କନକ ବ୍ୟୁରୋ: ଆଫଗାନିସ୍ତାନରେ ତାଲିବାନ ସରକାର ଗଠନ ହେବା ପରେ ସବୁ ରାଷ୍ଟ୍ର ଆଡକୁ ବନ୍ଧୁତାର ହାତ ବଢାଉଛି ହେଲେ ଇସ୍ରାଏଲ ସହ କେବେବି ସମ୍ଭବ ନୁହେଁ ବୋଲି ସ୍ପଷ୍ଟ କରିଛି ତାଲିବାନ୍ । ଏକ ସାମ୍ବାଦିକ ସମ୍ମିଳନୀରେ ଏହା ସ୍ପଷ୍ଟ କରିଛନ୍ତି ତାଲିବାନ୍ ମୁଖପାତ୍ର ସୁହୈଲ ସାହିନ୍ । ଇସ୍ରାଏଲକୁ ବାଦ ଦେଇ ବାକି ସମସ୍ତ ଦେଶ ସହ ସମ୍ପର୍କ ରଖିବାକୁ ଇଚ୍ଛୁକ ବୋଲି ସାହିନ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ଆମେରିକା ପ୍ରତି ଶତ୍ରୁତା ମନୋଭାବ ପୋଷଣ କରୁଥିଲେ ବି ଏବେ ଏହା ପ୍ରତି ମଧ୍ୟ ସମ୍ପର୍କ ରଖିବାକୁ ମନ ବଳାଇଛି ତାଲିବାନ୍ । ଆଜି ନୂଆ ଅଧ୍ୟାୟରେ ଆମେରିକା ଯଦି ଚାହେଁ ତେବେ ଆମ ସହ ସମ୍ପର୍କ ରଖିପାରିବ ।ଏହା ଦ୍ୱାରା ଦୁଇ ଦେଶର ବିକାଶ ହେବ । ହେଲେ ଇସ୍ରାଏଲ ସହ ସମ୍ପର୍କ ବିଷୟରେ ପଚରାଯିବାରୁ ଏଡାଇ ଦେଇଥିଲେ ସାହିନ୍ ।
ସୂଚନା ମୁତାବକ, ତାଲିବାନକୁ ସତ୍ତାକୁ ଆଣିବାରେ ପାକିସ୍ତାନର ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଆଜିଯାଏଁ ପାକିସ୍ତାନ ଇସ୍ରାଏଲକୁ ମାନ୍ୟତା ଦେଇନାହିଁ । ଏଭଳି ସ୍ଥିତିରେ ତାଲିବାନ୍ କେବେବି ଇସ୍ରାଏଲକୁ ବନ୍ଧୁତାର ନିମନ୍ତ୍ରଣ ଦେବ ନାହିଁ ବୋଲି କୁହାଯାଉଛି ।
ସୂଚନା ମୁତାବକ, ଗତ ମାସରେ ହାସିନ ଇସ୍ରାଏଲର ଜଣେ ସରକାରୀ ସାମ୍ବାଦିକଙ୍କ ସହ କଥା ହେବାକୁ ନେଇ ଚର୍ଚ୍ଚା ହୋଇଥିଲା । ହେଲେ ଅଜାଣତରେ ଏପରି ହୋଇଥିବା ହାସିନ କହିଥିଲେ । କଥା ହେଉଛି ଇଣ୍ଟରଭ୍ୟୁ ପାଇଁ ଆସିଥିବା ସାମ୍ବାଦିକ ତାଙ୍କ ବ୍ରଡକାଷ୍ଟର ନାଁ ତ କହିଥିଲେ ହେଲେ ତାହା ଇସ୍ରାଏଲର ବୋଲି କହିନଥିଲେ । ଅନେକ ସାମ୍ବାଦିକ ନିଜ ପରିଚ୍ର ନଦେଇ ତାଙ୍କ ଇଣ୍ଟରଭ୍ୟୁ ନେଇଛନ୍ତି । ହେଲେ ଏହି ଘଟଣା ପରଠାରୁ ସବିଶେଷ ତଥ୍ୟ ନେଇସାରିବ ପରେ ହିଁ ସାକ୍ଷାତାକାର ଦେଉଛନ୍ତି ବୋଲି କହିଛନ୍ତି ସୁହୈଲ ସାହିନ ।