କଂଗ୍ରେସରେ ସାମିଲ ହେଲେ ସ୍ୱାମୀ ପ୍ରସାଦ ମୌର୍ଯ୍ୟଙ୍କ ପୁଅ । ରାଏବରେଲୀରେ କଂଗ୍ରେସକୁ ମିଳିପାରେ ମୌର୍ଯ୍ୟ ସଂପ୍ରଦାୟ ଭୋଟ
କନକ ବ୍ୟୁରୋ : ସ୍ୱାମୀ ପ୍ରସାଦ ମୌର୍ଯ୍ୟଙ୍କ ପୁଅ ଉକ୍ରୁଷ୍ଟ ମୌର୍ଯ୍ୟ କଂଗ୍ରେସରେ ସାମିଲ ହୋଇଛନ୍ତି । କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କ ଉପସ୍ଥିତିରେ ସେ କଂଗ୍ରେସର ପ୍ରାଥମିକ ସଦସ୍ୟ ପଦ ଗ୍ରହଣ କରିଛନ୍ତି । ବିଧାୟକ ମନୋଜ ପାଣ୍ଡେ ବିଜେପିରେ ସାମିଲ ହେବା ପରେ ଉକ୍ରୁଷ୍ଟ କଂଗ୍ରେସରେ ସାମିଲ ହୋଇଛନ୍ତି । ଉକ୍ରୁଷ୍ଟ ଉଚ୍ଚାହାର ବିଧାନସଭା କ୍ଷେତ୍ରରୁ ମନୋଜ ପାଣ୍ଡେଙ୍କ ବିରୋଧରେ ବିଧାନସଭା ନିର୍ବାଚନ ଲଢିଥିଲେ । ଏଚ୍ଚୁ ମନୋଜ ପାଣ୍ଡେଙ୍କୁ ଘେରିବାକୁ କଂଗ୍ରେସ ଏହି ରଣନୀତି ପ୍ରସ୍ତୁତ କରିଥିବା ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସମାଜବାଦୀ ପାର୍ଟିର ବିଧାୟକ ମନୋଜ ପାଣ୍ଡେ ଶୁକ୍ରବାର ଦିନ ଗୃହମନ୍ତ୍ରୀ ଅମିତ ଶାହାଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଥିଲେ । ଏଥିରୁ କଂଗ୍ରେସର କ୍ଷତି ହେବ ବୋଲି ଅନୁମାନ କରାଯାଇଥିଲା । ରାଏବରେଲୀରୁ କଂଗ୍ରେସ ନେତା ରାହୁଲ ଗାନ୍ଧୀ ନିର୍ବଚନ ଲଢୁଥିବାରୁ ପ୍ରିୟଙ୍କା ଗାନ୍ଧୀ ଉଭୟ ରାଏବରେଲୀ ଓ ଆମେଠୀରେ ଲଗାତର କ୍ୟାମ୍ପ କରୁଛନ୍ତି । ପ୍ରତିଦିନ ଏହି ଦୁଇ ସଂସଦୀୟ କ୍ଷେତ୍ରରେ ସଭା କରି ବିଜେପିକୁ ଟାର୍ଗେଟ୍ କରୁଛନ୍ତି ।
ରାଏବରେଲୀ ଓ ଆମେଠିରେ ମେ’ ୨୦ ତାରିଖରେ ମତଦାନ ହେବ । ଆମେଠି ଆସନରୁ ଗାନ୍ଧୀ ପରିବାରର ନିକଟତର କୁହାଯାଉଥିବା କିଶୋରୀ ଲାଲ୍ ଶର୍ମାଙ୍କୁ କଂଗ୍ରେସ ଟିକେଟ ଦେଇଛି । କିଶୋରୀଙ୍କ ପାଇଁ ରାହୁଲ ଗାନ୍ଧୀ ଶୁକ୍ରବାର ଦିନ ପ୍ରଚାର କରିଥିଲେ । ରାଜନୈତିକ ବିଶ୍ଳେଷକଙ୍କ ଆକଳନ ମୁତାବକ ରାଏବରେଲୀରେ କଂଗ୍ରେସର ସହଜ ବିଜୟ ହେବ, ହେଲେ ଆମେଠି ଆସନକୁ ନେଇ ଶଂସୟ ରହିଛି ।