୨୪ଘଣ୍ଟାରେ ୪୭ ହଜାର ସଂକ୍ରମଣ : ସର୍ତକ ନହେଲେ ଫେରିପାରେ ଲକଡାଉନ୍; ଜାଣନ୍ତୁ କେଉଁ ରାଜ୍ୟରେ କ’ଣ କଟକଣା ?

119

କନକ ବ୍ୟୁରୋ : ରାତିରେ ରାଜଧାନୀରେ ବାଜି ଉଠିଲା ସାଇରନ୍ । ବିଳମ୍ବିତ ରାତିରେ ରାଜଧାନୀ ରାଜରାସ୍ତାରେ ପଛକୁ ପଛ ହୋଇ ଛିଡାହେଲେ ଏକାଧିକ ପୋଲିସ ଭ୍ୟାନ । ଉପରେ ଜଳୁଥିଲା ବତୀ ଆଉ ଖୁବଜୋରରେ ଶବ୍ଦ କରୁଥିଲା ସାଇରନ୍ । ଏମିତି ଶବ୍ଦ ଶୁଣି ଲୋକଙ୍କ ମନରେ ଛନକା ପଶିବା ସ୍ୱାଭାବିକ । ହେଲେ ଏହି ଶବ୍ଦ ଥିଲା ଆପଣଙ୍କୁ ସଚେତନ କରିବାକୁ । କରୋନାର ସଂକ୍ରମଣ ଯେଭଳି ଦିନକୁ ଦିନ ବଢିବାକୁ ଲାଗିଛି, ମୁଖ୍ୟମନ୍ତ୍ରୀ ଏହାକୁ ନେଇ ସମୀକ୍ଷା କରିବା ପରେ କରୋନା ସତର୍କତାକୁ କଡାକଡି କରିବା ପାଇଁ ନିର୍ଦ୍ଦେଶ ଦେଇଛନ୍ତି ।

ଏହାପରେ କୋଭିଡ ଆପ୍ରୋପ୍ରିଏଟ ବିହେବିଅର ଅର୍ଥାତ କରୋନା ବିରୋଧୀ ସତର୍କତାକୁ କଡାକଡି ପାଳନ କରିବା ପାଇଁ ଲୋକଙ୍କୁ ସଚେତନ କରିବାକୁ ରାସ୍ତାକୁ ଓହ୍ଲାଇ ଆସିଛି କମିଶନରେଟେ ପୋଲିସ । ବାହାରକୁ ବାହାରିଲେ ମାସ୍କ ପିନ୍ଧନ୍ତୁ, ସାମାଜିକ ଦୂରତା ରଖନ୍ତୁ ଏବଂ ଅନାବଶ୍ୟକ ଗହଳି କରନ୍ତୁ ନାହିଁ । ବାରମ୍ବାର ହ୍ୟାଣ୍ଡ ସାନିଟାଇଜ କରିବା ଭଳି ସତର୍କତାକୁ ଗ୍ରହଣ କରନ୍ତୁ ବୋଲି ଚେତାଇ ଦିଆଯାଇଛି ।

କମିଶନରେଟ ପୋଲିସ ପକ୍ଷରୁ ଏହି ଜନ ସଚେତନତା କାର୍ଯ୍ୟକ୍ରମ ଆରମ୍ଭ ହୋଇଥିବାବେଳେ ଆଗାମୀ ୨ରୁ ୩ ଦିନ ଏଭଳି ସଚେତନ କରାଯିବ । ପରେ ନିୟମ ନମାନିଲେ ଫାଇନ ଆଦାୟ ସହ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ କମିଶନର କହିଛନ୍ତି ।

ଦେଶର କରୋନା ମିଟର  –

– ୨୪ ଘଂଟାରେ ୪୭ ହଜାର ସଂକ୍ରମଣ ମାମଲା
– ୨୧ ମାର୍ଚ୍ଚରେ ଆସିଥିଲା ବର୍ଷର ସର୍ବାଧିକ ୪୭ ହଜାର ମାମଲା
– ଗତ ୨୦ ଦିନରେ ପ୍ରତ୍ୟେକ ଦିନ ପ୍ରାୟ ୪୦ ହଜାର ମାମଲା
– ଗତ ୨୩ ଦିନରେ ୫ ଲକ୍ଷ ୬୨ ହଜାରରୁ ଅଧିକ ମାମଲା
– ପ୍ରତିଦିନ ୪ ଗୁଣା ବେଗରେ ବଢୁଛି ଦୈନିକ ସଂକ୍ରମଣ ମାମଲା
– ଗତ ୩ ଦିନ ହେଲା ଦିନକୁ ୨୦୦ ଲୋକଙ୍କ କରୋନାରେ ମୃତ୍ୟୁ

