ତବରେଜ୍ ଅନ୍ସାରୀ ଭିଡ଼ହିଂସା ମାମଲାର ନୂଆ ମୋଡ଼ ! ହତ୍ୟାର ଧାରାକୁ ହଟାଇ ହୃଦଘାତ ଯୋଗୁଁ ପୀଡିତର ଜୀବନ ଯାଇଥିବା କଥା କହିଲା ପୋଲିସ୍ ।
ତବରେଜ୍ ଅନ୍ସାରୀ ଭିଡ଼ହତ୍ୟା କେସରେ ଝାରଖଣ୍ଡ ପୋଲିସ୍ ହତ୍ୟାର ଧାରାକୁ ହିଁ ହଟାଇ ଦେଇଛି । ପୋଲିସ୍ କହିବା ମୁତାବକ , ଡାକ୍ଟରୀ ରିପୋର୍ଟରେ ତବରେଜ୍ ଙ୍କ ମୃତ୍ୟୁ ଅବସାଦ ଏବଂ ହାର୍ଟ ଆଟାକ୍ (କାର୍ଡିୟକ୍ ଅରେଷ୍ଟ୍) କାରଣରୁ ହୋଇଥିବା ଜଣାପଡିଛି । ଏହାର ଆଧାରରେ ଚାର୍ଜସିଟ୍ ଦାଖଲ କରିବାକୁ ପୋଲିସ୍ କହିଛି । ହତ୍ୟା ଧାରା ୩୦୨ ହଟିବା ପରେ ଏବେ ଅଭିଯୁକ୍ତଙ୍କୁ ଆଉ ମୃତ୍ୟୁର ଦଣ୍ଡ ଦିଆଯାଇପାରିବ ନାହିଁ । ପାଖାପାଖି ୪ ମାସ ପୂର୍ବରୁ ରାଜ୍ୟର ସରାୟକେଲା-ଖରସାୱାଁରେ ଚୋରୀ ଅଭିଯୋଗରେ ଭିଡହିଂସାର ଶିକାର ହୋଇଥିôବା ୨୨ ବର୍ଷୀୟ ତବରେଜ୍ ଅନ୍ସାରୀଙ୍କ ମୃତ୍ୟୁ ହୋଇଯାଇଥିଲା । ପୋଲିସ୍ ଆଇପିସି ଧାରା ୩୦୨ ଅନୁସାରେ ୧୧ ଜଣ ଅଭିଯୁକ୍ତଙ୍କୁ ଏହି ମାମଲାରେ ଗିରଫ କରିବା ବଦଳରେ ଖାରଜ କରିଥିଲା । ଏବେ ଶବ ବ୍ୟବଚ୍ଛେଦ ରିପୋର୍ଟରେ ଅନ୍ସାରୀଙ୍କ ମୃତ୍ୟୁର କାରଣ ହୃଦଘାତ ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କୁ କହିରଖୁଛୁ ଏହା ପୂର୍ବରୁ ଗତ ମାସରେ ଚାର୍ଜସିଟ୍ ରେ ଧାରା ୩୦୪ ଅନୁସାରେ ଏତଲା ଦାଖଲ କରାଯାଇଥିଲା । ପୋଲିସ୍ ଏହା ପୀଡିତ ପତ୍ନୀଙ୍କ ଏତଲା ଅନୁସାରେ ଅଭିଯୁକ୍ତଙ୍କୁ ହତ୍ୟା ଅଭିଯୋଗରେ ଗିରଫ କରିଥିଲା । ଏହା ପୂର୍ବରୁ କୁହାଯାଇଥିଲା ଯେ ବାଇକ୍ ଚୋରୀ କରିବା ସନ୍ଦେହରେ ତବରେଜ୍ ଙ୍କୁ ନୃଶଂସଙ୍କ ଭଳି ପିଟାଯାଇଥିଲା ଯେଉଁ କାରଣରୁ ତାଙ୍କ ବ୍ରେନ୍ ହ୍ୟାମ୍ଭ୍ରେଜ୍ ଘଟି ମୃତ୍ୟୁ ହୋଇଯାଇଥିଲା । ପୋଲିସ୍ ସୂତ୍ର ଅନୁସାରେ , ଡାକ୍ତରୀ ରିପୋର୍ଟରେ କୁହାଯାଇଛି ଯେ ଅନ୍ସାରୀଙ୍କ ମୁଣ୍ଡର ହାଡ଼ ଭାଙ୍ଗିଯାଇଥିଲା ଯେଉଁ କାରଣରୁ ବ୍ରେନ୍ ହ୍ୟାମ୍ଭ୍ରେଜ୍ ଘଟି ତାଙ୍କ ମୃତ୍ୟୁ ହୋଇଯାଇଥିଲା ।
ଆପଣଙ୍କୁ କହିରଖୁଛୁ ଚଳିତ ବର୍ଷ ଜୁନ୍ ମାସରେ ବାଇକ୍ ଚୋରୀ ସନ୍ଦେହରେ ଭିଡ଼ହିଂସାର ଶିକାର ପାଲଟିଥିଲେ ତବରେଜ୍ ଅନ୍ସାରୀ । ଅଭିଯୁକ୍ତ ତାଙ୍କୁ “ଜୟ ଶ୍ରୀରାମ” ନାରା ଲଗାଇବାକୁ ମଧ୍ୟ ବାଧ୍ୟ କରିଥିଲେ । ତେବେ ମାରପିଟ୍ ଘଟଣାର ୧ ସପ୍ତାହ ପରେ ପୀଡିତଙ୍କ ପୋଲିସ୍ ଥାନାରେ ହିଁ ମୃତ୍ୟୁ ହୋଇଯାଇଥିଲା । ଏହି ହତ୍ୟା ମାମଲାରେ ୧୧ ଜଣ ଲୋକଙ୍କୁ ଗିରଫ କରିଥିଲା ପୋଲିସ୍ ।