କନକ ନ୍ୟୁଜ୍: ପଂଜଶିରକୁ ନିଜ ଦଖଲକୁ ନେଇଥିବା ଦାବି କରିବା ପରେ ନିଜ ଖୁସିକୁ ପାଳନ କରିବାକୁ ତାଲିବାନି ଆକାଶ ମାର୍ଗକୁ କରିଥିବା ଗୁଳିମାଡରେ ଅନେକ ପ୍ରାଣ ହରାଇଛନ୍ତି । ଏଥିରେ ଅନେକ ଶିଶୁ ଥିବା ଜଣାପଡିଛି । ଆହତଙ୍କୁ ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତାଲିବାନ୍ ଆଫଗାନିସ୍ତାନ ଦଖଲ କରିବା ପରେ ଏଠିକାର ଅବସ୍ଥା କାହାରିକୁ ଅଜଣା ନାହିଁ । ଶୁକ୍ରବାର ସନ୍ଧ୍ୟାରେ ମଧ୍ୟ ଏପରି କିଛି ଦୁଃଖଦ ଘଟଣା ଘଟଇଛି । ପଂଜଶିର ଦଖଲ କରିଥିବା ଖୁସିକୁ ଜାହିର କରିବାକୁ ଯାଇ ତାଲିବାନି ଆକାଶ ମାର୍ଗକୁ ଫାୟାରିଙ୍ଗ କରିଥିଲେ । ତାଲିବାନିଙ୍କ ଏହି ଗୁଳିମାଡରେ ଅନେକଙ୍କ ମୃତ୍ୟୁ ହୋଇଥିବାବେଳେ ଅନେକ ଆହତ ହୋଇଛନ୍ତି । ଆହତଙ୍କୁ ଆଫଗାନିସ୍ତାନର ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ପ୍ରବଳ ଭିଡ ଦେଖିବାକୁ ମିଳିଛି । ଏପରିକିି ଅପରେସନ୍ ଥିଏଟରରେ ମଧ୍ୟ ପ୍ରବଳ ଭିଡ ଥିବାରୁ ଏମରଜେନ୍ସି ହଲରେ ହିଁ କିଛି ଆତଙ୍କ ଅପସେନ୍ କରିବାକୁ ବାଧ୍ୟ ହୋଇଥିଲେ ଡାକ୍ତର । ଅନ୍ତର୍ଜାତୀୟ ଗଣମାଧ୍ୟମ ଅସବାକା ନ୍ୟୁଜ୍ ଏଜେନ୍ସିର ସୂଚନା ମୁତାବକ, ତାଲିବାନ୍ ନିଜ ବିଜୟର ଖୁସି ପାଳନ କରୁଥିବାବେଳେ ଆକାଶ ମାର୍ଗକୁ ଫାୟାରିଙ୍ଗ କରିବା ସମୟରେ ଏପରି ଅଘଟଣ ଘଟିଛି । ଅନ୍ୟପକ୍ଷରେ ତାଲିବାନର ଏପରି ଦାବିକୁ ପ୍ରତ୍ୟାକ୍ଷାନ କରିଛି ପଂଜଶିରର ରେଜିଷ୍ଟେନ୍ସ ଫୋର୍ସ । ଏଯାଏଁ ତାଲିବାନ୍ ପଂଜଶିରକୁ ନିଜ ଦଖଲରେ ନେବାରେ ବିଫଳ ହୋଇଛି । ବରଂ ନର୍ଦନ ଏଲାଏନ୍ସ ରେଜିଷ୍ଟେନ୍ସ ଫୋର୍ସର ଗୁଳିମାଡରେ ଅନେକ ତାଲିବାନୀ ଆହତ ହୋଇଥିବା ଗଣମାଧ୍ୟମ ଜାରିଆରେ ପ୍ରକାଶ କରିଛନ୍ତି ଅଶଫଗାନିସ୍ତାନର ପୂର୍ବତନ ପ୍ରତିରକ୍ଷା ମନ୍ତ୍ରୀ ତଥା ନର୍ଦ୍ଦନ ଏଲାଏନ୍ସର ସହଯୋଗୀ ଅମରୁଲ୍ଲା ସାଲେହ୍।
ଆଫଗାନିସ୍ତାନର ସମସ୍ତ ଜିଲ୍ଲାକୁ ଦଖଲ କରିବା ପରେ ପଂଜଶିର ଦଖଲ କରିପାରିନଥିଲା ତାଲିବାନ୍ । ଏନେଇ ଦୁଇ ସଙ୍ଗଠନର ମୁଖ୍ୟଙ୍କ ମଧ୍ୟରେ ଆଲୋଚନା ହୋଇଥିଲା । ଯେଉଁଥିରେ ପଂଜଶିରକୁ କୌଣସି କ୍ଷତି ନକରିବାକୁ ତାଲିବାନ୍ କହିଥିଲେ ବି ଆମେରିକା ସେନା ପ୍ରତ୍ୟାହାର ପରେ ପଂଜଶିର ଉପରେ ଆକ୍ରମଣ କରିଥିଲେ । କିନ୍ତୁ ନର୍ଦ୍ଦନ ଏଲଏନ୍ସର ପ୍ରତିଆକ୍ରମଣରେ ପାଖାପାଖି ୬ଶହରୁ ଅଧିକ ତାଲିବାନୀ ନିହତ ହୋଇଥିଲେ । ଏହା ପରେ ବି ପଂଜଶିର ଗଡର ଚାରିପଟେ ନିଜ ଶକ୍ତିକୁ ଦୃଢ କରିବାକୁ ଚେଷ୍ଟା କରିଥିଲା ତାଲିବାନ୍ । ଶୁକ୍ରବାର ଏହି ଗଡକୁ ଦଖଲ କରିଥିବା ପଂଜଶିର କହୁଥିଲେ ବି ନର୍ଦ୍ଦନ ଏଲଏନ୍ସ କିନ୍ତୁଏହାକୁ ଭୁଲ ବୋଲି କହିଛି । ତେବେ ପ୍ରକୃତରେ ପଂଜଶିର କାହାର ଏନେଇ କୌଣସି ସଠିକ ସୂଚନା ମିଳିପାରିନାହିଁ ।