ବିଜେପୁର ପରୀକ୍ଷାରେ ଫେଲ ହେବ କଂଗ୍ରେସ ? ସ୍ଥିତି ଭଲ ନଥିବା କହି ପରାଜୟର ସଂକେତ ଦେଲେ ତାରା !
କନକ ବ୍ୟୁରୋ: ବିଜେପୁର ପରୀକ୍ଷାରେ ପାସ୍ କରିବନି କଂଗ୍ରେସ । ଆଜି ବିଜେପୁରରେ ହେଉଥିବା ବଡ ପରୀକ୍ଷାରେ ଫେଲ ମାରିପାରେ କଂଗ୍ରେସ । ଅର୍ଥାତ ବିଜେପୁର ଉପନିର୍ବାଚନରେ ଉଠି ନପାରେ ହାତ । କଂଗ୍ରେସର ସ୍ଥିତି ଭଲ ନଥିବାରୁ ବିଜେପୁରରେ ବ୍ୟାକଫୁଟରେ ରହିବ ବୋଲି ପ୍ରତିକ୍ରିୟା ରଖିଛନ୍ତି କଂଗ୍ରେସ ବିଧାୟକ ତାରା ବାହିନୀପତି ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ବିଜେପୁର ପାଇଁ ଭୋଟ ପଡୁଥିବା ବେଳେ ଅନ୍ୟପଟେ ତାରାଙ୍କ ଏଭଳି ବୟାନ କଂଗ୍ରେସ ପରାଜୟ ସ୍ୱୀକାର କରୁଥିବା ଅନୁମାନ କରିହେଉଛି । ତେବେ ବିଜେପୁରରେ କଂଗ୍ରେସ ମୋଟ ୨୦ ଲକ୍ଷ ଟଙ୍କାରେ ନିର୍ବାଚନ ଲଢୁଛି । ପିସିସି ସଭାପତି ନିରଞ୍ଜନ ୨୦ ଲକ୍ଷ ଟଙ୍କା ବିଜେପୁରରେ ଖର୍ଚ୍ଚ କରିବାକୁ ଦେଇଛନ୍ତି । ମାତ୍ର ବିଜେପି, ବିଜେଡି ଯେଉଁ ଭଳି ଟଙ୍କା ଉଡାଉଛନ୍ତି ତାଙ୍କ ଆଗରେ ଆମେ କେତେ ଦୂର ପାରିବୁ ଭଗବାନ ଜାଣନ୍ତି ବୋଲି ତାରା କହିଛନ୍ତି ।
ତେବେ ବିଜେପୁରରେ କଂଗ୍ରେସର ଭଲ ସ୍ଥିତି ନାହିଁ ବୋଲି ସିଧାସିଧା ସ୍ୱୀକାର କରିଛନ୍ତି ତାରା । ତାରାଙ୍କ ପୂର୍ବରୁ ବିଧାୟକ ସୁର ରାଉତରାୟ ମଧ୍ୟ ବିଜେପୁରରେ କଂଗ୍ରେସର ଖରାପ ସ୍ଥିତି କଥା କହିଥିଲେ । ବିଜେପି, ବିଜେଡିର ଟଙ୍କା ଖର୍ଚ୍ଚ ଆଗରେ କଂଗ୍ରେସ ଜିତି ପାରିବନି ବୋଲି ସୁର କହିଥିଲେ । ତେବେ ୨୪ରେ ରେଜଲ୍ଟ ବାହାରିବା ପରେ ହିଁ ଜଣା ପଡିବ ଦୁଇ ହେଭିୱେଟଙ୍କ କଥା କେତେ ସତ ହେଉଛି ।