କୋଭିସିଲ୍ଡକୁ ମିଳିଲା ୟୁରୋପୀୟ ସଂଘର ଅନୁମତି । ଭାରତର ଚାପ ପରେ ୟୁରୋପର ୭ଟି ଦେଶରେ କୋଭିସିଲ୍ଡ ଟିକାକୁ ମିଳିଲା ମାନ୍ୟତା ।
କନକ ବ୍ୟୁରୋ : ଭାରତ ଚାପ ଆଗରେ ମୁଣ୍ଡ ନୁଆଁଇଲା ୟୁରୋପୀୟ ସଂଘ । କୋଭିସିଲ୍ଡ ଟୀକାକୁ ମାନ୍ୟତା ଦେଲେ ୭ଟି ୟୁରୋପୀୟ ଦେଶ । ଭାରତର ରାଗ ପରେ ଶେଷରେ ମୁଣ୍ଡ ନୁଆଁଇବାକୁ ବାଧ୍ୟ ହୋଇଛି ୟୁରୋପୀୟ ସଂଘ । ଭାରତ ବୁଧବାର ୟୁରୋପୀୟ ସଂଘର ସଦସ୍ୟ ଦେଶ ଗୁଡିକୁ ଭାରତୀୟ ଟିକା ଏବଂ କୋୱିନ ପ୍ରମାଣ ପତ୍ରକୁ ମାନ୍ୟତା ଦେବା ପାଇଁ ଆଗ୍ରହ ପ୍ରକାଶ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଆଉ ଭାରତୀୟ ଟିକାକୁ ୟୁରୋପୀୟ ଦେଶରେ ମାନ୍ୟତା ମିଳିବା ପରେ ହିଁ ଭାରତରେ ୟୁରୋପୀୟ ସଂଘର ଡିଜିଟାଲ କୋଭିଡ୍ ପ୍ରମାଣପତ୍ର କୋଭିଡ୍ ପ୍ରୋଟୋକୋଲରେ ସାମିଲ କରାଯିବ ବୋଲି କୁହାଯାଇଥିଲା । ଭାରତର ଏପରି ଦାବି ପରେ ୟୁରୋପୀୟ ସଂଘ ଭାରତୀୟ ଟିକା କୋଭିସିଲ୍ଡକୁ ମାନ୍ୟତା ପ୍ରଦାନ କରିଛନ୍ତି । କୋଭିସିଲ୍ଡ ଟିକା ନେଇଥିଲେ ଏଣିକି ଅଷ୍ଟ୍ରିଆ, ଜର୍ମାନୀ, ଥାଇଲ୍ୟାଣ୍ଡ, ୟୁନାନ, ସ୍ପେନ୍ ଆଦି ଦେଶକୁ ଯାତ୍ରା କରି ପାରିବେ ଭାରତୀୟ ।