ଟିକାକରଣକୁ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନର ପରାମର୍ଶ, ଶିକ୍ଷକ ଓ ଛାତ୍ର ଛାତ୍ରୀମାନଙ୍କୁ ଦିଆଯାଉ ଅଗ୍ରାଧିକାର
କନକ ବ୍ୟୁରୋ : ଏବେ ବିଶ୍ୱରେ କରୋନା ସଂକ୍ରମଣ ହାର କମୁଥିବାରୁ ଏହାକୁ ନଜରରେ ରଖି ବିଭିନ୍ନ ଦେଶର ସରକାରମାନେ କରୋନା କଟକଣା କୋହଳ କରିବାରେ ଲାଗିଛନ୍ତି । ଏହାରି ଭିତରେ ବନ୍ଦ ରହିଥିବା ଶିକ୍ଷାନୁଷ୍ଠାନ ଖୋଲିବାକୁ ସରକାର ସଜବାଜ ହେଉଥିବା ବେଳେ ସ୍କୁଲ କର୍ମଚାରୀ ଓ ଛାତ୍ର ଛାତ୍ରୀମାନଙ୍କୁ ଅଗ୍ରାଧିକାର ଭିତ୍ତିରେ ଟିକା ଦେବାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ପରାମର୍ଶ ଦେଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନ ଓ ୟୁନିସେଫ ତରଫରୁ ସୋମବାର ଦିନ କୁହାଯାଇଛି କି ଶିକ୍ଷକ, ଶିକ୍ଷାକର୍ମୀ ଓ ଛାତ୍ର ଛାତ୍ରୀମାନଙ୍କ ସରକାର ଅଗ୍ରାଧିକାର ଦେଇ ପ୍ରଥମେ ଟିକା ଯୋଗାଇ ଦିଅନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ସଂଯୁକ୍ତ ରାଷ୍ଟ୍ରର ଏଜେନ୍ସିମାନେ କହିଛନ୍ତି କି ଯଦି ସ୍କୁଲ ଖୋଲିବାକୁ ଚାହୁଁଛନ୍ତି ତେବେ ସାରା ବିଶ୍ୱର ଶିକ୍ଷାନୁଷ୍ଠାନ ମାନଙ୍କରେ ଅଗ୍ରାଧିକାର ଭିତ୍ତିରେ ଟିକାକରଣ କରାଯାଉ । ଟିକାକରଣ ଦ୍ୱାରା ସୁନିଶ୍ଚିନ୍ତ କରାଯାଇ ପାରିବ କି ବିନା ବିପଦରେ ଶ୍ରେଣୀ ଗୃହରେ ଶିକ୍ଷକ, ସ୍କୁଲ କର୍ମଚାରୀ ଓ ଛାତ୍ର ଛାତ୍ରୀମାନେ ପାଠ ପଢିପାରିବେ ।
ଡବ୍ଲ୍ୟୁଏଚଓର ୟୁରୋପୀୟ କ୍ଷେତ୍ର ନିର୍ଦ୍ଦେଶକ ହେଂସ କ୍ଲୁଜ କହିଛନ୍ତି କି ପିଲାମାନଙ୍କୁ ଶିକ୍ଷା, ମାନସିକ ସ୍ୱାସ୍ଥ୍ୟ ଓ ସାମାଜିକ କୋଶଳ ପାଇଁ ଟିକା କରଣ ସବୁଠାରୁ ଅତ୍ୟାବଶ୍ୟକ । ଏହାଦ୍ୱାରା ପିଲା ସୁସ୍ଥ ରହିବା ସହ ସମାଜରେ ଜଣେ ଦାୟିତ୍ୱବାନ ନାଗରିକ ହୋଇପାରିବ । ଏହାସହ ମହାମାରୀ ଦ୍ୱାରା ବିଶେଷ ଭାବେ ଶିକ୍ଷା ବ୍ୟବସ୍ଥା ଭୂଷୁଡି ପଡିଥିବା କଥା ସେ କହିଛନ୍ତି ।