ଆଫଗାନ ଛାଡିବା ପୂର୍ବରୁ ବିମାନକୁ ଅଚଳ କରିଦେଲା ଆମେରିକା : ୭୩ଟି ବିମାନ ଓ ୧୫୦ଟି ଯୁଦ୍ଧଯାନକୁ ସବୁଦିନ ପାଇଁ ଅକାମୀ କରିଦେଇଥିବା ସୂଚନା
ବିଳମ୍ବିତ ରାତିରେ କାବୁଲ ଏୟାରପୋର୍ଟରୁ ଉଡିଲା ଶେଷ ବିମାନ
କନକ ବ୍ୟୁରୋ : ଦୀର୍ଘ ୨୦ ବର୍ଷର ଲମ୍ବା ଯୁଦ୍ଧ ପରେ ଆମେରିକା ସେନା ସମ୍ପୂର୍ଣ୍ଣ ଭାବେ ଆଫଗାନ ଛାଡିଛନ୍ତି । ୨୦୦୧ ସେପ୍ଟେମ୍ବର ୧୧ ତାରିଖରେ ଆଫଗାନିସ୍ଥାନରେ ଆମେରିକା ପାଦ ରଖିଥିଲା । ଆମେରିକା ସେନ୍ୟ ଆଫଗାନିସ୍ଥାନ ଛାଡିବା ପରେ ଆମେରିକା ରାଷ୍ଟ୍ରପ୍ରତି ଜୋ ବାଇଡେନ କହିଛନ୍ତି ୨୦ ବର୍ଷର ଯୁଦ୍ଧ ଶେଷ ହୋଇଛି, ଆମେ ଏବେ ଆଫଗାନିସ୍ଥାନରେ ଫସି ରହିଥିବା ବାହାର ଦେଶର ନାଗରିକମାନଙ୍କୁ ବାହାରକୁ ଆଣିବାକୁ ଚେଷ୍ଟା ଚଳାଇଛୁ ।
Kanak News is now on WhatsApp
Join and get latest news updates delivered to you via WhatsApp
ଏପଟେ ତାଲିବାନୀମାନେ ଆଫଗାନିସ୍ଥାର ଜାତିସଂଘ ସୁରକ୍ଷା ପରିଷଦର ନିଷ୍ପତ୍ତି, ଆନ୍ତର୍ଜାତୀୟ ନେତାମାନଙ୍କୁ ବୟାନ ଏବଂ ଆଫଗାନିସ୍ଥାନର ଗ୍ରାଉଣ୍ଡ ଜିରୋର ସ୍ଥିତି ଅନୁଦ୍ଧାନ କରୁଛନ୍ତି । ଏପରି ସ୍ଥଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏନଏସଏ, ଇଏମ ସମେତ ଉଚ୍ଚ ପଦସ୍ତ ଅଧିକାରୀମାନଙ୍କ ସହ ଆଲୋଚନା କରି ଆଫଗାନରେ ଥିବା ଭାରତୀୟ ନାଗରିକମାନଙ୍କୁ ଫେରାଇ ଆଣିବା ଉପରେ ଗୁରୁତ୍ୱ ଦେଇଛନ୍ତି । ତେବେ ଆମେରିକା ପୂର୍ବତନ ରାଷ୍ଟ୍ରତି ଡୋନାଲ୍ଡ ଟ୍ରମ୍ପ ଏଭଳି ସୈନ୍ୟ ପ୍ରତ୍ୟାହର ନେଇ ଜୋ ବାଇଡେନ ସରକାରଙ୍କୁ ସମାଲୋଚନା କରିଛନ୍ତି । ଆମେରିକା ଇତିହାସରେ ଏଭଳି ସେନ୍ୟ ପ୍ରତ୍ୟାହାର କରିବା ଦେଖିବାକୁ ମିଳିନଥିଲା ।
ତେବେ ଆମେରିକା ଆଫଗାନକୁ ଦେଇଥିବା ସମସ୍ତ ଯୁଦ୍ଧାସ୍ତ୍ର ଫେରାଇ ଆଣିବାକୁ ଟ୍ରମ୍ପ କହିଛନ୍ତି । ଆମେରିକା ସେନା ପ୍ରତ୍ୟାହାର ହେବା ପରେ ତାଲିବାନୀ ମୁଖପାତ୍ର ଆଫଗାନିସ୍ଥାନ ସ୍ୱାଗତ ଜଣାଇଛନ୍ତି । ଆଜି ଆମେରିକା ସେନା ପ୍ରତ୍ୟାହାର କରିବା ବୋଲି ଘୋଷଣା କରିଥିଲେ ମଧ୍ୟ ଗୋଟିଏ ଦିନ ପୂର୍ବରୁ ସୋମବାର ବିଳମ୍ବିତ ରାତିରେ ଆମେରିକା ସେନା ପ୍ରତ୍ୟାହାର କରି ନେଇଥିଲା । ହେଲେ ଆମେରିକା ସେନାର ସହାୟତାରେ କାବୁଲ ବିମାନ ବନ୍ଦରରୁ ଦୁଇ ସପ୍ତାହ ମଧ୍ୟରେ ୧ ଲକ୍ଷ ୧୪ ହଜାର ଲୋକ ବାହାରକୁ ଯାଇଛନ୍ତି ।