ସୂତା ଖିଅରେ ଝୁଲୁଛି ଜୀବନ ! ନଦୀ ପାର ହେବାକୁ ୧୦୦ଫୁଟ ଉଚ୍ଚର ଗାର୍ଡୱାଲ ଦେଇ ଯାତାୟତ କରୁଛନ୍ତି ଛାତ୍ରଛାତ୍ରୀ ଓ ଗାଁ ଲୋକେ
ଗଂଜାମ ଆମ୍ବିଳିଆମ୍ବ ଗାଁରୁ ଆସିଲା ଛାତିତରା ଦୃଶ୍ୟ
କନକ ବ୍ୟୁରୋ: ଗଂଜାମ ଜିଲ୍ଲା ସୋରଡ଼ା ବ୍ଳକର ମେରିକୋଟ ପଂଚାୟତର ଆମ୍ବିଳିଆମ୍ବ ଗାଁ ଆଉ ଏହି ଗାଁରେ ରୁହଛନ୍ତି ପ୍ରାୟ ୪୫ଟି ପରିବାର । ପଂଚାୟତଠାରୁ ଗାଁର ଦୂରତା ପ୍ରାୟ ୧୫ରୁ ୧୭ କିଲୋମିଟର । ପଂଚୟତ ଅଫିସକୁ ଯିବାକୁ ହେଲେ ଚାଲିବାକୁ ପରେ ଜଙ୍ଗଲି ରାସ୍ତା । ତେଣୁ ରାସ୍ତା ଦେଇ ନିଜ ପଂଚାୟତ ମୁଖ୍ୟାଳୟକୁ ଯିବାକୁ ନାପସନ୍ଦ କରନ୍ତି ଗ୍ରାମବାସୀ । ନିଜ ଆବଶ୍ୟକତା ପୂରଣ ପାଇଁ ଗାଁରୁ ୨ କିଲୋମିଟର ଦୂରରେ ଥିବା ଗୋଛା ପଂଚାୟତ ଉପରେ ନିର୍ଭର କରନ୍ତି । ଆଉ ଏଠାକୁ ଯିବା ପାଇଁ ଜୀବନକୁ ପାଣି ଛଡାଇ ୧୦୦ ପୁଂଟ ଉଚ ଗାଡ଼ ୱାଲରେ ଯା’ଆସ କରନ୍ତି କୋମଳମତି ଛାତ୍ରଛାତ୍ରୀ ଓ ଗ୍ରାମବାସୀ ।
Kanak News is now on WhatsApp
Join and get latest news updates delivered to you via WhatsApp
ପ୍ରଶାସନର ବାରଣ ସତ୍ୱେ ଜୀବନକୁ ବାଜି ଲଗାଇ ୧୦୦ ପୁଂଟ ଉଚ୍ଚର ଗାଡ଼ ୱାଲରେ ଯା’ଆସ କରୁଛନ୍ତି କୁନି କୁନି ଛାତ୍ରଛାତ୍ରୀ । ଯାହାକୁ ଦେଖିଲେ ଆଖି ଖୋସି ହୋଇଯାଉଛି । ପାଦେ ପାଦେ ବିପଦ । ଏମିତି ଯିବା ବେଳେ ଅନେକ ଥର ଦୁର୍ଘଟଣା ଘଟିଛି । ତଥାପି ଏହି ବିପଦପୂର୍ଣ୍ଣ ଯାତ୍ରା ବଳବତର ରହିଛି । ଏ ହେଉଛି ଆମ୍ବିଳିଆମ୍ବ ଗାଁର ଜୀବନ ରେଖା କୁହାଯାଉଥିବା ପଦ୍ମାବତୀ ନଦୀ ଉପରେ ଥିବା ହରଭଙ୍ଗି କେନାଲର ଗାଡ଼ୱାଲ । ସମସ୍ତଙ୍କ ଭରସା ଓ ସବୁ ସମୟର ସାଥି ପାଲଟିଛି ଏହି ଗାଡ଼ ୱାଲ୍ । କାରଣ ଏହାରି ଉପରେ ଦୁର୍ଘଟଣାକୁ ଖାତିର ନକରି ଯା’ଆସ କରନ୍ତି ଗ୍ରାମବାସୀ ।
ଗାଁର ଅନ୍ୟପଟେ ରାସ୍ତା ଅଛି, ହେଲେ ସେହି ରାସ୍ତା ଦେଇ ଯା’ଆସ କରିବା ପାଇଁ ଉଚିତ ମଣନ୍ତି ନାହିଁ ଗ୍ରାମବାସୀ । କାରଣ ଘଂଚ ଜଙ୍ଗଲ ଭିତର ଦେଇ ଯାଇଥିବା ରାସ୍ତା କାଠ ମାଫିଆଙ୍କ ରାସ୍ତା ବୋଲି ସ୍ଥାନୀୟ ଲୋକ କୁହନ୍ତି । ୧୫ କିଲୋମିଟର ଘଂଚ ଜଙ୍ଗଲ ଓ ପଥୁରିଆ ଟାଙ୍ଗରା ରାସ୍ତା ଚାଲିବା ପରେ ପଡେ ଜନବସତି । ଏହି ରାସ୍ତାରେ ଯାତାୟତ ବେଳେ ଜଙ୍ଗଲୀ ଜନ୍ତୁଙ୍କ ଭୟ ବି ରହିଛି । ତେଣୁ ଲୋକେ ବାଛି ନିଅନ୍ତି ଏହି ଭୟଙ୍ଗର ରାସ୍ତାକୁ । ଗତ କିଛି ବର୍ଷତଳେ ଏଠାରେ ବାରମ୍ବାର ଦୁର୍ଘଟଣା ଘଟିବାରୁ ଏହି ସ୍ଥାନରେ ଗମନାଗମନ ନିଷେଧ କରିଥିଲା ପ୍ରଶାସନ । କେନାଲର ଉଭୟ ପାଶ୍ୱରେ କଂଟା ବାଡ଼ ଦେଇ ରାସ୍ତା ବନ୍ଦ କରାଯାଇଥିଲା । ତଥାପି ପୁଣି ସେହି ରାସ୍ତାରେ ଲୋକେ ଯାତାୟତ କରୁଥିବା ଚିତ୍ର ସାମ୍ନାକୁ ଆସିଛି ।