ଶରଧାବାଲିରେ ଲାଗିଲା ବଡଠାକୁର ଶ୍ରୀବଳଭଦ୍ରଙ୍କ ତାଳଧ୍ୱଜ । ପଛରେ ଆସୁଛନ୍ତି ମା’ ସୁଭଦ୍ରାଙ୍କ ଦର୍ପଦଳନ ଓ କାଳିଆ ସାଆନ୍ତଙ୍କ ନନ୍ଦିଘୋଷ

କନକ ବ୍ୟୁରୋ: ଗୁଣ୍ଡୁଚାମନ୍ଦିର ପାଖ ଶରଧାବାଲିରେ ପହଞ୍ଚିଛନ୍ତି ବଡବାଡସାମନ୍ତ ବଡଠାକୁର ଶ୍ରୀବଳଦେବ ଗୋସାଇଁ । ତାଙ୍କ ପଛେ ପଛେ ଘର୍ଘରନାଦ କରି ଆସୁଛି ମା’ ସୁଭଦ୍ରାଙ୍କ ଦର୍ପଦଳନ ରଥ । ତାଙ୍କ ପଛରେ ରହି ରହି ଗୁଣ୍ଡିଚା ମନ୍ଦିିର ଅଭିମୁଖେ ଆସୁଛନ୍ତି ବ୍ରହ୍ମାଣ୍ଡଗୋସାଇଁ କାଳିଆ ଠାକୁର । ଆଉ କିଛି ସମୟ ପରେ ଶରଧାବାଲିରେ ପହଞ୍ଚିବେ ହଳଦୀମୁଖୀ ମା’ ସୁଭଦ୍ରା ।

ଏହାପରେ ବିଭିନ୍ନ ନୀତିକାନ୍ତି ପୁନର୍ବାର ଆରମ୍ଭ ହୋଇ ଚତୁର୍ଦ୍ଧାମୂରତିଙ୍କୁ ଗୁଣ୍ଡିଚା ମନ୍ଦିରକୁ ପ୍ରବେଶ କରାଯିବ । ତେବେ ଆଜି ମଧ୍ୟ ଦ୍ୱିତୀୟ ଦିନରେ ପୁରା ବଡଦାଣ୍ଡ ଜନସମୁଦ୍ରରେ ପରିଣତ ହୋଇଛି । ପୁରା ପରିବେଶ ଆଜି ଜଗନ୍ନାଥମୟ ହୋଇଉଠିଛି । ଆକାଶ, ପବନ , ଗଗନ ସମସ୍ତେ ଏକାଠି ହୋଇଛନ୍ତି ।