କନକ ବ୍ୟୁରୋ: ଅନେକ ଦିନର ଯୁଦ୍ଧ ପରେ ପଂଜଶିର ଗଡକୁ କବଜା କରିଥିବା ଦାବି କରିିଛି ତାଲିବାନ୍ । ଏନେଇ ତାଲିବାନର ପ୍ରବକ୍ତା ଜିବହୁଲ୍ଲା ମୁଜାହିଦ୍ ଟୋଲୋ ନ୍ୟୁଜକୁ କହିଛନ୍ତି । ପଂଜଶିର ଘାଟିରେ ତାଲିବାନର ପତାକା ଉଡିବା ସହ ପଂଜଶିର ଗଭର୍ଣ୍ଣର ହାଉସ୍ ବାହାରେ ତାଲିବାନୀଙ୍କ ଆତଙ୍କବାଦୀଙ୍କ ଏକ ମେଳକୁ ଦେଖିବାକୁ ମିଳିଥିବା ସ୍ଥାନୀୟ ଗଣମାଧ୍ୟମ ସୂତ୍ରରୁ ପ୍ରକାଶ।
Kanak News is now on WhatsApp
Join and get latest news updates delivered to you via WhatsApp
ରବିବାର ତାଲିବାନ ସହ ପାକିସ୍ତାନ ହାତ ମିଳାଇାବା ପରେ ତାଲିବାନ ପକ୍ଷରୁ ପଂଜଶିର ଉପରେ ଡ୍ରୋନ ଆକ୍ରମଣ କରିଥିଲା ପାକିସ୍ତାନ । ଏଥିରେ ପଂଜଶିରର ନର୍ଦ୍ଦନ ଏଲାଏନ୍ସର ଚିଫ୍ କମାଣ୍ଡରଙ୍କ ମୃତ୍ୟୁ ହୋଇଥିବା ମଧ୍ୟ ତାଲିବାନ୍ ପ୍ରବକ୍ତା କହିଛନ୍ତି । କହିରଖୁ କ, ଗତ ଅଗଷ୍ଟ ୧୫ ତାରିଖରେ ତାଲିବାନ୍ କାବୁଲ ଦଖଲ ସହ ସମ୍ପୂର୍ଣ୍ଣ ଆଫଗାନିସ୍ତାନକୁ ଦଖଲ କରିଥିଲେ ବି ପଂଜଶିରକୁ ଦଖଲ କରିପାରିନଥିଲା । ଦଖଲ ନକରିବାକୁ ମଧ୍ୟ ପଂଜଶିର ମୁଖ୍ୟ ଅହମଦ୍ ମାସୁଦଙ୍କ ସହ ଆଲୋଚନା କରିଥିଲେ ବି ନିଜ କଥାରୁ ଓହରି ଯାଇ ବାରମ୍ବାର ଆକ୍ରମଣ କରିଥିଲା ଓ ପ୍ରତିପକ୍ଷରୁ ଆକ୍ରମଣରେ ଅନେକ ତାଲିବାନି ନିହତ ହୋଇଥିଲେ । ଏବେ ନିଜର ସ୍ୱଳ୍ପ ଆତଙ୍କବାଦୀଙ୍କ ସହ ପାକିସ୍ତାନି ଶକ୍ତି ମିଶିବା ପରେ ବଳିୟାନ ହୋଇଉଠିଛି ତାଲିବାନ୍ । ରବିବାର ଘାଟି ଉପରେ ବାରମ୍ବାର ଡ୍ରୋନ ଆକ୍ରମଣ ପରେ ଏନଆରଏଫ୍ ମୁଖ୍ୟ ଅହମଦ ମାସୁଦଙ୍କ ସ୍ୱର ନରମ ପଡିଛି । ମାସୁଦ କହିଥିଲେ ଯେ, ଯଦି ତାଲିବାନ ଯୁଦ୍ଧ ବନ୍ଦ କରି କମାଣ୍ଡୋଙ୍କୁ ପ୍ରତ୍ୟାହାର କରେ, ତେବେ ସେ ଆଲୋଚନା କରିବାକୁ ପ୍ରସ୍ତୁତ ଅଛନ୍ତି । ଏହାସହ ପଂଜଶିରରେ ଥିବା ଆଫଗାନିସ୍ତାନର ପୂର୍ବତନ ପ୍ରତିରକ୍ଷା ମନ୍ତ୍ରୀ ଅମରୁଲ୍ଲା ସାଲେହ ସାହାଯ୍ୟ ପାଇଁ ଜାତିସଂଘକୁ ଅପିଲ କରିଛନ୍ତି ।