ମାତିଛନ୍ତି ତାମିଲ୍ ଚୋର ଗ୍ୟାଙ୍ଗ । ମୁକ, ବଧିର ସାଜି କରୁଛନ୍ତି ଚୋରି ।

କନକ ବ୍ୟୁରୋ: ମାତିଛନ୍ତି ତାମିଲ୍ ଚୋର ଗ୍ୟାଙ୍ଗ । ମୁକ, ବଧିର ସାଜି କରୁଛନ୍ତି ଚୋରି । ୨ ଚୋରକୁ ଗିରଫ କଲା ଝାରସୁଗୁଡା ପୁଲିସ । ଚୋର ଦୁହେଁ ତାମିଲନାଡୁର ବୋଲି କହିଛନ୍ତି । ଅଭିଯୁକ୍ତମାନଙ୍କ ନିକଟରୁ ୨ଟି ଲାପଟପ୍ ଏବଂ ୨୨ ଟି ମୋବାଇଲ ଜବତ ହୋଇଛି। ମୁକ, ବଧିର ସାର୍ଟିଫିକେଟ୍ ଦେଖାଇ ଲୋକଙ୍କ ବିଶ୍ୱାସଭାଜନ ହେବା ପରେ ଘରେ କଳାକନା ବୁଲାଉଥିଲେ ଅଭିଯୁକ୍ତ । ଗତ ୨୮ ତାରିଖରେ ଝାରସୁଗୁଡାର ଜଣଙ୍କ ଘରୁ ଚୋରି ହେବା ପରେ ଝାରସୁଗୁଡା ଟାଉନ ଥାନାରେ ଅଭିଯୋଗ କରିଥିଲେ । ପୋଲିସ ଏହି ଘଟଣାରେ ତଦନ୍ତ କରିବା ସହ ୨ ଅଭିଯୁକ୍ତଙ୍କୁ ଗିରଫ କରି ଅଧିକ ତଦନ୍ତ ଆରମ୍ଭ କରିଛି ।