କନକ ବ୍ୟୁରୋ: ପ୍ରଥମ ଥର ପାଇଁ ମୁହାଁ ମୁହିଁ ହୋଇଛନ୍ତି ଆମେରିକା ଓ ତାଲିବାନ ନେତା । ଆଫଗାନିସ୍ତାନରେ ମାନବିକ ଅଧିକାର ପ୍ରସଙ୍ଗକୁ ନେଇ ପ୍ରଥମ ଥର ପାଇଁ କତାରର ଦୋହାରେ ଅନୁଷ୍ଠିତ ବୈଠକରେ ଦୁଇ ଦେଶର ନେତାଙ୍କ ମଧ୍ୟରେ ଆମେରିକାକୁ ଖୋଲା ଚ୍ୟାଲେଂଜ କରିଛି ତାଲିବାନ । ଅନ୍ୟପଟେ ଆମେରିକା ଅଧିକାରୀ କହିଥିଲେ ,କଥାକୁ ନେଇ ନୁହେଁ ତାଲିବାନର କାମକୁ ଆକଳନ କରାଯିବ । ତାଲିବାନକୁ ମାନ୍ୟତା ନଦେଇ ମଧ୍ୟ ଆଫଗାନିସ୍ତାନ ବାସୀଙ୍କୁ ସାହାଯ୍ୟ କରିବ ଆମେରିକା । ଏଥିରେ ତାତି ଉଠିଥିଲା ତାଲିବାନ୍ ।
Kanak News is now on WhatsApp
Join and get latest news updates delivered to you via WhatsApp
ଦୋହାରେ ଆୟୋଜିତ ଏହି ବୈଠକରେ ଆମେରିକା ବୈଦେଶିକ ପ୍ରବକ୍ତା ନେଡ୍ ପ୍ରାଇସ୍ ଆଫଗାନିସ୍ତାନ ରାଷ୍ଟ୍ରିୟ ହିତ ସମ୍ପର୍କିତ ପ୍ରସଙ୍ଗକୁ ଉଠାଇଥିଲେ । ଏଥିରେ ଆଫାଗାନିସ୍ତାନ ବାସୀଙ୍କ ମାନବିକ ଅଧିକାରର ସୁରକ୍ଷା , ଆତଙ୍କବାଦ, ସେଠାରେ ଥିବା ବିଦେଶୀ ନାଗରିକଙ୍କ ସୁରକ୍ଷା, ଏଠିକାର ମହିଳାଙ୍କ ପ୍ରସଙ୍ଗରେ ଦୁଇ ଦେଶର ନେତାଙ୍କ ମଧ୍ୟରେ ଆଲୋଚନା ହୋଇଥିଲା । କିନ୍ତୁ ତାଲିବାନ ନେତା ଏହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ କରିବା ସହ ଆମେରିକାକୁ ଚେତାବନୀ ଦେଇଥିଲେ । ତାଲିବାନର କାର୍ଯ୍ୟବାହୀ ବିଦେଶ ମନ୍ତ୍ରୀ ଅମୀର ଖାନ୍ ମୁଫତି କହିଥିଲେ ଯେ, ଆମେରିକା ଅଯଥା ଆଫଗାନିସ୍ତାନକୁ ଅସ୍ଥିର କରିବାକୁ ଚେଷ୍ଟା କରୁଛି । ଯଦି ଏପରି କରେ ତେବେ ଏହାର ଭୟାବହ ପରିଣତି ଭୋଗିବାକୁ ପ୍ରସ୍ତୁତ ରୁହ । ଖାଲି ଆମେରିକା କାହିଁକି ଆଫଗାନିସ୍ତାନରେ ସ୍ଥିତ ତାଲିବାନ ସରକାରକୁ ଦୁର୍ବଳ କରିବାକୁ କିଛି ବି ଚେଷ୍ଟା କଲେ ପୁରା ଦୁନିଆଁକୁ ଏହାର ଭରଣା କରିବାକୁ ପଡି ବୋଲି ଆମେରିକା ଅଧିକାରୀଙ୍କୁ ଚେତାବନୀ ଦେଇଛନ୍ତି ଅମୀର ଖାନ୍ ମୁଫତି ।