ସୁଶାନ୍ତ ସିଂ ଆତ୍ମହତ୍ୟା ମାମଲା : ଆଜି ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କୁ ଜେରା କରିପାରେ ସିବିଆଇ; ଗେଷ୍ଟହାଉସରେ ବନ୍ଧୁ ସିଦ୍ଧାର୍ଥ ପିଠାନି ଓ ରୋଷେୟାଙ୍କୁ ଚାଲିଛି ଜେରା
କନକ ବ୍ୟୁରୋ : ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ସିବିଆଇ କରୁଛି ଖୋଳତାଡ । ଗତ ୩ଦିନ ହେବ ସିବିଆଇ ମାମଲାର ତଦନ୍ତ ଜୋରସୋରରେ କରିବା ସହ ଆଜି ମଧ୍ୟ ଜେରା ଜାରି ରହିଛି । ମାମଲାରେ ସୁଶାନ୍ତଙ୍କ ସାଙ୍ଗ ସିଦ୍ଧାର୍ଥ ପିଠାନୀ, ଘରୋଇ ସହାୟକ ନୀରଜ ଓ ଦିପେଶ ସାୱନ୍ତଙ୍କୁ ଜେରା କରିଛି ସିବିଆଇ । ଆଜି ରିୟା ଚକ୍ରବର୍ତୀଙ୍କୁ ଜେରା କରାଯିବା ସମ୍ଭାବନା ରହିଛି । ଅନ୍ୟପଟେ ଆଜି ବି ସିଦ୍ଧାର୍ଥ ପିଠାନୀ,ନୀରଜ ଓ ଦିପେଶ ସାୱନ୍ତଙ୍କୁ ଜେରା କରିବା ପାଇଁ ସିବିଆଇର ବୈଠକ ବସୁଥିବା ଡିଆଡିଓ ଗେଷ୍ଟହାଉସରେ ପହଁଚିଛନ୍ତି ।ସୁଶାନ୍ତ ଶବବ୍ୟବଚ୍ଛେଦ କରିଥିବା କୁପର ହସପିଟାଲର ଡାକ୍ତରଙ୍କୁ ମଧ୍ୟ ଜେରା କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଜୁନ ୧୪ରେ ସୁଶାନ୍ତଙ୍କ ମୃତ୍ୟୁ ଖବର ପାଇବା ପରେ ମୁମ୍ବାଇ ପୁଲିସର ଯେଉଁ ଟିମ ପ୍ରଥମେ ଘଟଣାସ୍ଥଳରେ ପହଁଚିଥିଲା ସେହି ଟିମକୁ ମଧ୍ୟ ସିିବିଆଇ ଟିମ ଜେରା କରାଯିବ । ମାମଲାରେ ରିୟା ଚକ୍ରବର୍ତ୍ତୀ ମୁଖ୍ୟ ଅଭିଯୁକ୍ତ ଅଛନ୍ତି । ସୁଶାନ୍ତଙ୍କ ମୃତ୍ୟୁ ପରେ ତାଙ୍କ ବାପା ରିୟାଙ୍କ ନାଁରେ ପାଟନାରେ ଅଭିଯୋଗ କରିଥିଲୋ ଏଥିରେ ସୁଶାନ୍ତଙ୍କ ମୃତ୍ୟୁର କାରଣ ରିୟା ବୋଲି ଦର୍ଶାଯାଇଥିଲା । ଅର୍ଥ କାରବାର ମାମଲାରେ ଇଡି ରିୟା ଓ ତାଙ୍କ ପରିବାର ଲୋକଙ୍କୁ ପଚରାଉଚରା କରିସାରିଛି । ଏଥିରେ ଇଡି ସନ୍ତୁଷ୍ଟ ନଥିବା ଜଣାପଡିଛି ।