କନକ ବ୍ୟୁରୋ: ଗତକାଲି ଶପଥ ନେଇଛି ବିଜେପି ସରକାର । ନୂଆ ସରକାର ଶପଥ ନେବା ପରେ ମୋହନଙ୍କ ମନ୍ତ୍ରିମଣ୍ଡଳରେ କିଏ ହେବ କେଉଁ ମନ୍ତ୍ରୀ ତାକୁ ନେଇ ଜୋର ଧରିଛି ଚର୍ଚ୍ଚା । କାହାକୁ ମିଳିବ କେଉଁ ବିଭାଗ ମିଳିବ ତାକୁ ନେଇ ଅବଗଣନା କରାଯାଉଥିବା ବେଳେ ଆଉ କିଛି ସମୟ ମଧ୍ୟରେ ସ୍ପଷ୍ଟ ହୋଇପାରେ ମନ୍ତ୍ରିମଣ୍ଡଳର ରୂପରେଖ । ଆଜି ମନ୍ତ୍ରୀ ମାନଙ୍କୁ ବିଭାଗ ବଣ୍ଟା ହୋଇପାରେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ତେବେ ଗତକାଲି ୮ କ୍ୟାବିନେଟ ଓ ୫ ରାଷ୍ଟ୍ରମନ୍ତ୍ରୀ ଶପଥ ନେଇଛନ୍ତି । ଏମାନଙ୍କୁ କେଉଁ ବିଭାଗ ମିଳିବ ସେନେଇ କଳ୍ପନାଜଳ୍ପନା ଲାଗି ରହିଛି । ପ୍ରଥମ ଥରର ବିଧାୟକ ହୋଇଥିବା ୮ ଜଣ ମନ୍ତ୍ରୀ ହୋଇଛନ୍ତି । ମୋହନଙ୍କ ମନ୍ତ୍ରୀ ମଣ୍ଡଳରେ ପଶ୍ଚିମ ଓଡ଼ିଶାରୁ ୪ ଜଣ ଓ ଉପକୂଳରୁ ୬ ଜଣ ମନ୍ତ୍ରୀ ହୋଇଛନ୍ତି । ସେହିପରି ଦକ୍ଷିଣ ଓଡ଼ିଶାରୁ ୩ ଓ ଉତ୍ତର ଓଡ଼ିଶାରୁ ୩ ଜଣ ମନ୍ତ୍ରୀ ହୋଇଛନ୍ତି । ମୋଟ୍ ୧୬ ଜଣଙ୍କ ମଧ୍ୟରୁ ୪ ଜଣ ଆଦିବାସୀ, ୩ ଜଣ ଅନୁସୂଚିତ ଜାତି ଏବଂ ଜଣେ ମହିଳା ସାମିଲ ଅଛନ୍ତି ।