ସୁପ୍ରିମକୋର୍ଟଙ୍କ ବଡ ରାୟ: କହିଲେ ସରକାର ନୁହେଁ ଭକ୍ତ ଚଳାଇବା ଉଚିତ ମନ୍ଦିର ପରିଚାଳନା ବୋର୍ଡ
ପ୍ରଶାସନିକ ପରିଚାଳନରେ ବିଫଳତା ନେଇ କ୍ଷୋଭ
କନକ ବ୍ୟୁରୋ: ମନ୍ଦିର ପରିଚାଳନା ନେଇ ବଡ ରାୟ ଶୁଣାଇଛନ୍ତି ସୁପ୍ରିମକୋର୍ଟ । ଶ୍ରୀମନ୍ଦିର ସଂସ୍କାର ମାମଲାର ଶୁଣାଣି ବେଳେ ବିଚାରପତି ଏସଏ ବବଡେ ସରକାରଙ୍କୁ ପ୍ରଶ୍ନ କରିିଛନ୍ତି ସରକାରୀ ଅଧିକାରୀଙ୍କ ସ୍ଥାନରେ ଭକ୍ତ ମାନେ କାହିଁକି ଧାର୍ମିକ ଅନୁଷ୍ଠାନ ଚଳାଇ ପାରିବେ ନାହିଁ । ବିଭିନ୍ନ ରାଜ୍ୟ ସରକାର ବଡ ବଡ ମନ୍ଦିର ଗୁଡିକୁ ପରିଚାଳନା କରିବାରେ ବିଫଳ ହୋଇଥିବାରୁ କ୍ଷୋଭ ପ୍ରକାଶ କରିଥିଲେ ଜଷ୍ଟିସ୍ ବବଡେ ।
Kanak News is now on WhatsApp
Join and get latest news updates delivered to you via WhatsApp
ତେବେ କେନ୍ଦ୍ର ସରକାରଙ୍କ ତରଫରୁ ଆଟର୍ଣ୍ଣି ଜେନେରାଲ କେ.କେ. ଭେନୁଗୋପାଲ କହିଥିଲେ ଦେଶରେ ଏମିତି ଅନେକ ମନ୍ଦିର ରହିଛି ଯେଉଁଠି ରାଜ୍ୟ ସରକାର ମନ୍ଦିର ପରିଚାନଳା କରୁଛନ୍ତି । ସେ କେରଳ, ତାମିଲନାଡୁ ଓ ଆନ୍ଧ୍ରପ୍ରଦେଶର ଉଦାହରଣ ଦେଇଥିଲେ । ତେବେ ଭେନୁଗୋପାଳଙ୍କ ଏହି ଯୁକ୍ତିକୁ କାଟିଥିଲେ ଖଣ୍ଡପୀଠ । ତାମିଲନାଡୁର ୧୫ଶହ ବର୍ଷର ପୁରୁଣା ମନ୍ଦିର ନଟରାଜ ଟେମ୍ପଲକୁ ନେଇ ସୁପ୍ରିମେକୋର୍ଟ ୨୦୧୪ରେ ଯେଉଁ ରାୟ ଶୁଣାଇଥିଲେ ତାହାର ଉଦାହରଣ ଦେଇଥିଲେ ବିଚାରପତି ।
ସେହି ସମୟରେ ଏହି ପୁରାତନ ମନ୍ଦିରର ପରିଚାଳନା ଭାରକୁ ତାମିଲନାଡୁ ସରକାରଙ୍କଠାରୁ କାଢ଼ି ନେବାକୁ ରାୟ ଦେଇଥିଲେ ସର୍ବୋଚ୍ଚ ନ୍ୟାୟାଳୟ । ପୁରୀ ଶ୍ରୀମନ୍ଦିର ପ୍ରସଙ୍ଗରେ ରାୟ ଶୁଣାଣିବେଳେ କୋର୍ଟ ନଟରାଜ ମନ୍ଦିର ଉପରେ ନିଆଯାଇଥିବା ନିଷ୍ପତିକୁ ମଧ୍ୟ ଦେଖାଯିବ ବୋଲି କହିଥିଲେ ବିଚାରପତି ଏସଏ ବବଡେ ଓ ଏସଏ ନାଜିର । ସେହିପରି ତାମିଲନାଡୁର ଚିଦାମ୍ବରମ ମନ୍ଦିର ପରିଚାଳନା ନେଇ କ୍ଷୋଭ ପ୍ରକାଶ କରିଥିଲେ ଖଣ୍ଡପୀଠ ।