କନକ ବ୍ୟୁରୋ: ତାଲିବାନ୍ କବଳରୁ ସୁରକ୍ଷିତ ପଂଜସିର ଗଡ । ଏହା ଉପରେ ଆକ୍ରମଣ ନକରିବାକୁ ତାଲିବାନ ନିଷ୍ପତ୍ତି ନେଇଛି । ଅନେକ ଦିନର ଦ୍ୱନ୍ଦ୍ୱ ପରେ ନର୍ଦ୍ଦନ ଏଲାଏନ୍ସ ଓ ତାଲିବାନ୍ ମଧ୍ୟରେ ବୈଠକ ପରେ କେହି କାହାରି ଉପରେ ଆକ୍ରମଣ କରିବେ ନାହିଁ ବୋଲି ନିଷ୍ପତ୍ତି ହୋଇଛି । ଏହି ବୈଠକରେ ନର୍ଦ୍ଦନ୍ ଏଲାଏନ୍ସ ପକ୍ଷରୁ ପଂଜସିର ନେତା ମହମ୍ମଦ୍ ମାସୁଦ ଓ ପୂର୍ବତନ ପ୍ରତିରକ୍ଷା ମନ୍ତ୍ରୀ ଅମରୁଲା ସାଲେହ୍ ଓ ତାଲିବାନ୍ ପକ୍ଷରୁ ଏହାର ମୌଲାନା ଅମୀର ଖାନ୍ ମୁକ୍ତି କରି ଏହି ପରି ନିଷ୍ପତ୍ତି ନେଇଛନ୍ତି । ଏହି ନିଷ୍ମତ୍ତିକୁ ତାଲିବାନ୍ ‘ଅମନ୍ ଜିରଗା’ ନାମକରଣ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଆଫଗାନିସ୍ତାନର ସମସ୍ତ ଇଲାକା ଏବେ ତାଲିବାନ୍ କବଜାରେ ଥିବାବେଳେ କେବଳ ପଂଜସିରକୁ ସେମାନେ ଅକ୍ତିଆର କରିବାକୁ ବିଫଳ ହୋଇଛନ୍ତି । ପଂଜସିରକୁ ଦଖଲ କରିବାକୁ ତାଲିବାନ୍ ନିଜ ସେନା ଛାଉଣି କରିବା ସତ୍ତେ୍ୱ ହାର ମାନନଥିଲେ ପଂଜସିର ନେତା । ଆତ୍ମସମର୍ପଣ କରିବାକୁ ରୋକଠୋକ୍ ମନାକରିଥିଲେ । ଆତ୍ମସମର୍ପଣ ଭଳି ଶବ୍ଦ ତାଙ୍କ ଶବ୍ଦକୋଷରେ ନାହିଁ ବୋଲି ମସୁଦ କହିଥିଲେ । ତାଲିବାନ୍ ସହ ଆଲୋଚନ କରିବାକୁ ସେ ପ୍ରସ୍ତତ କିନ୍ତୁ ଆଲୋଚନା ବିଫଳ ହେଲେ ଯୁଦ୍ଧ କରିବାକୁ ପ୍ରସ୍ତୁତ ଥିବା ମସୁଦ ଘୋଷଣା କରିଥିଲେ । କିନ୍ତୁ ତାଙ୍କର ଏପରି ଟକ୍କର ସହ ପୂର୍ବତନ ପ୍ରତିରକ୍ଷା ମନ୍ତ୍ରୀଙ୍କ ସହଯୋଗକୁ ନେଇ ତାଲିବାନ୍ ପଛଘୁଂଚା ଦେବାପରେ ଆଲୋଚନା ପାଇଁ ସହମତି ଜଣାଇଥିଲା ।