କନକ ବ୍ୟୁରୋ: ନିଜ କଠୋର ନିଷ୍ପତି ତଥା ନିର୍ଦ୍ଦୟ ଚରିତ୍ର ପାଇଁ ସାରା ବିଶ୍ୱରେ ପରିଚିତ ଉତ୍ତର କୋରିଆର ଏକଛତ୍ରବାଦ ଶାସକ ହେଉଛନ୍ତି କିମ୍ ଜଙ୍ଗ୍-ଉନ୍ । ଆମେରିକା ଭଳି ଦେଶକୁ ଭୟ କରୁନଥିବା ଏହି ଏକଛତ୍ରବାଦ ଶାସକ କାହିଁକି କାନ୍ଦୁଛନ୍ତି ତାକୁ ନେଇ ଚର୍ଚ୍ଚା ବଢିଛି । କିମ୍ ଜଙ୍ଗ୍-ଉନ୍ ଏବେ ଗୁରୁତର ସମସ୍ୟା ଦେଇ ଗତି କରୁଛନ୍ତି । ଯାହାକୁ ନେଇ ସେ ଏବେ ଏତେ ଚିନ୍ତିତ ଯେ, ଏବେ ସମର୍ଥନ ମାଗିବା ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁଯାୟୀ, ଏକଛତ୍ରବାଦୀ ଶାସକ କିମ୍ ଜଙ୍ଗ୍ ତାଙ୍କ ଦେଶରେ ହ୍ରାସ ପାଉଥିବା ଜନସଂଖ୍ୟାକୁ ନେଇ ଚିନ୍ତିତ ଅଛନ୍ତି । ଜନ୍ମ ହାରରେ ହ୍ରାସ ସେମାନଙ୍କ ପାଇଁ ଏକ ସମସ୍ୟା ସୃଷ୍ଟି କରିଛି । ଉତ୍ତର କୋରିଆର ସର୍ବୋଚ୍ଚ ନେତା କିମ୍ ଜଙ୍ଗ୍-ଉନ୍ ମହିଳାମାନଙ୍କୁ ଅଧିକ ସନ୍ତାନ ଜନ୍ମ କରିବା ପାଇଁ ଅନୁରୋଧ କରିବା ପରେ କାନ୍ଦୁଥିବା ଜଣାପଡିଛି ।
ଜାତିସଂଘର ତଥ୍ୟ ଅନୁଯାୟୀ, ଉତ୍ତର କୋରିଆରେ ଜଣେ ମହିଳାଙ୍କ ଠାରୁ ଜନ୍ମ ନେଉଥିବା ଶିଶୁଙ୍କ ହାରାହାରି ସଂଖ୍ୟା ୧.୮ ଅଟେ । ଏହାଦ୍ୱାରା ଏହି କମ୍ୟୁନିଷ୍ଟ ଦେଶରେ ଜନ୍ମ ହାର ହ୍ରାସ ପାଇଛି । କିମ୍ ଜଙ୍ଗ୍ ଉନ୍ ମହିଳାମାନଙ୍କୁ ଫୋନ୍ କରି ତାଙ୍କ ସମସ୍ୟା ବିଷୟରେ ପଚାରିଥିଲେ । “ଜନ୍ମ ହାର ହ୍ରାସକୁ ରୋକିବା ଏବଂ ପିଲାମାନଙ୍କର ଭଲଭାବେ ଯତ୍ନ ନେବା ହେଉଛି ଆମ ସମସ୍ତଙ୍କ କାମ । ସେ କହିଛନ୍ତି ଯେ ଜନ୍ମ ହାରରେ ହେଉଥିବା ଏହି ହ୍ରାସକୁ ରୋକିବା ପାଇଁ ସମସ୍ତେ ପ୍ରୟାସ କରିବା ଉଚିତ । ତେବେ ଉତ୍ତର କୋରିଆର ଆଖପାଖ ଦେଶରେ ଜନ୍ମ ହାର ମଧ୍ୟ ହ୍ରାସ ପାଇଛି । ଏଥିରେ ଚୀନ, ଜାପାନ ଏବଂ ଦକ୍ଷିଣ କୋରିଆ ସାମିଲ ଅଛନ୍ତି ।