କାବୁଲରୁ ଉଡାଣ କଟକଣା ଲଗାଇଲା ତାଲିବାନ : ତିନିଟି ପ୍ରବେଶ ପଥକୁ ନିଜ ନିୟନ୍ତ୍ରଣକୁ ନେଲା
କନକ ବ୍ୟୁରୋ : କାବୁଲରୁ ଉଡାଣ କଟକଣା ଲଗାଇଲା ତାଲିବାନ । ତିନିଟି ପ୍ରବେଶ ପଥକୁ ନିଜ ନିୟନ୍ତ୍ରଣକୁ ନେବା ସହ ପୂରା ବିମାନ ବନ୍ଦରକୁ ନିଜ କବଜାକୁ ନେଇଛି । କାବୁଲରେ ମୁତୟନ ଥିବା ଭାରତୀୟ ବାୟୁସେନାର ସି-୧୭ ଏବଂ ସି-୧୩୦ ଜେ ବିମାନ ଭାରତ ଫେରି ଆସିଛି । କାବୁଲରେ ଏବେ ବି ୫୦ରୁ ଅଧିକ ଭାରତୀୟ ଥିବା ଜଣାପଡ଼ିଛି । ଭାରତ ସରକାର ଆଗକୁ ଉଦ୍ଧାର କାର୍ଯ୍ୟ ଜାରି ରଖିବେ କି ନାହିଁ ତାହା ସ୍ପଷ୍ଟ ହୋଇନାହିଁ । ଏପରି ସ୍ଥିତିରେ କାବୁଲରେ ଥିବା ଭାରତୀୟ କିପରି ସ୍ୱଦେଶ ଫେରିବେ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ତାଲିବାନ କାବୁଲ ଏୟାରପୋର୍ଟକୁ ନିଜ ଅକ୍ତିଆରକୁ ନେବା ପରେ ସେଠାରେ ଥିବା ଅନ୍ୟ ଦେଶର ନାଗରିକ ମଧ୍ୟ ସ୍ୱଦେଶ ଫେରିବା ନେଇ ଚିନ୍ତାରେ । ତାଲିବାନ ଆଫଗାନିସ୍ତାନ ଦଖଲ କରିବା ପରେ ସ୍ୱଦେଶ ଫେରିବା ଲାଗି ହଜାର ହଜାର ନାଗରିକ କାବୁଲ ବିମାନ ବନ୍ଦରରେ ଭିଡ ଜମାଇଥିଲେ । ସେମାନଙ୍କୁ ସ୍ୱଦେଶ ଫେରାଇ ଆଣିବା ପାଇଁ ବିଭିନ୍ନ ଦେଶରୁ ବିମାନ ଯାଇ କାବୁଲ ପହଂଚିଥିଲା । ବିମାନ ବନ୍ଦରରେ ଏତେ ଭିଡ ହୋଇଥିଲା ଯେ, ଛୋଟ ଛୋଟ ରନୱେ କରାଯାଇ ବିମାନ ଛଡାଯାଉଥିଲା । ଆମେରିକା ସୈନ୍ୟ କାବୁଲରେ ସୁରକ୍ଷା ଦେଉଥିଲେ । ଏବେ ଆମେରିକା ସେନା ପ୍ରତ୍ୟାହାର କରି ନେବା ସହ ତାଲିବାନ ବିମାନ ଉଡାଣ ଉପରେ କଟକଣା ଲଗାଇଥିବାରୁ ଫସି ରହିଥିବା ଲୋକେ କିପରି ଫେରିବେ ତାକୁ ନେଇ ସନ୍ଦେହ ସୃଷ୍ଟି ହୋଇଛି ।