ଆମେରିକାର ଆଧୁନିକ ଅସ୍ତ୍ରରେ ବଳିୟାନ ହେଲା ତାଲିବାନ । ଆତଙ୍କୀ ହାତରେ ଏବେ ସାଢ଼େ ୬ ଲକ୍ଷ କୋଟି ଟଙ୍କାର ଅସ୍ତ୍ରଶସ୍ତ୍ର ।
କନକ ବ୍ୟୁରୋ: ୨୦ ବର୍ଷ ଧରି ତାଲିବାନ ସହ ଲଢ଼ିବା ପାଇଁ ଆଫଗାନ ସେନାକୁ ଶକ୍ତିଶାଳୀ କରିବା ସହ ଅସ୍ତ୍ରଶସ୍ତ୍ର ଯୋଗାଇ ଆସିଥିଲା ଆମେରିକା । ଆଫଗାନିସ୍ତାନରୁ ସୈନ୍ୟ ଅପସାରଣ ପରେ ଏହିସବୁ ଅସ୍ତ୍ରଶସ୍ତ୍ର ଏବେ ତାଲିବାନ କବଜାରେ । ଫଳରେ ସାଢେ ୩ ଲକ୍ଷ ସୈନ୍ୟ କ୍ଷମତା ଥିବା ଆଫଗାନିସ୍ଥ୍ାନକୁ ଆତ୍ମସମର୍ପଣ କରିବାକୁ ବାଧ୍ୟ କରିଥିବା ତାଲିବାନ ଆହୁରି ଶକ୍ତିଶାଳୀ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆମେରିକାର ଜଣେ ପ୍ରଶାସନିକ ଅଧିକାରୀଙ୍କ ସୂଚନା ମୁତାବକ ଏବେ ତାଲିବାନ ପାଖରେ ଆମେରିକାର ୮୫ ବିଲିୟନ ଡଲାରର ଅସ୍ତ୍ରଶସ୍ତ୍ର ରହିଛି । ଭାରତୀୟ ମୁଦ୍ରାରେ ଏହାର ମୂଲ୍ୟ ପ୍ରାୟ ସାଢ଼େ ୬ ଲକ୍ଷ କୋଟି । ଅର୍ଥାତ୍ ଭାରତର ଚଳିତ ବର୍ଷର ପ୍ରତିରକ୍ଷା ବଜେଟର ପ୍ରାୟ ଦେଢ଼ ଗୁଣ । ନଜର ପକାନ୍ତୁ, କେତେ ବଢ଼ିଛି ତାଲିବାନର ଶକ୍ତି?
- ଯୁଦ୍ଧରେ ବ୍ୟବହାର ହେଉଥିବା ୭୫ ହଜାରରୁ ଅଧିକ ଗାଡ଼ି
- ୨୦୦ରୁ ଅଧିକ ଯୁଦ୍ଧ ବିମାନ ଓ ହେଲିକପ୍ଟର
- ତାଲିବାନ ପାଖରେ ବ୍ଲାକହକ୍ ହେଲିକପ୍ଟର
- ବିଶ୍ୱର ୮୫ ପ୍ରତିଶତ ଦେଶରେ ନାହିଁ ଏତିକି ହେଲିକଫ୍ଟର
- ୬ ଲକ୍ଷରୁ ଅଧିକ ଛୋଟ ଏବଂ ହାଲୁକା ଅସ୍ତ୍ରଶସ୍ତ୍ର
- ନାଇଟ ଭିଜନ ଚଷମା, ଅତ୍ୟାଧୁନିକ ବୁଲେଟ ପ୍ରୁଫ୍ ଜ୍ୟାକେଟ୍, ମେଡିକାଲ ସରଞ୍ଜାମ
- ଅତ୍ୟାଧୁନିକ ବାୟୋମେଟ୍ରିକ ଡିଭାଇସ, ଯେଉଁଥିରେ ରହିଛି ଫିଙ୍ଗର ପ୍ରିଣ୍ଟ, ଆଖି ସ୍କାନିଂ ଭଳି ସୁବିଧା
ଏହି ସବୁ ଅସ୍ତ୍ରଶସ୍ତ୍ର ଏବଂ ସରଞ୍ଜାମ ୨୦ ବର୍ଷ ମଧ୍ୟରେ ତାଲିବାନ ଦମନ ପାଇଁ ଆଫଗାନିସ୍ତାନକୁ ଦେଇଥିଲା ଆମେରିକା । ଯାହା ଏବେ ସେହି ତାଲିବାନୀ ଆତଙ୍କୀ ସଙ୍ଗଠନ ହାତରେ ଲାଗି ଯାଇଛି । ତେବେ ଏଥିପାଇଁ ଆଫଗାନିସ୍ତାନର ଘାନି ସରକାରଙ୍କୁ ଦାୟୀ କରିଛି ଆମେରିକା । ଆଫଗାନିସ୍ତାନ ସରକାରଙ୍କ ଅବହେଳା କାରଣରୁ ତାଲିବାନ ଏଭଳି ଅସ୍ତ୍ରଶସ୍ତ୍ର କବଜା କରିବାରେ ସକ୍ଷମ ହୋଇପାରିଛି ବୋଲି ଆମେରିକା ପକ୍ଷରୁ କୁହାଯାଇଛି ।