ଚିନ୍ତା ବଢାଇଛି କରୋନା ଦ୍ୱିତୀୟ ଲହର : ରାଜ୍ୟରେ ମାସ୍କ ଚେକିଂ କଡାକଡି କଲେ ତେଲେଙ୍ଗାନା ସରକାର; ଏଣିକି ମାସ୍କ ନପିନ୍ଧିଲେ ଗଣିବାକୁ ପଡିବ ହଜାରେ ଟଙ୍କା ଜରିମାନା
କନକ ବ୍ୟୁରୋ : ତେଲେଙ୍ଗାନାରେ ଚିନ୍ତା ବଢାଇଛି କରୋନା ଦ୍ୱିତୀୟ ଲହର । ରାଜ୍ୟରେ ମାସ୍କ ଚେକିଂ କଡାକଡି କଲେ ତେଲେଙ୍ଗାନା ସରକାର । ମାସ୍କ ନପିନ୍ଧିଲେ ଜଣକ ପିଛା ଗଣିବାକୁ ପଡିବ ହଜାରେ ଟଙ୍କା ଜରିମାନା । ତେଲେଙ୍ଗାନା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ନିର୍ଦ୍ଦେଶନାମା ଜାରି । କରୋନା ସଂକ୍ରମଣକୁ ଦୃଷ୍ଟିରେ ରଖି ମାସ୍କ ପିନ୍ଧିବା କଡାକଡି ଭାବରେ କାର୍ଯ୍ୟକାରୀ କରାଯିବ ବୋଲି କହିଛନ୍ତି ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ । ସେ କହିଛନ୍ତି, ଯେଉଁ ବ୍ୟକ୍ତି ମାସ୍କ ପିନ୍ଧିବେନି ସେମାନଙ୍କ ଠାରୁ ହଜାରେ ଟଙ୍କା ଜରିମାନା ଆଦାୟ ହେବ ।
Kanak News is now on WhatsApp
Join and get latest news updates delivered to you via WhatsApp
ଏଥି ସହିତ ତେଲେଙ୍ଗାନା ମୁଖ୍ୟମନ୍ତ୍ରୀ ଲୋକଙ୍କୁ ସମସ୍ତ କୋଭିଡ୍ ନିର୍ଦ୍ଦେଶାବଳୀ ଅନୁସରଣ କରିବାକୁ ଏବଂ ହାଇଦ୍ରାବାଦ, ରଙ୍ଗାରେଡି ଏବଂ ମେଡଚେଲ ଜିଲ୍ଲା ପରି ସ୍ଥାନରେ ସତର୍କ ରହିବାକୁ ଅନୁରୋଧ କରିଛନ୍ତି । କରୋନା ମାମଲା ବୃଦ୍ଧି ପାଉଥିବାରୁ କରୋନା ପରୀକ୍ଷା ବୃଦ୍ଧି କରିବାକୁ ସେ ସମ୍ପୃକ୍ତ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ସମସ୍ତ ଫ୍ରଣ୍ଟ ଲାଇନ କର୍ମଚାରୀଙ୍କୁ ଶତକଡ଼ା ଟୀକାକରଣ କରାଯିବା ଉପରେ ଗୁରୁତ୍ବ ଦେଇଛନ୍ତି । ଏଥି ସହିତ ଯେଉଁମାନେ ୪୫ ବର୍ଷ ବୟସ ସୀମା ଅତିକ୍ରମ କରିଛନ୍ତି ସେମାନଙ୍କୁ ଟୀକାକରଣ କରିବାକୁ ସେ ଅନୁରୋଧ କରିଛନ୍ତି ।