ଘରୁ ମିଳିଲା ୬ ହଜାର ଶାଢୀ, ୯ ହଜାର ସ୍କୁଲ ବ୍ୟାଗ… କର୍ଣ୍ଣାଟକ ବିଜେପି ଏମଏଲସିଙ୍କ ଘରୁ ମିଳିଲା ସାମଗ୍ରୀର ଭଣ୍ଡାର
କନକ ବ୍ୟୁରୋ: କର୍ଣ୍ଣାଟକରେ ବିଜେପିର ନେତା ଆର ଶଙ୍କରଙ୍କ ଘରେ କମର୍ସିଆଲ ଟାକ୍ସ ଅଧିକାରୀ ରେଡ୍ କରିଛନ୍ତି । ରେଡ ବେଳେ ଏହି ପୂର୍ବତନ ମନ୍ତ୍ରୀ ତଥା ବର୍ତ୍ତମାନ ଏମଏଲସି ଥିବା ଆର ଶଙ୍କରଙ୍କ ଘରୁ ବିପୁଳ ଶାଢୀ ଏବଂ ଅନ୍ୟାନ ସାମଗ୍ରୀ ଜବତ କରାଯାଇଛି । ଆର ଶଙ୍କର ତଥାକଥିକ ଭାବେ ନିର୍ବାଚନ ସମୟରେ ମତଦାତାଙ୍କୁ ଏହି ସାମଗ୍ରୀ ବାଣ୍ଟିବା ପାଇଁ ରଖିଥିବା ଅଭିଯୋଗ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁସାରେ କମର୍ସିଆଲ ଟାକ୍ସ ଅଧିକାରୀ ମଙ୍ଗଳବାର ବିଳମ୍ବିତ ରାତିରେ ଆର ଶଙ୍କରଙ୍କ ହୈବେରୀ ଜିଲ୍ଲାର ରାଣେବେତ୍ରୁର ଘରେ ଛାପା ମାରିଥିଲା । ଏହି ସମୟରେ ଟିମର ସଦସ୍ୟ ତାଙ୍କ ଘରୁ ୬ ହଜାର ଶାଢୀ, ୯ ହଜାର କଲେଜ ଏବଂ ସ୍କୁଲ ବ୍ୟାଗ, ଘରେ ବ୍ୟବହାର ହେଉଥିବା ପ୍ଲେଟ ଜବତ କରିଛି । ଆନୁମାନିକ ଭାବେ ଏହି ସାମଗ୍ରୀର ଦାମ ୨୦ରୁ ୩୦ ଲକ୍ଷ ଟଙ୍କା କୁହାଯାଉଛି । ଏମଏଲସିଙ୍କ ଘରେ ପାଖାପାଖି ୭ ଘଣ୍ଟା ରେଡ ଜାରି ରହିଥିଲା । ଜବତ ହୋଇଥିବା ସମସ୍ତ ସାମଗ୍ରୀ ପୁଲିସକୁ ପ୍ରଦାନ କରାଯାଇଛି । ଏ ସମସ୍ତ ସାମଗ୍ରୀ କ୍ରୟ ଉପରେ ଜିଏସଟିର ବିଲ ମଧ୍ୟ ମାଗିଛନ୍ତି ଅଧିକାରୀ । ଆର ଶଙ୍କର ଏ ବାବଦରେ ବିଲ ପ୍ରଦାନ ପାଇଁ ତିନି ଦିନର ସମୟ ମଧ୍ୟ ମାଗିଛନ୍ତି ।