ଆକ୍ସନ ମୁଡରେ ନ୍ୟାସନାଲ ନାରକୋଟିକ୍ସ ବ୍ୟୁରୋ: ୨ ଜଣଙ୍କୁ ଗିରଫ କଲା ଏନସିବି; ଜଣେ ନିଶା ବେପାରୀ ରିଆ ଚକ୍ରବର୍ତିଙ୍କ ଭାଇ ନାଁ ନେଇଥିବା ସୂଚନା; ରିଆଙ୍କ ଚାଟରୁ ଜଣାପଡିଥିଲା ନିଶା ବେପାରୀଙ୍କ ସହ ସମ୍ପର୍କ
କନକ ବ୍ୟୁରୋ: ସୁଶାନ୍ତ ମୃତ୍ୟୁ ମାମଲାରେ ଡ୍ରଗ୍ସ ଲିଙ୍କ୍ ଆସିବା ପରେ ଆକ୍ସନ ମୁଡରେ ନ୍ୟାସନାଲ ନାରକୋଟିକ୍ସ ବ୍ୟୁରୋ । ମୁମ୍ବାଇରେ ୨ ଜଣ ନିଶା ବେପାରୀଙ୍କୁ ଗିରଫ କରିଛି ଏନସିବି । ଜଣଙ୍କୁ ଗତକାଲି କବଜାକୁ ନେଇଥିବାବେଳେ ଆଜି ଆଉ ଜଣଙ୍କୁ ଗିରଫ କରିଛି ତଦନ୍ତକାରୀ ଟିମ୍ । ସେମାନଙ୍କୁ ପଚରାଉଚରା ଜାରି ରହିଛି । ଜଣଙ୍କ ନାଁ ବସିତ ପରିହାର ହୋଇଥିବାବେଳେ ଅନ୍ୟ ଜଣଙ୍କ ପରିଚୟ ଜୈଦ ବୋଲି ଜଣାପଡିଛି । ତେବେ ଜୈଦ ରିଆଙ୍କ ଭାଇ ସୌଭିକଙ୍କ ନାଁ ନେଇଥିବା ସୂଚନା ମିଳିଛି । ଏଥିରୁ ଆଗକୁ ସୌଭିକଙ୍କ ପାଇଁ ବିପଦ ବଢିପାରେ ।
Kanak News is now on WhatsApp
Join and get latest news updates delivered to you via WhatsApp
ରିଆଙ୍କ ହ୍ୱାଟସଆପ୍ ଚାଟରୁ ନିଶା ଦ୍ରବ୍ୟ ସମ୍ପର୍କୀତ ସୂଚନା ମିଳିବା ପରେ ତଦନ୍ତ ଆରମ୍ଭ କରିଛି ନାରକୋଟିକ୍ସ କଂଟ୍ରୋଲ ବ୍ୟୁରୋ । ଏକ ସ୍ୱତନ୍ତ୍ର ଟିମ୍ ଗଠନ କରି ତଦନ୍ତ ଏନଡିପିଏସ ଆକ୍ଟ ଅନୁଯାୟୀ ଏହି ଟିମ୍ ତଦନ୍ତ ଜାରି ରଖିଛନ୍ତି ତଦନ୍ତକାରୀ ସଂସ୍ଥା । ଏଥିରେ ରିଆଙ୍କ ସମେତ ତିନି ଜଣଙ୍କ ନାଁରେ ମାମଲା ରୁଜୁ ହୋଇଛି । ରିୟା ଡ୍ରଗ୍ସ ସମ୍ପର୍କରେ ଡିଲର ଗୌରବ ,ବନ୍ଧୁ ଜୟା,ସୁଶାନ୍ତଙ୍କ ପୂର୍ବତନ ମ୍ୟାନେଜର ସ୍ମୃତି ମୋଦି ଓ ସାମୁଏଲ ମିରାଣ୍ଡା ସହ ହ୍ୱାଟସଆପ୍ ଚାଟରେ କଥା ହୋଇଥିବା ନେଇ ଇଡି ତଦନ୍ତବେଳେ ଜାଣି ପାରିଥିଲା । ଏହା ଜଣାପଡିବା ପରେ ସୁଶାନ୍ତଙ୍କ ମୃତ୍ୟୁ ସହ ଡ୍ରଗ୍ସର କିଛି ଲିଙ୍କ ରହିଛି କି ନାହିଁ ତଦନ୍ତ କରିବାକୁ ନାରକୋଟିକ୍ସ ଦାୟିତ୍ୱ ନେଇଛି ।