ତାଜମହଲକୁ ନେଇ ଝଡ : ବିଜେପି ବିଧାୟକ ସଙ୍ଗିତ କହିଲେ ଭାରତୀୟ ସଂସ୍କୃତିର କଳାଦାଗ
ତାଜମହଲକୁ ନେଇ ଆରମ୍ଭ ହୋଇଛି ବୟାନବାଜି । ତାଜମହଲ ଭାରତୀୟ ସଂସ୍କୃତିର କଳାଦାଗ । ତାଜମହଲକୁ ଧୋକେବାଜ ମାନେ ନିର୍ମାଣ କରିଥିଲେ । ବିଜେପି ବିଧାୟକ ସଙ୍ଗିତ ସୋମଙ୍କ ଏହି ବିବାଦୀୟ ମନ୍ତବ୍ୟ ପରେ ରାଜନୀତିରେ ଝଡ ସୃଷ୍ଟି ହୋଇଛି । ଉତରପ୍ରଦେଶ ସାରଧନା ବିଧାୟକ ସଙ୍ଗିତ ସୋମ କହିଛନ୍ତି ରାଜ୍ୟ ପର୍ଯ୍ୟଟନ ପୁସ୍ତିକାରେ ମଧ୍ୟ ତାଜମହଲକୁ ଅଣଦେଖା କରାଯାଇଥିଲା । ତାଜମହଲକୁ ନିର୍ମାଣ କରିଥିବା ଶାହାଜାହାନ ତାଙ୍କ ବାପାଙ୍କୁ ବନ୍ଦୀକରି ରଖିଥିଲେ । ହିନ୍ଦୁମାନଙ୍କୁ ଘୃଣା କରିବା ସହ ସେମାନଙ୍କୁ ହତ୍ୟା କରିବାକୁ ଚାହୁଁଥିଲେ ଶାହାଜାହାନ । ଏହି ବ୍ୟକ୍ତିମାନଙ୍କୁ ଆମେ ଇତିହାସ ପୃଷ୍ଠାରେ ସ୍ଥାନିତ କରିବା ଦୁଃକଦାୟକ । ଏଭଳି ଇତିହାସକୁ ଆମେ ବଦଳାଇଦେବା ଦରକାର ବୋଲି ସୋମ କହିଛନ୍ତି । ବିଜେପିର ଜଣେ ମୁଖପାତ୍ର ମଧ୍ୟ ସୋମଙ୍କ ମନ୍ତବ୍ୟକୁ ସମର୍ଥନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସଙ୍ଗିତ ମନ୍ତବ୍ୟ ଉପରେ କଡା ପ୍ରତିକ୍ରିୟା ପ୍ରକାଶ କରିଛନ୍ତି ହ୍ରାଇବାଦ ସାଂସଦ ଏଆଇଏମଆଇଏମ ମୁଖ୍ୟ ଅସଦ୍ଦୁଦୀନ ଆବେସି । ସେ କହିଛନ୍ତି ତାଜମହଲକୁ ଇତିହାସରୁ ହଟାଇବା ପାଇଁ ସଙ୍ଗିତ ୟୁନେସ୍କୋ ଯିବା ଦରକାର । ଲାଲକିଲ୍ଲା ବି ଧୋକେବାଜ ମାନେ ବନାଇଛନ୍ତି,ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲାଲକିଲ୍ଲାରେ ତ୍ରିରଙ୍ଗା ପତାକା ଉଡାଇବା ବନ୍ଦ କରିଦେବେ କି ବୋଲି ପ୍ରଶ୍ନ କରିଛନ୍ତି । ସୁ୍ପ୍ରିମକୋର୍ଟଙ୍କ ଆଦେଶର ଉଦାହରଣ ନେଇ ଆବେସି ବିଜେପି ପରିଚାଳିତ ଯୋଗୀ ସରକାରକୁ ସମାଲୋଚନା କରିବାକୁ ବି ପଛାଇନାହାନ୍ତି । ସେ କହିଛନ୍ତି ସୁପ୍ରିମକୋର୍ଟ କହିଥିଲେ ଜନତା ଟ୍ୟାକ୍ସ ଆକାରରେ ଦେଉଥିବା ଟଙ୍କା ଧାର୍ମିକ ସ୍ଥଳୀ ନିର୍ମାଣ ବା ମରାମତିରେ ଲାଗିପାରିବ ନାହିଁ । ତେବେ ୟୁପି ସରକାର କିଭଳି ଜନତାଙ୍କ ଟଙ୍କାରେ ୧୦୦ମିଟର ରାମ ମନ୍ଦିର ନିର୍ମାଣ କରୁଛନ୍ତି ? ସେହିପରି ବିଜେପି ସରକାର ସେଠାକୁ ଆସୁଥିବା ପର୍ଯ୍ୟଟକଙ୍କୁ ବନ୍ଦ କରିଦେବେ କି ବୋଲି ସଙ୍ଗିତଙ୍କୁ ପ୍ରଶ୍ନ କରିଛନ୍ତି ।
ପୃଥିବୀର ସପ୍ତାଶ୍ଚର୍ଯ୍ୟ ଭିତରେ ସ୍ଥାନ ପାଇଛି ତାଜମହଲ । ଶାହାଜାହାନଙ୍କ ଦ୍ୱାରା ନିର୍ମିତ ତାଜମହଲକୁ ପ୍ରେମର ପ୍ରତୀକ ବୋଲି କୁହାଯାଇଥାଏ । ଅନେକ କବି ତାଜମହଲକୁ ନେଇ ବହୁ କବିତା ରଚନା କରିଛନ୍ତି । ଭାରତ ସରକାର ମଧ୍ୟ ତାଜମହଲ ପାଇଁ ସ୍ୱତନ୍ତ୍ର ଯୋଜନା କରୁଛନ୍ତି । ପର୍ଯ୍ୟଟକମାନେ ବି ତାଜମହଲର ଝଲକ ହେଉ କିମ୍ବା ସେଲଫି ପାଇଁ ସେମାନଙ୍କର ପାଗଳାମିି ଦେଖାଇଥାନ୍ତି । ଏବେ କିନ୍ତୁ ଭିନ୍ନ ଏକ କାରଣକୁ ନେଇ ଚର୍ଚାରେ ତାଜମହଲ ।