କନକ ବ୍ୟୁରୋ: ଭାରତୀୟ ଫୁଟବଲ ଟିମର ପୂର୍ବତନ କୋଚ୍ ଷ୍ଟିଫେନ୍ କନଷ୍ଟେଟାଇନ୍ ଏକ ବଡ ଭୁଲ କରିଦେଇଥିଲେ, ଯାହା ପାଇଁ ସେ ସମସ୍ତ ଭାରତୀୟଙ୍କୁ କ୍ଷମା ପ୍ରାର୍ଥନା କରିଛନ୍ତି । କାରଣ ସ୍ୱାଧୀନତା ଦିବସ ଅବସରରେ ଶୁଭେଚ୍ଛା ଜଣାଇବାକୁ ଯାଇ ସେ ଟ୍ୱିଟରରେ ଭାରତ ମାନଚିତ୍ରର ଏକ ତ୍ରୁଟିପୂର୍ଣ୍ଣ ମାନଚିତ୍ରକୁ ପୋଷ୍ଟ କରିଦେଇଥିଲେ । ୟୁଜର୍ସ ତାଙ୍କୁ ତାଙ୍କ ଭୁଲ ବିଷୟରେ ଅବଗତ କରାଇବା ପରେ ଏହି ଟ୍ୱିଟକୁ ଡିଲିଟ୍ କରିବା ସହ ସାରା ଦେଶବାସୀଙ୍କୁ କ୍ଷମା ପ୍ରାର୍ଥନା କରିଛନ୍ତି କନଷ୍ଟେଟାଇନ୍ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦେଶର ୭୬ ତମ ସ୍ୱାଧୀନତା ଦିବସ ଅବସରରେ କନଷ୍ଟେଟାଇନ୍ ନିଜ ଟ୍ୱିଟରରେ ଭାରତର ଏକ ମ୍ୟାପ୍ ପୋଷ୍ଟ କରିଥିଲେ, ହେଲେ ଏହି ମାନଚିତ୍ର ଭୁଲ ଥିଲା । ଏଥିରେ କାଶ୍ମୀରର ଅର୍ଦ୍ଧେକ ଅଂଶକୁ ଦେଖାଯାଇନଥିଲା । ଏହାକୁ ନେଇ ସୋସିଆଲ ମିଡିଆରେ ପ୍ରତିକ୍ରିୟା ପ୍ରକାଶ ପାଇବା ପରେ କନଷ୍ଟେଟାଇନ୍ ନିଜର ଭୁଲ ବୁଝିପାରି ଏହାକୁ ଡିଲିଟ୍ କରିଥିଲେ ଏବଂ କ୍ଷମା ପ୍ରାର୍ଥନା କରି ପୁଣିଥରେ ଶୁଭେଚ୍ଛା ଜଣାଇଥିଲେ ।