ବଢିଲା ସ୍ୱର୍ଗଦ୍ୱାର କଟକଣା । କରୋନା କାଳରେ ସ୍ୱର୍ଗଦ୍ୱାରରେ ଶବଦାହ କଟକଣାକୁ ଆଉ ମାସେ ବଢାଇଲା ପୁରୀ ପ୍ରଶାସନ । ଜିଲ୍ଲାପାଳ କହିଲେ, କେବଳ ପୁରୀବାସୀଙ୍କୁ ଅନ୍ତିମ ସଂସ୍କାର ପାଇଁ ଅନୁମତି ।
କନକ ବ୍ୟୁରୋ: ଆଉ ମାସେ ବଢିଲା ସ୍ୱର୍ଗଦ୍ୱାର କଟକଣା । ପୁରୀ ସ୍ୱର୍ଗଦ୍ୱାର ଶବଦାହ ଉପରେ କଟକଣା ଆଉ ମାସେ ପାଇଁ ବଢାଯାଇଛି । ସେପ୍ଟେମ୍ବର ୩୦ ଯାଏ କଟକଣା ବୃଦ୍ଧି କରିବାକୁ ପୁରୀ ଜିଲ୍ଲା ପ୍ରଶାସନ ପକ୍ଷରୁ ନିଷ୍ପତି ନିଆଯାଇଛି । ଜିଲ୍ଳା ବାହାର ଲୋକଙ୍କୁ ସ୍ୱର୍ଗଦ୍ୱାରରେ ଶବ ସଂସ୍କାର ପାଇଁ କଟକଣା ଲାଗୁ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ପୁରୀ ଜିଲ୍ଲାବାସୀ ନିଜ ପ୍ରିୟଜନଙ୍କ ଅନ୍ତିମ ସଂସ୍କାର ସ୍ୱର୍ଗଦ୍ୱାରରେ କରିବା ପାଇଁ ଅନୁମତି ରହିଥିବା କରୋନା ଭୂତାଣୁ ସଂକ୍ରମଣ ବ୍ୟାପିବାର ଆଶଙ୍କା ଥିବାରୁ ଏହି କଟକଣା ପାଇଁ ଲାଗୁ କରାଯାଇଛି । ମୃତ ବ୍ୟକ୍ତିଙ୍କ ସହିତ ଆସୁଥିବା ବ୍ୟକ୍ତିଙ୍କ ପାଖରେ କୋଭିଡ ଭୂତାଣୁ ଥିବାର ଆଶଙ୍କା ରହିଛି । ଯଦି ଜଣଙ୍କ ଦେହରେ ଏହି ଭୂତାଣୁ ଥାଏ, ତାହା ହେଲେ ଏହା ସମସ୍ତ ଲୋକଙ୍କୁ ସଂକ୍ରମିତ କରିବାର ଆଶଙ୍କା ରହିଛି । ତେଣୁ ଏପରି କଟକଣା ଲଗାଯାଇକରାଯାଇଛି ।