କନକ ବ୍ୟୁରୋ : ତାତିଲେ ତାରା । ମନ୍ତ୍ରୀମାନେ ଭୁଲ ନ ମାଗିବା ପର୍ଯ୍ୟନ୍ତ ବିଧାନସଭା ଚଲାଇଦେବୁନି ବୋଲି କହିଛନ୍ତି କଂଗ୍ରେସ ବିଧାୟକ ତାରା ବାହିନୀପତି । ଦ୍ୱିତୀୟ ପର୍ଯ୍ୟାୟ ବଜେଟ ଅଧିବେଶନର ଦ୍ୱିତୀୟ ଦିନରେ ଗୃହରେ ଆଜି ଶାସକ-ବିରୋଧୀ ମୁହାଁମୁହିଁ ହୋଇଥିଲେ । ଗୃହ ଭିତରେ ଆତ୍ମହତ୍ୟା ଧମକ ଦେଇଥିବା ବିଜେପି ବିଧାୟକ ସୁବାସ ପାଣିଗ୍ରାହୀ କ୍ଷମା ମାଗନ୍ତୁ ବୋଲି ବିଜେଡି ସଦସ୍ୟ ଦାବି କରିବା ସହ ଗୃହର ମଧ୍ୟଭାଗକୁ ଆସି ହଟ୍ଟଗୋଳ କରିଥିଲେ । ବିଜେଡି ସଦସ୍ୟଙ୍କ ସହ ମନ୍ତ୍ରୀ ମଧ୍ୟ ଗୃହର ମଧ୍ୟଭାଗକୁ ଆସିଥିଲେ ବୋଲି ଅଭିଯୋଗ ଆଣିଛନ୍ତି ତାରା । ଆଲୋଚନା ମାଧ୍ୟମରେ ଏହାକୁ ସମାଧାନ ନକରି ଗୃହର ମଧ୍ୟଭାଗକୁ ମନ୍ତ୍ରୀ ମାନେ ଆସିବା ଠିକ୍ ନୁହେଁ । ତେଣୁ ମନ୍ତ୍ରୀମାନେ କ୍ଷମା ନ ମାଗିବା ପର୍ଯ୍ୟନ୍ତ ଗୃହ ଚଲାଇଦେବୁନି ବୋଲି କହିଛନ୍ତି ତାରା ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଚାଷୀଙ୍କ ଧାନ ପ୍ରସଙ୍ଗରେ ଗୃହ ଭିତରେ କଂଗ୍ରେସ ହଟ୍ଟଗୋଳ କରିଥିବା ବେଳେ ଗୃହ ବାହାରେ ତାରା କହିଛନ୍ତି, ବିଧାନସଭାରେ ମୁଖ୍ୟତଃ ଚାଷୀଙ୍କ ଧାନ ପ୍ରସଙ୍ଗ କଥା ଉଠୁ, ସରକାର ବେଇମାନି କରିଛନ୍ତି ଏହାକୁ ବରଦାସ୍ତ କରାଯିବନି । ଚାଷୀଙ୍କ ଧାନ ନ ଉଠିବା ଯାଏଁ ଗୃହ ଚଲାଇଦେବୁନି । ଚାଷୀଙ୍କ ଧାନ ଉଠିଲେ ବିଧାନସଭା ଚାଲିବ ବୋଲି ରୋକଠୋକ କହିଛନ୍ତି ତାରା ।