କେମିତି ଅଛି ତାରାଙ୍କ ସ୍ୱାସ୍ଥ୍ୟାବସ୍ଥା ? ଗତକାଲି ବିଧାନସଭାରେ ହୋଇପଡିଥିଲେ ଅସୁସ୍ଥ
କନକ ବ୍ୟୁରୋ : ଧିରେ ଧିରେ ସୁସ୍ଥ ହେଉଛନ୍ତି ବିଧାୟକ ତାରା ପ୍ରସାଦ ବାହିନୀପତି । ହେଲେ, ଏବେ ବି ସମ୍ପୂର୍ଣ୍ଣ ସୁସ୍ଥ ହୋଇ ନାହାଁନ୍ତି । ଅକ୍ସିଜେନ ଲାଗିଛି । ଡାକ୍ତରଙ୍କ ନିରୀକ୍ଷଣରେ ରହିଛନ୍ତି ତାରା । ଗତକାଲି ବିଧାନସଭାରେ ଅସୁସ୍ଥ ହୋଇପଡିଥିଲେ କଂଗ୍ରେସ ବିଧାୟକ ତାରା ବାହିନୀପତି । ବାଚସ୍ପତିଙ୍କ ପୋଡିୟମ ତଳେ ଚେୟାର ଉପରେ ଚଢି ପ୍ରତିବାଦ କରିବା ବେଳେ ଅସୁସ୍ଥ ହୋଇପଡିଥିଲେ ତାରା ।
Kanak News is now on WhatsApp
Join and get latest news updates delivered to you via WhatsApp
ସହଯୋଗୀମାନେ ତାଙ୍କୁ ପାଣି ପିଇବାକୁ ଦେଇ ଚେୟାରରେ ବସାଇ ଦେଇଥିଲେ । ପରେ ବାଚସ୍ପତିଙ୍କୁ ନିର୍ଦ୍ଦେଶ କ୍ରମେ ତାରାଙ୍କ ସ୍ୱାସ୍ଥ୍ୟବସ୍ଥା ଯାଞ୍ଚ ପାଇଁ ବିଧାନସଭାର ଲବିକୁ ଡାକ୍ତର ଆସିଥିଲେ ।
ତେବେ ଗତ କିଛି ଦିନ ପୂର୍ବରୁ କରୋନାରୁ ସୁସ୍ଥ ହୋଇଛନ୍ତି ତାରା ବାହିନୀ ପତି । କରୋନାର ସଂକ୍ରମିତ ହେବା ପରେ ଦୀର୍ଘଦିନ ଧରି ଅସୁସ୍ଥ ହୋଇ ମେଡିକାଲରେ ଚିକିତ୍ସା ହେଉଥିଲେ ଜୟପୁରର କଂଗ୍ରେସ ବିଧାୟକ ।