ଅଭିନବ ଉପାୟରେ ସଚେତନତା : ସ୍ୱାସ୍ଥ୍ୟର ଦେବୀ ରୂପ ଧାରଣ କରି ମାସ୍କ୍ ବାଣ୍ଟିଲେ ମହିଳା । ଗୋଟିଏ ହାତରେ ତ୍ରୀଶୁଳ ଆର ହାତରେ ମାସ୍କ୍ ଧରି ସଚେତନ କଲେ ମହିଳା , ମହିଳାଙ୍କ ଏଭଳି ଉଦ୍ୟମକୁ ପ୍ରଶଂସା କଲା ସୋସିଆଲ୍ ମିଡିଆ
ଭାରତର ସଂସ୍କୃ୍ତି , ପରମ୍ପରା ଦେବାଦେବୀଙ୍କ ପୂଜାର୍ଚ୍ଚନାକୁ ବିଶ୍ୱାସ କରେ । ପ୍ରଶାସନ , ପରିଜନଙ୍କ ଆକଟ ଯେଉଁଠି ଆଣ୍ଠୁମାରି ବସେ ଦେବାଦେବୀଙ୍କ ସ୍ୱପ୍ନାଦେଶ ସେଠାରେ ବେଦର ଗାର ପାଲଟେ । ଗାଁମାନଙ୍କରେ ତ ଗ୍ରାମଦେବତୀଙ୍କୁ ହିଁ ଇଷ୍ଟଦେବୀଙ୍କ ଆସ୍ଥାନ ପ୍ରାପ୍ତ ହୋଇଥାଏ । ତାମିଲନାଡୁର ଗ୍ରାମୀଣ ଅଞ୍ଚଳରେ ମଧ୍ୟ ଦେବୀ ମରିୟମ୍ମନଙ୍କୁ ସ୍ୱାସ୍ଥ୍ୟର ଦେବୀ ବୋଲି ପୂଜାର୍ଚ୍ଚନା କରାଯାଏ । ଦେଶରେ କୋଭିଡ଼୍-୧୯ ମହାମାରୀ ଚାଲିଥିବା ବେଳେ କିଛି ଲୋକ ସରକାରଙ୍କ ଦ୍ୱାରା କରାଯାଇଥିବା ଗାଇଡ଼ଲାଇନକୁ ମାନୁ ନାହାନ୍ତି । ମାସ୍କ୍ , ସାନିଟାଇଜରକୁ ସବୁ ଫୁ’ କରି ଉଡ଼ାଉଛନ୍ତି । ତେଣୁ ଏଠାକାର ଜଣେ ମହିଳା ଦେବୀ ମରିୟମ୍ମନଙ୍କ ରୂପ ଧାରଣ କରି ଗୋଟିଏ ହାତରେ ତ୍ରୀଶୁଳ ଆର ହାତରେ ମାସ୍କ୍ ଧରି ଗ୍ରାମୀଣ ଅଞ୍ଚଳରେ ଲୋକଙ୍କୁ ମାସ୍କ୍ ବାଣ୍ଟୁଛନ୍ତି । ସଚେତନତା ସୃଷ୍ଟି କରିବା ପାଇଁ ମହିଳାଙ୍କ ଏଭଳି ପଦକ୍ଷେପକୁ ସବୁ ପ୍ରଶଂସା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Delhi Police, with the help of a local artist dressed as Yamraj, created awareness among the people and appealed to them to remain indoor during lockdown. Announcement was made by them for the people in RK Puram area, in a bid to create awareness. #COVID19 pic.twitter.com/7aJ3UC3ut7
— ANI (@ANI) April 27, 2020
ଏହିଭଳି ଭାବେ ଏପ୍ରିଲ୍ ମାସରେ ଦିଲ୍ଲୀ ପୁଲିସର କର୍ମଚାରୀ ଯମରାଜ ବେଶ ଧାରଣ କରି ଲୋକଙ୍କୁ ଘରେ ରହିବା ପାଇଁ ସତର୍କ କରାଉଥିଲେ । ଖାଲି ଏତିକି ନୁହଁ ଲୋକଙ୍କୁ ସତର୍କ କରିବା ପାଇଁ ‘କାକ୍କୁମ୍ ଅମ୍ମା’ ତଥା “ଦ ଗାର୍ଡିୟାନ୍ ଗଡେସ୍”ନାମକ ଏକ ସର୍ଟ ଫିଲ୍ମ ବି ଦେଖାଯାଉଛି । ତେବେ ଏଠାରେ ଆପଣଙ୍କୁ କହିରଖୁଛୁ ଯେ ମହାରାଷ୍ଟ୍ର ପରେ ତାମିଲନାଡୁ କରୋନା ସଂକ୍ରମଣ କ୍ଷେତ୍ରରେ ଦ୍ୱିତୀୟ ସ୍ଥାନରେ ରହିଛି । ତେଣୁ ରାଜ୍ୟ ସରକାର ଲୋକଙ୍କୁ ସତର୍କ କରିବା ପାଇଁ ଅନେକ ପ୍ରକାର ପଦକ୍ଷେପ ମଧ୍ୟ ନେଉଛନ୍ତି ।