ ହଜାର ଲୋକ ସିଧାସଳଖ ନିଯୁକ୍ତି ପାଇବେ ବୋଲି ସରକାର କହିଛନ୍ତି ।
ସାରା ଭାରତର ଲୋକଙ୍କୁ ପ୍ରଭାବିତ କରିବାକୁ ଥିବା ବିଶ୍ୱକର୍ମା ଯୋଜନା ଓ ପିଏମ୍ ଇ-ବସ୍ ଯୋଜନାର ବେଶ ଗୁରୁତ୍ୱ ରଖୁଛି । କାରଣ, ଏହାର ପ୍ରଭାବ ୨୦୨୪ ନିର୍ବାଚନ ଉପରେ ପଡ଼ିବ ବୋଲି ଚର୍ଚ୍ଚା ହେଉଛି ।