ଭାରତ-ଚୀନ ବିବାଦର ପ୍ରକଳ୍ପ ଉପରେ ପରୋକ୍ଷ ପ୍ରଭାବ: ବୈଷୟିକ କାରଣରୁ ବନ୍ଦ ହେଲା ତାଳଚେର ସାର ଓ କୋଇଲା ବାଷ୍ପୀକରଣ କାମ । ଜାତୀୟ ଖବର ଅନୁସାରେ, ଚୀନ କମ୍ପାନି କାର୍ଯ୍ୟସ୍ଥଳକୁ ଶ୍ରମିକ, ଯନ୍ତ୍ରପାତି ଓ ଟେକ୍ନିସିଆନ ପଠାଇବାରେ ଅସମର୍ଥ

କନକ ବ୍ୟୁରୋ : ବୈଷୟିକ କାରଣରୁ  ତାଳଚେର ସାର କାରଖାନା ଓ କୋଇଲା ବାଷ୍ପୀକରଣ କାମକୁ ବନ୍ଦ କରିଦିଆଯାଇଛି ।  ଅର୍ଥ ମନ୍ତ୍ରଣାଳୟର ଏକ ସୁତ୍ର ଆଧାରରେ ଜାତୀୟ ଗଣମାଧ୍ୟମ ଏହି ଖବର ପ୍ରକାଶ କରିଛନ୍ତି ।  ଖବର ଅନୁସାରେ,  ବିଶ୍ୱରେ କୋଭିଡ ମହାମାରୀ ଚାଲିଛି ।  ଫଳରେ ବିମାନ ସେବା ବ୍ୟାହତ ହୋଇଛି । ଏହି ସମୟରେ  ଭିସା ସମସ୍ୟା କାରଣରୁ  ଚୀନ କମ୍ପାନୀ  କାର୍ଯ୍ୟସ୍ଥଳକୁ ତରୁନ୍ତ ଟେକ୍ନସିଆନ, ଯନ୍ତ୍ରପାତି,  ଓ ଶ୍ରମିକ ପଠାଇବାରେ ଅସମର୍ଥ ପ୍ରକାଶ କରିଛି ।  ୧୩ ହଜାର ୨୭୭ କୋଟିର ଏହି ପ୍ରକଳ୍ପ କାମକୁ ଗତବର୍ଷ ସେପେଟମ୍ବର ମାସରେ  ଚୀନ ଉହାନର ଇଞ୍ଜନିୟରିଂ କମ୍ପାନୀ ଲିମିଟେଡକୁ ଦିଆଯାଇଥିଲା । କିନ୍ତୁ କାଯରଗ୍ଧ କାର୍ଯ୍ୟସ୍ଥଳକୁ ଟେକ୍ନସିଆନ, ଯନ୍ତ୍ରପାତି,  ଓ ଶ୍ରମିକ ପଠାଇବାରେ ଅସମର୍ଥତା ପ୍ରକାଶ କରିଛି ସଂପୃକ୍ତ କମ୍ପାନୀ ।

ୟରିଆ ଉତ୍ପାଦନ ନିମନ୍ତେ  କୋଇଲା ବାଷ୍ପୀକରଣ ଟେକ୍ନୋଲଜି  ପ୍ରୟୋଗ କରାଯିବାରେ  ସମଗ୍ର ଭାରତରେ ତାଳଚେରର ଏହି ପ୍ରକଳ୍ପ  ହେଉଛି ପ୍ରଥମ ।  କୋଇଲା ବାଷ୍ପୀକରଣ  ପ୍ରକ୍ରିୟାରେ  କୋଇଲାକୁ ସିନଗ୍ୟାସରେ ପରବର୍ତନ କରାଯାଏ ।  ସିନଗ୍ୟାସ ହେଉଛି  ଉଦଜାନ, କାର୍ବନ ମନୋକ୍ସାଇଡ ଓ କାର୍ବନ ଡାଇଅକ୍ସାଇଡର ମିଶ୍ରଣ । ଭାରତ ୟୁରିଆ ଆମଦାନୀ ଉପରେ ନିର୍ଭର କରୁଥିବାରୁ  ଏହି ପ୍ରକଳ୍ପର ଗୁରୁତ୍ୱ ରହିଛି ।   କିନ୍ତୁ ବୈଷୟିକ କାରଣରୁ ଏହି ପ୍ରକଳ୍ପ କାମ ଏବେ ବନ୍ଦ ହୋଇଯାଇଛି ।