ମହାରାଷ୍ଟ୍ର ସ୍ଥିତି ଉଦବେଗଜନକ –

– ନାଗପୁରରେ ମାର୍ଚ୍ଚ ୧୫ରୁ ୩୧ ସଂପୂର୍ଣ୍ଣ ଲକଡାଉନ୍
– ନାସିକରେ ରାତି ୭ରୁ ସକାଳ ୭ ଯାଏଁ ଦୋକାନ ବନ୍ଦ
– ନାନ୍ଦେଡରେ ରାତି ୭ରୁ ସକାଳ ୭ ଦୋକାନ ବଜାର ବନ୍ଦ
– ପୁନେରେ ମାର୍ଚ୍ଚ ୩୧ ଯାଏଁ ସ୍କୁଲ, କଲେଜ ବନ୍ଦ
– ଓସମାନାବାଦରେ ରାତି ୯ରୁ ସକାଳ ୫ ଯାଏଁ କର୍ଫ୍ୟୁ
– ଔରଙ୍ଗାବାଦରେ ସପ୍ତାହର ଶେଷଦିନ ଲକଡାଉନ୍
– ପାରଭାନୀରେ ୨ ଦିନିଆ ନାଇଟ୍ କର୍ଫ୍ୟୁ ଜାରି

ଗୁଜରାଟରେ ସତର୍କତା –

– ଗୁଜରାଟରେ ସଂକ୍ରମଣକୁ ଦେଖି ବଢିଲା ନାଇଟ କର୍ଫ୍ୟୁ ଅବଧି
– ୪ଟି ହଟସ୍ପଟ ସହରରେ ନାଇଟ କର୍ଫ୍ୟୁ ଅବଧି ୨ ଘଂଟା ବୃଦ୍ଧି
– ରାତି ୧୨ ପରିବର୍ତ୍ତେ ରାତି ୧୦ରୁ ସକାଳ ୬ ଯାଏଁ କର୍ଫ୍ୟୁ
– ଅହମ୍ମଦାବାଦ, ସୁରଟ୍, ଭଡୋଦରା ଓ ରାଜକୋଟରେ କର୍ଫ୍ୟୁ
– ମାର୍ଚ୍ଚ ୧୭ରୁ ୩୧ ଯାଏଁ କଡାକଡି ହୋଇଛି ନାଇଟ୍ କର୍ଫ୍ୟୁ

ମଧ୍ୟପ୍ରଦେଶରେ ସତର୍କତା –

– ଭୋପାଳ ଓ ଇନ୍ଦୋରରେ ନାଇଟ୍ କର୍ଫ୍ୟୁ
– ଅର୍ଥାତ ସମସ୍ତ ଚଳପ୍ରଚଳ ଉପରେ ଶକ୍ତ କଟକଣା
– ଅନ୍ୟ ୮ଟି ସହରରେ ରାତି ୧୦ ପରେ ଦୋକାନ ବନ୍ଦ
– ଜବଲପୁର, ଗ୍ୱାଲିୟର, ଉଜ୍ଜୈନରେ ରାତିରେ ଦୋକାନ ବନ୍ଦ
– ରତଲାମ୍, ଛଣ୍ଡୱାଡା, ବୁରହାନପୁର, ବେତୁଲରେ କଟକଣା
– ଖାରଗାଓଁରେ ମଧ୍ୟ ରାତି ୧୦ ପରେ ବନ୍ଦ ରହିବ ଦୋକାନ
– ହୋଲିରେ ଜନସମାବେଶ ଉପରେ ରହିବ କଟକଣା
– ବ୍ୟକ୍ତିଗତ ଭାବେ ପାଳନ କରିପାରିବେ ହୋଲି ଉତ୍ସବ

ଓଡିଶାରେ ସ୍ଥିତି ନିୟନ୍ତ୍ରଣରେ –

– ମାଲକାନଗିରିରେ ନାଇଟ୍ କର୍ଫ୍ୟୁ ଜାରି
– ରାତି ୯ଟାରୁ ସକାଳ ୬ ଟା ଯାଏଁ ନାଇଟ୍ କର୍ଫ୍ୟୁ
– ବଡଯାତ୍ରାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନର ସତର୍କତା
– ୩୧ ତାରିଖ ମଧ୍ୟରାତ୍ରୀ ଯାଏଁ ରହିବ ନାଇଟ୍ କର୍ଫ୍ୟୁ
– ସୁରଟ ଓ ମୁମ୍ବାଇରୁ ଗଂଜାମ ଫରିଲେ ସଂଗରୋଧରେ ରହିବେ
– ଅତ୍ୟଧିକ ସଂକ୍ରମିତ ରାଜ୍ୟରୁ ଫେରିଲେ କରୋନା ନେଗେଟିଭ ରିପୋର୍ଟ ବାଧ୍ୟତାମୂଳକ
– କେବଳ ଦଣ୍ଡନାଚ ପାଇଁ ଆସୁଥିଲେ ନଆସିବାକୁ ଜିଲ୍ଲାପାଳଙ୍କ ଅପିଲ

Comments are closed.