ବିଜେପିକୁ ତେଜସ୍ୱୀଙ୍କ ଟାର୍ଗେଟ, କହିଲେ ମିଛ କହିବାରେ ମାଷ୍ଟର ମୋଦୀ।
କନକ ବ୍ୟୁରୋ: ବିହାରରେ ଦେଖାଇଥିବା ରାଜନୈତିକ ଅସ୍ଥିରତାକୁ ନେଇ ଆରୋପ ପ୍ରତ୍ୟାରୋପ ଜାରି ରହିଥିବା ବିଜେପିକୁ ଟାର୍ଗେଟ କରିଛନ୍ତି ଉପ-ମୁଖ୍ୟମନ୍ତ୍ରୀ ତେଜସ୍ୱୀ ଯାଦବ । ବିଜେପି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମିଛ କହିବାର ମାଷ୍ଟର ବୋଲି କହିଛନ୍ତି ତେଜସ୍ୱୀ । ଚୋର, ଗୁଣ୍ଡାରାଜକୁ ପ୍ରସୟ ଦେଉଥିବା ସରକାର ଗଠନ ହୋଇଥିବା ବିଜେପି ଅଭିଯୋଗ କରୁଥିବା ବେଳେ ତେଜସ୍ୱୀ କହିଛନ୍ତି ଏହା ବିହାରବାସୀ ତଥା ଲୋକଙ୍କ ସରକାର । ଲୋକ ଯାହା ଚାହୁଁଥିଲେ ବିହାରରେ ସେହି ସରକାର ଗଠନ ହୋଇଛି । ସମ୍ବିଧାନକୁ ସୁରକ୍ଷା ଦେବା ତାଙ୍କର କର୍ତବ୍ୟ ଏବଂ ସେମାନେ ଲୋକଙ୍କ ପାଇଁ କାର୍ଯ୍ୟ କରିବେ ବୋଲି କହିଛନ୍ତିି ତେଜସ୍ୱୀ ।
Kanak News is now on WhatsApp
Join and get latest news updates delivered to you via WhatsApp
ନୀତିଶ କୁମାର ଆରଜେଡି, କଂଗ୍ରେସ ସହ ମିଶି ନୂଆ ସରକାର ଗଠନ କରିବା ପରେ କାହିଁକି ସେ ବିଜେପି ସହ ମେଣ୍ଟ ଭାଙ୍ଗିଲେ କହିଛନ୍ତି ପୂର୍ବ ସରକାରରେ ଉପ-ମୁଖ୍ୟମନ୍ତ୍ରୀ ଥିବା ସୁଶିଲ ମୋଦୀ । ନୀତିଶ ଉପ-ରାଷ୍ଟପତି ହେବାକୁ ଚାହୁଁଥିଲେ । ଏନେଇ ନୀତିଶ ପୂର୍ବରୁ ତାଙ୍କୁ କହିଥିଲେ ବୋଲି ମୋଦୀ କହିଛନ୍ତି । ନୀତିଶ ଦିଲ୍ଲୀ ଗଲେ ତାଙ୍କୁ ମୁଖ୍ୟମନ୍ତ୍ରୀ କରିବାକୁ ମଧ୍ୟ ପ୍ରସ୍ତାବ ଦେଇଥିଲେ ବୋଲି କହିଛନ୍ତି ସୁଶିଲ ମୋଦୀ । ତେବେ ସୁଶିଲଙ୍କ ଏଭଳି ଅଭିଯୋଗକୁ ଭିତିହୀନ ବୋଲି ନୀତିଶ କୁମାର । ନୀତିଶ କହିଛନ୍ତି, ଆମେ ଉଭୟ ରାଷ୍ଟ୍ରପତି ଏବଂ ଉପରାଷ୍ଟ୍ରପତି ନିର୍ବାଚନରେ ଏନଡିଏ ପ୍ରାର୍ଥୀଙ୍କୁ ସମର୍ଥନ କରିଥିଲୁ । ତେଣୁ ସେ ଉପରାଷ୍ଟ୍ରପତି ହେବାକୁ ଚାହୁଁଥିବା ପରିହାସ ବୋଲି କହିଛନ୍ତିି ନୀତିଶ ।
ନୀତିଶ ବିଜେପି ସହ ମେଣ୍ଟଭାଙ୍ଗିବା ପରେ ୨୦୨୪ରେ ଜାତୀୟ ରାଜନୀତିରେ ପାଦ ରଖିବେ ବୋଲି ଚର୍ଚ୍ଚା ହେଉଛି । କୁହାଯାଉଛି ବିରୋଧୀଙ୍କ ତରଫରୁ ନୀତିଶ ପ୍ରଧାନମନ୍ତ୍ରୀ ପ୍ରାର୍ଥୀ ହୋଇପାରନ୍ତି । ହେଲେ ଏହି କଥାରେ କେତେ ସତ୍ୟତା ଅଛି ତାହା ଅ।।ଗାମୀ ଦିନରେ ସଷ୍ଟ ହୋଇଯିବ ।