କନକ ବ୍ୟୁରୋ : ଆଫଗାନିସ୍ତାନ ଏବେ ପୁରା ତାଲିବାନୀଙ୍କ କବଜାରେ । ସେଠାରେ ବି ତାଲିବାନୀମାନେ ସରକାର ଗଠନ କରିସାରିଛନ୍ତି । ହେଲେ ତାଲିବାନୀମାନେ ଏବେ ଆଫଗାନରେ ନିଜର ଅସଲ ଚରିତ୍ର ଦେଖାଇବା ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଫଗାନ ଦଖଲ ପରେ ତାଲିବାନୀମାନେ ତାଙ୍କର ଧାର୍ମିକ ଭାବନାକୁ ଆଫଗାନବାସୀଙ୍କ ଉପରେ ଲଦିବାକୁ ଚେଷ୍ଟା କରୁଥିବା ବେଳେ ଆଫଗାନର ପୂର୍ବ ଉପ ରାଷ୍ଟ୍ରପତି ବୋରଲଡର୍ସ ଅବ୍ଦୁଲ ରଶିଦ ଦସ୍ତମଙ୍କ କାବୁଲରେ ଥିବା ଏକ ଦାମି ଘରକୁ ଦଖଲ କରିନେଇଛନ୍ତି ତାଲିବାନୀମାନେ । ଯେଉଁଠି ପୂର୍ବରୁ ଉପ ରାଷ୍ଟ୍ରପତି ବୋରଲଡର୍ସ ଅବ୍ଦୁଲ ରଶିଦ ରହୁଥିଲେ ସେଠାରେ ଏବେ ତାଲିବାନୀ ଆତଙ୍କବାଦୀ ସଂଗଠନର ଶକ୍ତିଶାଳୀ କମାଣ୍ଡର ସଲାଉଦ୍ଦିନ ଆୟୁବି ପୁରା ଆଡ୍ଡା ଜମାଇ ସାରିଛନ୍ତି । ସ୍ଥାନୀୟ ଗଣମାଧ୍ୟମର ସୂଚାନ ମୁତାବକ ପୂର୍ବ ରାଷ୍ଟ୍ରପତି ବି ଆଫଗାନ ଛାଡି ପଳାୟନ କରିଛନ୍ତି ।
ଏହି ଦାମୀ ବଙ୍ଗଳାକୁ ଦଖଲ କରିବା ଓ ସେଠାରେ ନିଜ ଆଡ୍ଡା ଜମାଇବା ପରେ ତାଲିବାନ ପକ୍ଷରୁ ଏକ ଭିଡିଓ ଜାରି କରାଯାଇଛି । ଯେଉଁ ଭିଡିଓରେ ଦେଖିବାକୁ ମିଳିଛି କି କିଛି ତାଲିବାନୀ ଏହି ବଙ୍ଗଳା ଭିତରେ ପଶି କୋଣ କୋଣରେ ତଲାସି ନେଉଛନ୍ତି । ସେଠାରେ ଥିବା ଆଲମିରା ଖୋଲି ଭିତରେ ଥିବା ଜିନିଷକୁ ଖୋଲି ଦେଖୁଛନ୍ତି । ଏହାସହ ପୁରା ହସଖୁସିରେ ସେଠାରେ ବସି ପରସ୍ପର ସହ ଆଲୋଚନା କରୁଛନ୍ତି ।
କହିରଖୁ କି ଭିଡିଓରେ ଦେଖିବାକୁ ମିଳିଛି ଏହି ବଙ୍ଗଳାରେ ଲାଓଞ୍ଜ, ସ୍ୱିମିଂପୁଲ,ଗ୍ରୀନ ହାଉସ,ମାସାଜ ସେଣ୍ଟର, ତୁର୍କୀ ଷ୍ଟିମ ବାଥ, ଜିମ୍ ଓ ମିଟିଂ ହଲ ଭଳି ଅନେକ ସୌଖିନୀ ସୁବିଧା ରହିଛି । ଏହି ବଙ୍ଗଳାକୁ ଦଖଲ କରିବା ପରେ ତାଲିବାନୀ କମାଣ୍ଡର ଏଏଫପି ଗଣମାଧ୍ୟମ ସହିତ କଥାବାର୍ତ୍ତା ବେଳେ କହିଛନ୍ତି ଇସଲାମରେ ସୌଖିନୀ ଜୀବନଶୈଳୀ ସହ ବଞ୍ଜିବାକୁ ଅନୁମତି ମିଳେ ନାହିଁ । ମରିବା ପରେ ସ୍ୱର୍ଗରେ ଏହି ସବୁ ସୁବିଧା ମିଳେ ବୋଲି ସେ କହିଥିଲେ ।
ସୂଚନା ଥାଉକି ଅବ୍ଦୁଲ ରଶିଦ ଦସ୍ତମ ୨୦୧୪ ରେ ଆଫଗାନିସ୍ତାନର ରାଷ୍ଟ୍ରପତି ହୋଇଥିଲେ । ସେ ୬ ବର୍ଷରୁ ଅଧିକ ସମୟ ଧରି ଉକ୍ତ ପଦରେ ରହିଥିଲେ । ତାଙ୍କ ଉପରେ ଯୁଦ୍ଧ ଅପରାଧ ଅଭିଯୋଗ ଆସିବା ପରେ ସେ ପଦରୁ ଇସ୍ତଫା ଦେଇଥିଲେ । ତାଙ୍କ ଉପରେ ଅଭିଯୋଗ ଥିଲା କି ୯/୧୧ ଆକ୍ରମଣ ପରେ ଆଫଗାନିସ୍ତାନରେ ତାଲିବାନ ସରକାର ଭାଙ୍ଗିବାରେ ଦସ୍ତମ ଆମେରିକା ସେନାଙ୍କୁ ସହାୟତା କରିଥିଲେ ।