ଖୋଜା ଚାଲିଛି ସ୍ୱର୍ଗଦ୍ୱାର ଜମି ! ଆଜି ଦ୍ୱିତୀୟ ଦିନରେ ଜାରି ରହିବ ତଦନ୍ତ
କନକ ବ୍ୟୁରୋ : ସ୍ୱର୍ଗଦ୍ୱାର ଜମି ଦୁର୍ନୀତିର ଖୋଳତାଡ ଆରମ୍ଭ ପରେ ଛାନିଆ ହୋଇପଡିଛନ୍ତି ଜମି ହଡପକାରୀ । ଶୁକ୍ରବାର ଜିଲ୍ଲାପାଳଙ୍କ ଅଧ୍ୟକ୍ଷତାରେ ଗଠିତ ୧୦ଜଣିଆ ଟିମ୍ ଏହି ଦୁର୍ନୀତିର ତଦନ୍ତ ଆରମ୍ଭ କରିଛି । ପ୍ରଥମ ଦିନରେ ଜମି ଜାଲିଆତିର ଠୋସ୍ ପ୍ରମାଣ ଲାଗିଛି ପ୍ରଶାସନ ହାତରେ । ଓଡିଶା ସେଟଲମେଂଟ ଆକ୍ଟ ଧାରା ୨୩ ଉପଧାରା ୩ର ଦୁରୁପଯୋଗ କରାଯାଇ ଜମିକୁ ରେକର୍ଡ କରାଯାଇଥିବା ଯାଂଚରୁ ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସ୍ୱର୍ଗଦ୍ୱାରର ୧୬ଏକର ୪ଶହ ଡେସିମିଲ୍ ଜମିରୁ ୧୦ଏକର ୩୪୨ଡେସିମିଲ୍ ଜମିକୁ ୧୫୮ଜଣ ବ୍ୟକ୍ତି ନିଜ ନାମରେ କରିନେଇଥିବା ତଦନ୍ତରୁ ଜଣାପଡିଛି । ପ୍ରଥମ ଦିନରେ ୧୮୯୯ରୁ ୧୯୮୯ମସିହା ପର୍ଯ୍ୟନ୍ତ ୯୦ବର୍ଷର ରେକର୍ଡ ଯାଂଚ କରିଛି ତଦନ୍ତ କମିଟି ।ତଦନ୍ତରେ ଗୋବର୍ଦ୍ଧନ ମଠର ସହାୟତା ନେଇଛି ପ୍ରଶାସନ ।
ସେପଟେ ସ୍ୱର୍ଗଦ୍ୱାର ସଂପ୍ରସାରଣ ସପକ୍ଷ ଓ ବିପକ୍ଷରେ ବିକ୍ଷୋଭ ଦେଖିବାକୁ ମିଳିଛି । ଜଗନ୍ନାଥଙ୍କ ଜମିକୁ ଜବରଦଖଲ କରି ବର୍ଷବର୍ଷ ଧରି ଚଳାଇଥିବା ହୋଟେଲ ଓ ମଦ ଦୋକାନ ଭାଙ୍ଗିଯିବା ଆଶଙ୍କାରେ ବ୍ୟବସାୟୀ ଆନ୍ଦୋଳନ କରିଛନ୍ତି । ବିକଳ୍ପ ସ୍ୱର୍ଗଦ୍ୱାର ପ୍ରତିଷ୍ଠା ପ୍ରସ୍ତାବକୁ ବିଜେପି ପ୍ରତିବାଦ କରିଛି ।