କନକ ବ୍ୟୁରୋ : ଟାଟା ସ୍କାଏର ନାଁ ବଦଳିଲା । ଏଣିକି ଟାଟା ସ୍କାଏ, ଟାଟା ପ୍ଲେ ଭାବେ ଜଣାଯିବ । ଆଜିଠୁ ଟାଟା ସ୍କାଏର ନାଁ ପରିବର୍ତ୍ତନ ହୋଇଛି । ଏହି ଡିଟିଏଚ୍ କମ୍ପାନି ନାଁ ବଦଳାଇବା ସହ ଓଟିଟି ପ୍ଲାଟଫର୍ମ ନେଟପ୍ଲିକ୍ସ ସହ ମଧ୍ୟ ହାତ ମିଳାଇଛି । ଯାହାଦ୍ୱାରା ଏଣିକି ଟାଟା ପ୍ଲେ ୟୁଜର୍ସ ଏକ ନୂଆ ଓଟିଟି ଚ୍ୟାନେଲ ପ୍ୟାକର ସୁବିଧା ପାଇବେ । ଏହାଦ୍ୱାରା ୟୁଜର୍ସଙ୍କୁ ଓଟିଟି କମ୍ବୋ ପ୍ୟାକର ସୁବିଧା ମିଳିବ । ଯେଉଁଥିରେ ଟାଟା ପ୍ଲେ ୟୁଜର୍ସ ଅନ୍ୟ ଚ୍ୟାନେଲ ସହ ଓଟିଟି ପ୍ଲାଟଫର୍ମ ଓ ବିଙ୍ଗ୍ ଭଳି ସର୍ଭିସର ମଧ୍ୟ ସୁବିଧା ପାଇପାରିବେ ।

Advertisment

ଏହି ପ୍ୟାକରେ ୧୩ଟି ଓଟିଟି ଆପର ବିଭିନ୍ନ ସୋ ଦେଖିପାରିବେ । କିନ୍ତୁ ଏହାକୁ କେବଳ ଜଣେ ମାତ୍ର ୟୁଜର୍ସ ବ୍ୟବହାର କରିପାରିବେ । ନୂଆ କମ୍ବୋ ପ୍ୟାକରେ ୟୁଜର୍ସଙ୍କୁ ଆମାଜନ ପ୍ରାଇମ ଭିଡ଼ିଓ ସହ ଭୁଟ୍, ଡିଜନୀ ପ୍ଲସ ହଟଷ୍ଟାର ଭଳି ଆପର ସବସ୍କ୍ରିପସନ ମିଳିବ । ତେବେ ଏଥିପାଇଁ କେତେ ଟଙ୍କା ଖର୍ଚ୍ଚ କରିବାକୁ ପଡିବ ତାହା ଏଯାଏଁ ସ୍ପଷ୍ଟ ହୋଇନାହିଁ ।

ଟାଟା ପ୍ଲେର ମୁଖ୍ୟ ହରିତ ନାଗପାଲ ନେଟଫ୍ଲିକ୍ସକୁ ସ୍ୱାଗତ କରିବା ସହ କହିଛନ୍ତି, ଯେଉଁମାନେ ପୂର୍ବରୁ ଆମର ଡିଟିଏଚ୍ ୟୁଜର୍ସ ଥିଲେ ସେମାନେ ପୁଣିଥରେ ପ୍ୟାକ୍ ରିଚାର୍ଜ କରିବା ସହ ଏହାର ସୁବିଧା ପାଇପାରିବେ । ଏଥିପାଇଁ କୌଣସି ଅତିରିକ୍ତ ଶୁଳ୍କ ଦେବାକୁ ପଡିବ ନାହିଁ । କେବଳ ଏତିକି ନୁହେଁ କମ୍ପାନି ନିଜର ବ୍ରଡବ୍ୟାଣ୍ଡ ନେଟୱର୍କର ନାଁ ବଦଳାଇ ଟାଟା ପ୍ଲେ ଫାଇବର କରିଛି । ଏବେ ଟାଟା ପ୍ଲେର ୨.୩ କୋଟି ୟୁଜର୍ସ ରହିଛନ୍ତି ।