କନକ ବ୍ୟୁରୋ: ଟି-୨୦ ବିଶ୍ୱକପରେ ବଡ଼ ବିପର୍ଯ୍ୟୟ । ସୁପର-୮ ମୁକାବିଲାରେ ଅଷ୍ଟ୍ରେଲିଆକୁ ହରାଇଲା ଆଫଗାନିସ୍ତାନ । ୧୪୯ ରନକୁ ଟାର୍ଗେଟ୍ ପିଛା କରି ୧୨୭ ରନରେ ଅଲଆଉଟ୍ ହେଲା କଙ୍ଗାରୁ ଟିମ୍ । ଏଥିସହ ଚଳିତ ବିଶ୍ୱକପରେ ଏଭଳି ଏକ ବଡ ବିପର୍ଯ୍ୟୟ ଦେଖିବାକୁ ମିଳିଛି । ଆଉ ଏଥିସହ ଦିନିକିଆ ବିଶ୍ୱକପ୍ ପରାଜୟର ପ୍ରତିଶୋଧ ନେଇଛି ଆଫଗାନିସ୍ତାନ ।

Advertisment

ଜୁନ୍ ୨୩ ତାରିଖରେ ଟି-୨୦ ବିଶ୍ୱକପର ସୁପର-୮ ପର୍ଯ୍ୟାୟରେ ମୁହାଁମୁହିଁ ହେଇଥିଲେ ଅଷ୍ଟ୍ରେଲିଆ ଏବଂ ଭାରତ । ଯାହାପରେ ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ୧୪୮ ରନ୍ କରିବାକୁ ସକ୍ଷମ ହେଇଥିଲା । ଆଉ ଦ୍ୱିତୀୟ ଇଂନିସରେ ମାତ୍ର ୧୨୭ ରନ୍ କରି ଅଟକିଯାଇଥିଲା ଅଷ୍ଟ୍ରେଲିଆ । ରବିବାର ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ୬ ୱିକେଟ୍ ହରାଇ ୧୪୮ ରନ୍ କରିଥିଲା । ଓପନର ଗୁରବାଜ ୬୦ ଓ ଇବ୍ରାହିମ୍ ଜର୍ଦାନ୍ ୫୧ ରନର ଇନିଂସ ଖେଳିଥିଲେ । ଅଷ୍ଟ୍ରେଲିଆ ପକ୍ଷରୁ ମାକ୍ସୱେଲଙ୍କୁ ଛାଡିଦେଲେ ଅନ୍ୟ କେହି ଭଲ ସ୍କୋର କରିପାରିନଥିଲେ । ମାକ୍ସୱେଲ ୫୯ ରନ୍ କରି ଆଉଟ୍ ହୋଇଥିଲେ ।

ସୁପର-୮ରେ ଏହି ବିଜୟ ସହ ଗ୍ରୁପ-୧ର ସମୀକରଣ ବେଶ ରୋଚକ ହେଇଛି । ଭାରତ ଏବେ ଦୁଇଟିରୁ ଦୁଇଟି ବିଜୟ ହାସଲ କରି ଟେବୁଲ ଟପ୍ପର ଥିବାବେଳେ, ଆଗକୁ ଭାରତ ସହ ଅଷ୍ଟ୍ରେଲିଆର ମ୍ୟାଚ୍ ହେବାକୁ ଯାଉଛି । ତେଣୁ ଏପରି ସ୍ଥିତିରେ ଯଦି ଅଷ୍ଟ୍ରେଲିଆ ଭାରତଠାରୁ ମ୍ୟାଚ୍ ହାରିଯାଉଛି, ତେବେ ଅଷ୍ଟ୍ରେଲିଆ ପାଇଁ ସେମିଫାଇନାଲ ରାସ୍ତା ଅଡୁଆ ହେଇପାରେ । ଅନ୍ୟପଟେ ଅଷ୍ଟ୍ରେଲିଆକୁ ହରେଇ ସେମିଫାଇନାଲ ଦୌଡରେ ଆଗୁଆ ହେଇଛି ଆଫଗାନିସ୍ତାନ । ଦଳ ଯଦି ଆଗାମୀ ମ୍ୟାଚରେ ବାଂଲାଦେଶକୁ ହରାଇଦିଏ, ତେବେ ସେମିଫାଇନାଲ ଯିବା ସହଜ ହେଇଯିବ ।