ମାନସିକ ଚାପରୁ ଆତ୍ମହତ୍ୟା ! ୬ ମାସ ଧରି ମାନସିକ ଚାପରେ ଥିଲେ ଅଭିନେତା ସୁଶାନ୍ତ ସିଂ ରାଜପୁତ । ଗତ ସନ୍ଧ୍ୟାରେ ସାଙ୍ଗମାନେ ଯିବା ପରେ ଆତ୍ମହତ୍ୟା କରିଥିବା ପୋଲିସର ସନ୍ଦେହ
କନକ ବ୍ୟୁରୋ: ମାନସିକ ଚାପରେ ଥିଲେ ଅଭିନେତା ସୁଶାନ୍ତ ସିଂ ରାଜପୁତ । ଗତ ୬ ମାସ ଧରି ଚାପଗ୍ରସ୍ତ ଥିଲେ । ଗତକାଲି ସନ୍ଧ୍ୟାରେ କିଛି ବନ୍ଧୁ ତାଙ୍କ ଘରକୁ ଆସିଥିଲେ । ଘରେ ସାଙ୍ଗଙ୍କ ସହ ଆଲୋଚନା ପରେ ସେମାନେ ଚାଲିଯାଇଥିଲେ ଏବଂ ପରେ ସୁଶାନ୍ତ ସିଂ ଆତ୍ମହତ୍ୟାର ବାଟ ବାଛି ନେଇଥିବା ପୋଲିସ ପ୍ରାଥମିକ ତଦନ୍ତରୁ ସନ୍ଦେହ କରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ମୁମ୍ବାଇ ବାନ୍ଦ୍ରାସ୍ଥିତ ତାଙ୍କ ବାସଭବନରେ ବେକରେ ଫାଶୀ ଲଗାଇ ଅଭିନେତା ସୁସାନ୍ତ ସିଂ ରାଜପୁତ ଆତ୍ମହତ୍ୟା କରିଛନ୍ତି । ମୃତ୍ୟୁର କାରଣ ଏଯାଏଁ ସ୍ପଷ୍ଟ ଜଣାପଡିନଥିବା ବେଳେ ସୁଶାନ୍ତ ସିଂଙ୍କ ଘରୋଇ ସହାୟକ ଏନେଇ ପୁଲିସକୁ ସୂଚନା ଦେଇଥିଲେ । ପୁଲିସ ଘଟଣାସ୍ଥଳରେ ପହଂଚି ଝୁଲନ୍ତା ମୃତଦେହକୁ ବାସଭବନରୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ।
ଅନ୍ୟପଟେ ପାଟନାରେ ଥିବା ତାଙ୍କ ପରିବାର ଲୋକ ଆତ୍ମହତ୍ୟା ଘଟଣାକୁ ସହଜରେ ଗ୍ରହଣ କରିପାରୁ ନାହାନ୍ତି । କ୍ରିକେଟର ମହେନ୍ଦ୍ର ସିଂ ଧୋନୀଙ୍କ ବାୟୋପିକରେ ମୁଖ୍ୟ ଭୁମିକାରେ ଅଭିନୟ କରିଥିଲେ ସୁସାନ୍ତ ସିଂ ରାଜପୁତ । ଏହି ଫିଲ୍ମ ଦର୍ଶକଙ୍କ ପାଖରେ ତାଙ୍କୁ ବେଶ ଲୋକପ୍ରିୟ କରାଇଥିଲେ । ଲୋକପ୍ରିୟ ଧାରାବାହିକ ପବିତ୍ର ରିସ୍ତାରେ ନିଖୁଣ ଅଭିନୟ ତାଙ୍କୁ ଦର୍ଶକଙ୍କ ପାଖରେ ନିକଟତର କରିଥିଲା ସେହିପରି କାୟପୋଛେ ଫିଲ୍ମ ଜରିଆରେ ବଲିଉଡକୁ ପ୍ରବେଶ କରିଥିଲେ ସୁଶାନ୍ତ ରାଜପୁତ । ସେହିପରି ଡିଟେକ୍ଟିଭ ବ୍ୟୋମକେଶ, ଛିଛୋରେ, ସୁଦ୍ଧ ଦେଶୀ ରୋମାନ୍ସ, କେଦାରନାଥ, ରାଫତା, ଡ୍ରାଇଭ ଭଳି ଫିଲ୍ମରେ ସେ ନିଜ ଅଭିନୟର ଛାପ ଛାଡି ଯାଇଛନ୍ତି । ନିଜ ଅଭିନୟ ପାଇଁ ସୁଶାନ୍ତ ସିଂ ରାଜପୁତ, ଫିଲ୍ମଫେୟାର ଆୱାର୍ଡ ସହ ବିଭିନ୍ନ ଅନ୍ତର୍ଜାତୀୟ ପୁରସ୍କାର ପାଇଛନ୍ତି । ଉଭୟ ଛୋଟ ଓ ବଡ ପରଦାର ଲୋକପ୍ରିୟ ଅଭିନେତା ଥିଲେ ସୁଶାନ୍ତ ସିଂ ରାଜପୁତ ।