କନକ ବ୍ୟୁରୋ : ଗୋଟେପଟେ ତାଲିବାନ ପାଖରେ ଆତ୍ମସମର୍ପଣ କରିଛି ଆଫଗାନିସ୍ତାନ, ହେଲେ ପଞ୍ଜଶୀର ଦଖଲ କରିବାକୁ ତାଲିବାନ ଏବେ ନାକରେ ପାଣି ପିଉଛି । ପଞ୍ଜଶୀର ଘାଟିରେ ଏଏନଆରଏଫ୍ ତରଫରୁ ତାଲିବାନ ବିରୋଧରେ ପୁରା ଦମ୍ ଲଗାଇ ଦେଇଛି । ଏହି ସମୟରେ ଏକ ଫଟୋ ଭାଇରାଲ ହେଉଛି , ଯେଉଁ ଫଟୋକୁ ଦେଖିବାପରେ ଅନୁମାନ କରାଯାଉଛି କି ଖୁବଶୀଘ୍ର ପଞ୍ଜଶୀର ଘାଟି ବି ତାଲିବାନୀଙ୍କ ଦଖଲକୁ ଆସିଯିବ ।
Kanak News is now on WhatsApp
Join and get latest news updates delivered to you via WhatsApp
ଭାଇରାଲ ହେଉଥବା ଫଟୋକୁ ନେଇ ଦାବି କରାଯାଇଛି କି ଯେଉଁ ଆଲମିରା ନିକଟରେ ଆଫଗାନିସ୍ତାନର ପୂର୍ବତନ ରାଷ୍ଟ୍ରପତି ବସି ଭିଡିଓ ବାର୍ତ୍ତା ଜାରି କରିଥିଲେ, ସେଠାରେ ତାଲିବାନୀ ଯୋଦ୍ଧାମାନେ ପହଂଚି ସାରିଛନ୍ତି । ସେପଟେ ତାଲିବାନ ତରଫରୁ ବାରମ୍ବାର ଦାବି କରାଯାଉଛି କି ସେମାନେ ପଞ୍ଜଶୀର ଦଖଲ କରିସାରିଛନ୍ତି । ହେଲେ ଅମରୁଲ୍ଲା ସାଲହେ ଓ ଅହମ୍ମଦ ମସୁଦ ବି ତାଲିବାନର ଏଭଳି ଦାବିକୁ ବାରମ୍ବାର ଖଣ୍ଡନ କରୁଛନ୍ତି ।
ଅନ୍ୟପଟେ କୁହାଯାଉଛି କି ଗୁରୁବାର ରାତିରେ ତାଲିବାନ ଓ ନର୍ଦନ ଆଲାୟନ୍ସ ମଧ୍ୟରେ ଘମାଘୋଟ ଲଢେଇ ହୋଇଛି । ଏହି ସଂଘର୍ଷରେ ଅମରୁଲ୍ଲା ସାଲେହଙ୍କ ବଡ ଭାଇର ମୃତ୍ୟୁ ହୋଇଛି । ତାଲିବାନୀ ଯୋଦ୍ଧାମାନେ ରୋହଲ୍ଲାହା ସାଲେହଙ୍କୁ ଅମାନବୀୟ ଭାବେ ନିର୍ଜାତନା ଦେବା ପରେ ତାଙ୍କୁ ହତ୍ୟା କରାଯାଇଥିବା କଥା କୁହାଯାଉଛି । ହେଲେ ଏନେଇ ଅମରୁଲ୍ଲା ସାଲହେଙ୍କ ତରଫରୁ କିଛି ପ୍ରତିକ୍ରିୟା ମିଳିପାରି ନାହିଁ ।
ସେପଟେ ପାକିସ୍ତାନ ଅମରୁଲ୍ଲା ସାଲହେଙ୍କୁ ହତ୍ୟା କରିବାକୁ ବାରମ୍ବାର ଷଡଯନ୍ତ୍ର କରୁଥିବା କୁହାଯାଉଛି । ସାଲହେଙ୍କ ମୃତ୍ୟୁ ହେବା ପରେ ଯାଇ ତାଲିବାନୀମାନେ ପଞ୍ଜଶୀର ଘାଟିକୁ ଦଖଲ କରିପାରିବେ ।