କୋଭିଡ୍ କାଳରେ ଔଷଧ ଓ ସ୍ୱାସ୍ଥ୍ୟ ଉପକରଣ ଉପରେ ନଜର : ଗଠନ ହେଲା ରାଜ୍ୟସ୍ତରୀୟ କମିଟି
ସ୍ୱାସ୍ଥ୍ୟ ଉପକରଣ ଓ ଔଷଧର ଯୋଗାଣ ଓ କଳାବଜାରୀ ରୋକିବାକୁ ନିଆଗଲା ପଦକ୍ଷେପ
କନକ ବ୍ୟୁରୋ : କୋଭିଡ ଉପକରଣର ପରିଚାଳନାର ତଦାରଖ ଏବଂ ଔଷଧ କଳାବଜାରୀ ଉପରେ ନିୟନ୍ତ୍ରଣ ପାଇଁ ଗଠିତ ହେଲା ରାଜ୍ୟସ୍ତରୀୟ କମିଟି । କୋଭିଡ ଚିକିତ୍ସା ସମ୍ବନ୍ଧୀୟ ଆବଶ୍ୟକୀୟ ଔଷଧ ଏବଂ ଉପରକରଣ ଯେପରି ରାଜ୍ୟରେ କଳାବଜାରୀ ନହୁଏ ସେଥିପ୍ରତି ଏହି କମିଟି ନଜର ରଖିବ । ଏହି କମିଟିର ଅଧ୍ୟକ୍ଷ ଅଛନ୍ତି କ୍ରାଇମବ୍ରାଂଚ ଏଡିଜି ୱାଇକେ ଜେଠୱା । ଏନେଇ ଓଡିଶା ଔଷଧ ନିୟାନ୍ତ୍ରକ ସହ କଥା ହୋଇ କ୍ରାଇମବ୍ରାଂଚ ଏଡିଜି ବିସ୍ତୃତ ଆଲୋଚନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋଭିଡ ଔଷଧ, ଉପକରଣ କଳାବଜାରୀ ରୋକିବା ଦିଗରେ ସ୍ୱତନ୍ତ୍ର ରଣନୀତି ପ୍ରସ୍ତୁତ କରାଯାଇଛି । ଜଏଂଟ ଫ୍ଲାଇଁ ସ୍କ୍ୱାର୍ଡ, ସର୍ଭିଲାନ୍ସ ଟିମ, ପୁଲିସ, ଟାସ୍କଫୋର୍ସ ଟିମ, ଡ୍ରଗ୍ସ କଂଟ୍ରୋଲରର ଏନଫୋର୍ସମେଂଟ ୱିଙ୍ଗ ଅଚାନକ ଚଢାଉ କରି କୋଭିଡ ପରିଚାଳନାର ତଦାରଖ କରିବେ । ରାଜ୍ୟରେ ଯେପରି କୋଭିଡ ଚିକିତ୍ସା ସହ ସଂପୃକ୍ତ ଔଷଧ କିମ୍ବା ଉପକରଣର ଯେପରି କଳାବଜାରୀ ନହୁଏ, ସେ ଉପରେ ତୀକ୍ଷଣ ଓ ସତର୍କ ନଜର ରଖିବ ରାଜ୍ୟସ୍ତରୀୟ ଟିମ୍ ।