ସୋସିଆଲ ମିଡ଼ିଆରେ ଭାଇରାଲ ହେଉଛି ସୋନିଆ ଗାନ୍ଧୀଙ୍କ ଭୂମିକାରେ ଆସୁଥିବା ଅଭିନେତ୍ରୀଙ୍କ ଭିଡିଓ । ସୋନିଆଙ୍କ ଭଳି ଭାଷଣ ଦେଉଛନ୍ତି ଜର୍ମାନ ଅଭିନେତ୍ରୀ ସୁଜେନ୍ । ଚର୍ଚ୍ଚାରେ ଚେହେରା, ଭାବଭଙ୍ଗୀ ଓ କଥାବାର୍ତା
କନକ ବ୍ୟୁରୋ: ସୋନିଆ ଗାନ୍ଧିଙ୍କ ଭଳି ଚେହେରା, ଭାବଭଙ୍ଗୀ, ଆଉ ତାଙ୍କ ଭଳି କଥାବାର୍ତା । ସୋସିଆଲ୍ ମିଡିଆରେ ଭାଇରାଲ ହୋଇଛି ସୋନିଆ ଗାନ୍ଧିଙ୍କ ଚରିତ୍ରରେ ଅଭିନୟ କରୁଥିବା ଜର୍ମାନ ଅଭିନେତ୍ରୀ ସୁଜେନ୍ ବର୍ନର୍ଟଙ୍କ ଫାଷ୍ଟ୍ ଭିଡିଓ । ଏହି ଭିଡିଓରେ ସୋନିଆଙ୍କ ଭଳି ଭାଷଣ ହେଉଛନ୍ତି ସୁଜେନ୍ । ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଜୀବନୀ ଆଧାରରେ ହେଉଥିବା ଚଳଚିତ୍ର ‘ଦ ଆକ୍ସିଡେଂଟାଲ ପ୍ରାଇମ୍ ମିନିଷ୍ଟର’ର ଏହି କ୍ଲିପ୍ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ହେଉଛି ୨୦୦୪ ମସିହାରେ ପୂର୍ବତନ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ଦେଇଥିବା ଏପରି ଏକ ବୟାନ ଯାହା ଦେଶର ରାଜନୀତିକୁ ପୂରା ବଦଳାଇ ଦେଇଥିଲା । ଏହାକୁ ଅବିକଳ ନକଲ କରୁଛନ୍ତି ଜର୍ମାନ ଅଭିନେତ୍ରୀ ସୁଜେନ ବର୍ନର୍ଟ । ସୋନିଆଙ୍କ ଭଳି ଲୁକ୍, ତାଙ୍କ ଭଳି ଡାଇଲଗ୍ କହୁଛନ୍ତି ସୁଜେନ୍ । ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଜୀବନୀକୁ ନେଇ ନିର୍ମାଣ ହେଉଥିବା ଆକ୍ସିଡେଂଟାଲ ପ୍ରାଇମ ମିନିଷ୍ଟରରେ ସୋନିଆଙ୍କ ଭୂମିକାରେ ଅଭିନୟ ସୁଜେନ କରୁଛନ୍ତି ।
ସୋନିଆ ଗାନ୍ଧିଙ୍କ ଦୁଇ ପଦ ଭାଷଣ ଭାରତୀୟ ରାଜନୈତିକ ଇତିହାସକୁ ନୂଆ ମୋଡ଼ ଦେଇଥିଲା । ଅପ୍ରତ୍ୟାଶିତ ଭାବେ ଦେଶର ପ୍ରଧାନମନ୍ତ୍ରୀ ହୋଇଥିଲେ ଡକ୍ଟର ମନମୋହନ ସିଂହ । ସଂଜୟ ବାରୁଙ୍କ ଲିଖିତ ଆକ୍ସିଡେଂଟାଲ ପ୍ରାଇମ୍ ମିନିଷ୍ଟରକୁ ନେଇ ଫିଲ୍ମ ନିର୍ମାଣ ଚାଲିଥିବା ବେଳେ କିଛି ଦିନ ପୂର୍ବରୁ ମନମୋହନ ସିଂହଙ୍କ ଭୂମିକାରେ ଅଭିନୟ କରୁଥିବା ଅନୁପମ ଖେରଙ୍କ ଫାଷ୍ଟ ଲୁକ୍ ଆସିଥିଲା । ଯାହା ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା ।
ଏବେ ସୋନିଆ ଗାନ୍ଧିଙ୍କ ଡାଇଲଗ୍ କହୁଥିବା ସୁଜେନଙ୍କ ଭିଡିଓର ମଧ୍ୟ ବେଶ୍ ଆଲେଚନା ହେଉଛି । ଫାଷ୍ଟ ଲୁକ୍କୁ ବେଶ ପସନ୍ଦ କରିଛନ୍ତି ଲୋକେ । ଅନୁପମ ଖେର ଓ ସୁଜେନ ବର୍ନର୍ଟଙ୍କ ସମେତ ଏହି ଚଳଚିତ୍ରରେ ଅଭିନୟ କରୁଛନ୍ତି ଅକ୍ଷୟ ଖାନ୍ନା ଓ ଅହାନା କୁମାରଙ୍କ ଭଳି ବଲିଉଡ୍ ଷ୍ଟାର । ଏବେ ଅପେକ୍ଷା ରହିଛି କେବେ ଆସିବ ରାହୁଲ ଗାନ୍ଧି ଓ ପ୍ରିୟଙ୍କା ଗାନ୍ଧି ଭୂମିକାରେ ଅଭିନୟ କରୁଥିବା ଅଭିନେତାଙ୍କ ଫାଷ୍ଟ ଲୁକ୍ ।