ନାଗରିକ ସଂଶୋଧନ ବିଲ ଲୋକସଭାରେ ଆଗତ ହେବା ପରେ କେହି କେହି ଏହାକୁ ସମର୍ଥନ କରିଥିବା ବେଳେ କେହି ଏହାର ବିରୋଧରେ ସ୍ୱର ଉତ୍ତୋଳନ କରିଛନ୍ତି । ବିଲ ସପକ୍ଷରେ ୩୧୧ ଓ ୮୦ ଟି ମତ ବିପକ୍ଷରେ ପଡିଛି । ଗୃହମନ୍ତ୍ରୀ ଅମିତ ଶାହା ଲୋକସଭାରେ ସୋମବାର ଏହି ପ୍ରସ୍ତାବ ରଖିଥିଲେ । ଅନେକ ହଙ୍ଗାମା ଭିତରେ ଗୃହମନ୍ତ୍ରୀଏହି ବିଲର ପ୍ରସ୍ତାବ ରଖିଥିଲେ ଓ କଂଗ୍ରେସ ଏହାର ଜୋରଦାର ବିରୋଧ କରିଥିଲା । ଏହି ବିଲ ପାସ ହେବା ପରେ ଏବେ ଚାରିଆଡେ ଚର୍ଚ୍ଚା ଜୋର ଧରିଛି । ଅଭିନେତ୍ରୀ ସ୍ୱରା ଭାଷ୍କର ଟ୍ୱିଟ କରି ଲେଖିଛନ୍ତି ଯେ ସେ ଚାହୁଁନାହାନ୍ତି ଏକ କରଦାତା ହିସାବରେ ତାଙ୍କର କଷ୍ଟ ଅର୍ଜିତ ଧନକୁ ରୋଗିଣା ବିଗ୍ରେଡ ଏନଆରସି, ସିଏବି ପରିଜନଙ୍କ ପୋଷଣରେ ଖର୍ଚ୍ଚ ହେଉ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବିଗବସର ପୂର୍ବ ପ୍ରତିଯୋଗୀ ତଥା ଅଭିନେତ୍ରୀ ଗୋହର ଖାନ ମଧ୍ୟ ନାଗରିକତା ସଂଶୋଧନ ବିଲର ବିରୋଧ କରିଛନ୍ତି । ଟ୍ୱିଟରରେ ସେ ଲେଖିଛନ୍ତି ଭାରତୀୟ ଲୋକତନ୍ତ୍ର ପାଇଁ ଆଜି ଏକ ଦୁଃଖଦ ଦିନ । ଅଭିନେତ୍ରୀ ଋିଚା ଚଡ୍ଡା ଏହି ବିଲକୁ ନେଇ ପ୍ରତିକ୍ରିୟା ଦେଇ ଟ୍ୱିଟ କରିଛନ୍ତି । ଋିଚା ଲେଖିଛନ୍ତି, ‘ଇଶ୍ୱର ଆମକୁ ବଞ୍ଚାନ୍ତୁ’ । ଲୋକସଭାରେ ବିଲ ପ୍ରେରିତ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜର ଖୁସି ଜାହିର କରିଛନ୍ତି । ମୋଦୀ ଟ୍ୱିଟ କରି ଲେଖିଛନ୍ତି, ଏକ ଭଲ ଓ ବ୍ୟାପକ ସମୟ ପରେ ନାଗରିକତା ସଂଶୋଧନ ବିଲ ୨୦୧୯ ପ୍ରେରିତ ହୋଇଛି । ସେ ବିଭିନ୍ନ ସଂସଦ ଓ ଦିଲ୍ଲୀକୁ ଧନ୍ୟବାଦ ଜଣାଇଛନ୍ତି ଯେଉଁମାନେ ଏହାକୁ ସମର୍ଥନ ଜଣାଇଛନ୍ତି ।