କାଶ୍ମୀର ପ୍ରସଙ୍ଗରେ ତାଲିବାନର ଟିପ୍ପଣୀ : ବିବାଦୀୟ ଅଞ୍ଚଳ ଭାରତ ସକରାତ୍ମକ ଭାବନା ରଖିବାକୁ ଉଚିତ ବୋଲି କହିଲେ ମୁଖପାତ୍ର ଜବିଉଲ୍ଲା ମୁଜାହିଦ
ସେପଟେ କାଶ୍ମୀର ଉପରେ ଆକ୍ରମଣ ପାଇଁ ତାଲିବାନି ନେତାଙ୍କୁ ଭେଟିଲା ପାକ୍ ଆତଙ୍କବାଦୀ ମସୁଦ୍ ଆଝାର
କନକ ବ୍ୟୁରୋ : କାଶ୍ମୀର ପ୍ରସଙ୍ଗରେ ତାଲିବାନ ଟିପ୍ପଣୀ ରଖିଛି । ତାଲିବାନ ମୁଖପାତ୍ର ଜବିଉଲ୍ଲା ମୁଜାହିଦ କହିଛନ୍ତି, ଭାରତ ଏବଂ ପାକିସ୍ତାନ ସେମାନଙ୍କ ଜଟିଳ ସମସ୍ୟା ସବୁ ସମାଧାନ ପାଇଁ ଏକାଠି ବସି କଥା ହେବା ଉଚିତ । ପାକିସ୍ତାନ ଟିଭି ନ୍ୟୁଜ ଚ୍ୟାନେଲ ଚ୍ୟାନଲରେ ସାକ୍ଷାତକାର ଦେଇ ଏପରି କହିଛନ୍ତି ମୁଜାହିଦ । ସେ କହିଛନ୍ତି ଭାରତ ବିବାଦୀୟ ଅଂଚଳ ପ୍ରତି ସକରାତ୍ମ ଭାବନା ରଖିବା ଉଚିତ । ଭାରତ ସହ ସମ୍ପର୍କକୁ ନେଇ ମୁଜାହିଦ କହିଛନ୍ତି ତାଲିବାନ ଭାରତ ସମେତ ସବୁ ରାଷ୍ଟ୍ର ସହ ଉତମ ସମ୍ପକ ଚାହେଁ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଭାରତ ଆଫଗାନ ଲୋକଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଏହି ନୀତିରେ କିଛି ପରିବର୍ତନ ଆଣିବାକୁ ସେ ଚାହିଁଛନ୍ତି । ଏପରିକି ସେ କହିଛନ୍ତି ଉଭୟ ଭାରତ , ପାକିସ୍ତାନ ସେମାନଙ୍କ ଜଟିଳ ସମସ୍ୟା ସବୁକୁ ଏକାଠି ବସି ସମାଧାନ କରିବା ଉଚିତ । ସେପଟେ ତାଲିବାନ ନେତୃବୃନ୍ଦଙ୍କୁ ଭେଟିଛି ମସୁଜ ଆଝାର । ଜମ୍ମୁ କାଶ୍ମୀରରେ ଆତଙ୍କବାଦୀ କାର୍ଯ୍ୟକଳାପ ଜାରି ରଖିବା ପାଇଁ ସେ ତାଲିବାନର ସହଯୋଗ ଲୋଡିଛନ୍ତି । ମସୁଦ ଆଝାର ତାଲିବାନ ରାଜନୈିତିକ କମିସନ ମୁଖ୍ୟ ମୁଲା ଅବଦୁଲା ଘନି ବରାଦରଙ୍କ ସମେତ ଅନ୍ୟ ନେତାମାନଙ୍କ ସହ ବୈଠକ କରିଛନ୍ତି ।