କନକ ବ୍ୟୁରୋ: ଟିମ୍ ଇଣ୍ଡିଆର କ୍ୟାପଟେନ୍ ବିରାଟ କୋହଲି କେବଳ କ୍ରିକେଟ୍ ନୁହେଁ, ବରଂ ତାଙ୍କ ଜବରଦସ୍ତ ଫିଟନେସ୍ ପାଇଁ ମଧ୍ୟ ତାଙ୍କ ଫ୍ୟାନ୍ସମାନଙ୍କ ପ୍ରିୟ ଅଟନ୍ତି । କୋହଲି ହେଉଛନ୍ତି ଏପରି ଜଣେ ଖେଳାଳି ଯିଏ ଫିଟନେସକୁ ଅଧିକ ଗୁରୁତ୍ୱ ଦିଅନ୍ତି । ଖାଲି ସେତିକି ନୁହେଁ, ତାଙ୍କ ଦେଖାଦେଖି ଏବେ ଟିମ୍ ଇଣ୍ଡିଆର ଅନ୍ୟ ଖେଳାଳିମାନେ ମଧ୍ୟ ନିଜକୁ ଫିଟ୍ ରଖୁଛନ୍ତି । ହେଲେ ଆପଣ ଜାଣିଛନ୍ତି କି କୋହଲିଙ୍କ ଡାଏଟ୍ ପ୍ଲାନ୍ କଣ?
Kanak News is now on WhatsApp
Join and get latest news updates delivered to you via WhatsApp
କୋହଲି ନିଜର ଫିଟନେସକୁ ନେଇ ବେଶ ଯତ୍ନବାନ ଅଟନ୍ତି । ଯାହାର ଫଳସ୍ୱରୂପ ତାଙ୍କୁ ପଡିଆରେ ବେଶ ଫୂର୍ତ୍ତି ଅନ୍ଦାଜରେ ଦେଖିବାକୁ ମିଳେ । ଅଧିକାଂଶ ସମୟରେ ବାଉଣ୍ଟ୍ରି ପାଖକୁ ଦୌଡି ଦୌଡିଯାଇ ବଲକୁ ଧରିଥାନ୍ତି । ତେବବେ ଇଂଲଣ୍ଡ ଗସ୍ତରେ ଯିବା ପୂର୍ବରୁ ବିରାଟ ତାଙ୍କର ଡାଏଟ ପ୍ଲାନର ଖୁଲାସା କରିଥିଲେ । ବିରାଟ ନିଜର ଖାଦ୍ୟରେ ଅଧିକାଂଶ ସମୟରେ ସବୁଜ ପନିପରିବା ଖାଇଥାନ୍ତି । ତା ସହିତ କିଛି ଅଣ୍ଡା, ଦୁଇ କପ୍ କଫି, ଡାଲି ଓ ଦୋସା ଆଦି ହେଉଛି ବିରାଟଙ୍କ ପସନ୍ଦର ଖାଦ୍ୟ । ଟିମ୍ ଇଣ୍ଡିଆର କ୍ୟାପଟେନ୍ ଏହାର ସହିତ ବାଦାମ, ପ୍ରୋଟିନ୍ ବାର୍ ଏବଂ ବେଳେବେଳେ ଚାଇନିଜ୍ ଖାଦ୍ୟ ଖାଇଥାନ୍ତି ବୋଲି ମଧ୍ୟ କହିଛନ୍ତି ।
ତା ସହିତ ବିରାଟ କୋହଲିି ବେଳେବେଳେ ଛୋଲେ ଭଟୁରେ ଖାଇବାକୁ ପସନ୍ଦ କରିଥାନ୍ତି ବୋଲି ପୂର୍ବରୁ ଏକ ଇଣ୍ଟରଭ୍ୟୁରେ କହିସାରିଛନ୍ତି । ଏହି ଛୋଲେ ଭଟୁରେ ତାଙ୍କର ପ୍ରିୟ ଖାଦ୍ୟ ଭିତରୁ ଗୋଟିଏ ବୋଲି ସେ କହିଛନ୍ତି । ସୂଚନାଯୋଗ୍ୟ ଯେ, ଟିମ୍ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି ଭାରତର ସଫଳ ଅଧିନାୟକ ମାନଙ୍କ ମଧ୍ୟରେ ଜଣେ । ତାଙ୍କ ନେତୃତ୍ୱରେ ଭାରତ ଅନେକ ଐତିହାସିକ ବିଜୟ ହାସଲ କରିଛି ।