ତନ୍ଦୁରୀ ଚା । ଏହି ନାଁ ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ପୁଣେରେ ଏହାର ବେଶ ଚାହିଦା ରହିଛି । ମହାରାଷ୍ଟର ପୁଣେ ସହରରେ ଜଣେ ଦୋକାନୀ ଏଭଳି ନିଆରା ଢ଼ଙ୍ଗରେ ଚା ତିଆରି କରୁଛନ୍ତି । ଆଉ ଏହି ଚାରେ ରହିଛି ତନ୍ଦୁରୀର ସ୍ୱାଦ । ସବୁ ଲୋକଙ୍କ ଚା ପିଇବାର ଅଲଗା ଅଲଗା ଟେଷ୍ଟ ରହିଥିବା ବେଳେ ଦୋକାନୀ ଜଣକ ନିଜ ଗ୍ରାହକଙ୍କୁ ଆକୃଷ୍ଟ କରିବା ପାଇଁ ଏକ ଭିନ୍ନ ଶୈଳୀରେ ଚା ତିଆରି କରିଛନ୍ତି । ଆଉ ଏହାର ନା ଦେଇଛନ୍ତି ତନ୍ଦୁରୀ ତଡକା ଚା ।
Kanak News is now on WhatsApp
Join and get latest news updates delivered to you via WhatsApp
ଏହି ଚାରେ ତନ୍ଦୁରୀ ଚିକେନ, ତନ୍ଦୁରୀ ନାନ, ତନ୍ଦୁରୀ ପନିର ଟିକ୍କା ଭଳି ସ୍ୱାଦ ଏଥିରେ ସାମିଲ କରାଯାଇଥାଏ । ତେବେ ତନ୍ଦୁରୀର ଫ୍ଲେବର ଆଣିବା ପାଇଁ ପ୍ରଥମେ ମାଟିର ଚା କପକୁ ତନ୍ଦୁରର ନିଅାଁରେ ପକାଯାଇଥାଏ । ଏହି ମାଟି କପଟି ପୁରା ଗରମ ହୋଇଯିବା ପରେ ତିଆରି ହୋଇଥିବା ଚା ସେଥିରେ ଢ଼ଳାଯାଇଥାଏ । ଚା ଢ଼ାଳିବାର ମଧ୍ୟ କିଛି ଅଲଗା ଶୈଳୀ ରହିଛି । ଚା ଢ଼ାଳିବା ମାତ୍ରେ ହିଁ ସେଥିରୁ ପାଣି ଫୋଟକା ବାହାରିଥାଏ । ଏହାପରେ ଏକ ମାଟି ହାଣ୍ଡିର କପ ଭଳି ଦେଖାଯାଉଥିବା ବାସନରେ ଗ୍ରାହକଙ୍କୁ ଚା ପରଷା ଯାଇଥାଏ ।