କନକ ବ୍ୟୁରୋ: ଧନ ଭାଇକୁ କହ ମୋତେ କିଛି ଲୋକ ଉତ୍ତରାଠି ଛୁରି ଭୂଷୀ ଦେଇଛନ୍ତି । ମୁଁ ଉତ୍ତରା ନୂଆଗାଁ ବ୍ରିଜ୍ ଏପଟେ ଅଛି, ମରିବି କି ବଞ୍ଚିବି ଜାଣିନି । ଭାଇକୁ କହ ଏହି ଲୋକେସନରେ ଆସିବ । ମୁଁ ଅଟୋରେ ଶୋଇଛି । ମୋ ଫୋନ୍ ନେଇଗଲେ ମୋ ପଇସା ନେଇଗଲେ । ଏମିତି କିଛି ବିକଳରେ ଫୋନ୍ କରି ନିଜ ସ୍ତ୍ରୀକୁ କହୁଛନ୍ତି ସ୍ୱିଗୀ ଡେଲିଭରି ବୟ । ତେବେ ରାଜଧାନୀରେ ସ୍ୱିଗୀ ଡେଲିଭରି ବଏଙ୍କୁ ଅପହରଣ ଅଭିଯୋଗ ପରେ ଏବେ ଏହି ଫୋନ୍ କଲକୁ ନେଇ ଚାଞ୍ଚଲ୍ୟ ଖେଳିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାତିି ୧୦ ଟା ବେଳେ ପତିତପାବନଙ୍କୁ କିଛି ଦୁର୍ବୁତ ମାଡ ମାରି ଅପହରଣ କରିନେଇଥିବା ନେଇ ଧଉଳି ଥାନାରେ ଅଭିଯୋଗ ହୋଇଛି । ଏପଟେ ଦୟା ନଦୀ ବ୍ରିଜ୍ ଉପରୁ ଚପଲ, ପର୍ସ ଓ ଛୁରୀ ପଡିଥିବା ଦେଖିବାକୁ ମିଳିଛି । ପତିତପାବନଙ୍କ ପତ୍ନୀଙ୍କ ଅଭିଯୋଗ ଅନୁଯାୟୀ ଗତକାଲି ରାତି ୧୦ଟା ପରେ ପତିତପାବନ ଅନ୍ୟ ଏକ ଫୋନ୍ ନମ୍ବରରୁ ତାଙ୍କୁ ଫୋନ କରି ଜଣାଇଥିଲେ ଯେ ତାଙ୍କୁ ଛୁରୀରେ ଆକ୍ରମଣ କରି ତାଙ୍କ ମୋବାଇଲ ଓ ଟଙ୍କା ନେଇ ଯାଇଛନ୍ତି ଦୁର୍ବୁତ ।
ସବୁଠାରୁ ବଡ଼କଥା ହେଲା, ଏହି ଫୋନ୍ କଲ୍ ପରେ ପରେ ପରିବାର ଲୋକ ଘଟଣା ସ୍ଥଳକୁ ଯାଇ ଖୋଜାଖୋଳି କରିଥିଲେ ମଧ୍ୟ ଏପର୍ଯ୍ୟନ୍ତ ପତିତପାବନ ପୃଷ୍ଟିଙ୍କ କିଛି ପତ୍ତା ମିଳିନାହିଁ । ତେବେ ସେ ଯେଉଁ ଫୋନ ନମ୍ବରରୁ ଗତକାଲି ଫୋନ କରିଥିଲେ ଉକ୍ତ ନମ୍ବର ମଧ୍ୟ ବନ୍ଦ ରହିଛି । ପୁଲିସକୁ ଏବେ ଏହି ଫୋନ୍ କଲରୁ କିଛି ସୁରାକ ମିଳିବ କି? କେଉଁଠି ଅଛନ୍ତି ପତିତପାବନ, କେମିତି ଅଛନ୍ତି? ତାହା ଏବେ ବି ସମସ୍ତଙ୍କୁ ଅଜଣା ।