ତାମିଲନାଡୁ ବିଜେପି ପ୍ରଦେଶ ଅଧ୍ୟକ୍ଷଙ୍କ ବିରୋଧରେ ମାନହାନୀ ମକଦ୍ଦମା ରୁଜୁ, ସିଏମ ଏମକେ ଷ୍ଟାଲିନଙ୍କୁ ବଦନାମ କରିବାର ଅଭିଯୋଗ ।
କନକ ବ୍ୟୁରୋ : ତାମିଲନାଡୁ ସରକାର ପ୍ରଦେଶର ବିଜେପି ଅଧ୍ୟକ୍ଷ କେ ଆନ୍ନମଲାଇଙ୍କ ବିରୋଧରେ ମାନହାନୀ ମକଦ୍ଦମା ରୁଜୁ କରିଛନ୍ତି । ତାଙ୍କ ବିରୋଧରେ ଡିଏମକେ ଫାଇଲ ଜରିଆରେ ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନଙ୍କୁ ବଦନାମ କରିବାର ଅଭିଯୋଗ ଲାଗିଛି । ଆନ୍ନାମଲାଇ ନିକଟରେ ଅଭିଯୋଗ ଲଗାଇ କହିଥିଲେ ଯେ ୨୦୧୧ରେ ଚେନ୍ନାଇ ମେଟ୍ରୋ କାମକୁ ଠିକରେ କରିବା ପାଇଁ ଏମ କେ ଷ୍ଟାଲିନଙ୍କୁ ୨୦୦ କୋଟି ଟଙ୍କା ଦିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ସେ ଦାବି କରିଥିଲେ ଯେ, ଷ୍ଟାଲିନଙ୍କ ଦଳର ଆଉ ଡିଏମକେ ନେତାଙ୍କ ପାଖରେ ୧.୩୪ କୋଟି ଟଙ୍କା ରହିଛି । ଏହି ଟଙ୍କାକୁ ଦୁର୍ନୀତି ଜରିଆରେ ରୋଜଗାର କରାଯାଇଛି । ସେ ଅଭିଯୋଗ ଲଗାଇଥିଲେ ଯେ ମୁଖ୍ୟମନ୍ତ୍ରୀଙ୍କ ପରିବାରର ସଦସ୍ୟ ଦୁବାଇରେ ସେହି କମ୍ପାନୀର ନିର୍ଦ୍ଦେଶକ ଥିଲେ ଯେଉଁ କମ୍ପାନୀ ତାମିଲନାଡୁରେ ନିବେଶ କରୁଥିଲା ।
ବିଜେପି ପକ୍ଷରୁ କୁହାଯାଇଛି ଯେ ଆନ୍ନାମଲାଇ କୋର୍ଟରେ ଏହି ମାମଲାକୁ ନେଇ ଲଢେଇ କରିବେ । ଏହା ପୂର୍ବରୁ ଡିଏମକେ ମଧ୍ୟ ତାଙ୍କୁ ନୋଟିସ ଜାରିକରିଛି । ତେବେ ଆନ୍ନାମଲାଇ କ୍ଷମାମାଗିବାକୁ ସଫାସଫା ମନା କରିଥିଲେ । ତାମିଲନାଡୁ ପ୍ରଦେଶ ବିଜେପିର ଅଧ୍ୟକ୍ଷ ଅପ୍ରେଲ ୧୪ ତାରିଖରେ ଏକ ଲମ୍ବା ତାଲିକା ଜାରିକରିଥିଲେ । ଏଥିରେ ୧.୩୪ ଲକ୍ଷ କୋଟିର ସମ୍ପତ୍ତି ଥିବା ନେଇ ଦର୍ଶାଯାଇଥିଲା । ସେ ଦାବି କରିଥିଲେ ଯେ ଏହି ସମ୍ପତ୍ତି ଡିଏମକେର ପ୍ରମୁଖ ନେତାଙ୍କ ପାଖରେ ରହିଛି ।