ଜାଣନ୍ତୁ ମକର ସଂକ୍ରାନ୍ତିର ଧାର୍ମିକ ଓ ପୈାରାଣିକ ମହତ୍ୱ
ମକର ସଂକ୍ରାନ୍ତି ଏମିତି ଏକ ପର୍ବ, ଯେଉଁଥିରେ ଜପ, ତପ, ଦାନ, ସ୍ନାନ, ଶ୍ରାଦ୍ଧ, ତର୍ପଣ ଆଦିର ବିଶେଷ ମହତ୍ୱ ଅଛି । କୁହାଯାଏ କି, ଏହି ଦିନ ଦିଆଯାଇଥିବା ଦାନ ଶହେ ଗୁଣ ବଢ଼ିଯାଇ ପ୍ରାପ୍ତ ହୋଇଥାଏ । ଏହି ଦିନ ଭାଗବାନ ସୂର୍ଯ୍ୟ ଧନୁ ରାଶି ଛାଡି ମକରରେ ପ୍ରବେଶ କରନ୍ତି । ଏହି ଦିନ ଠାରୁ ହିଁ ସୂର୍ଯ୍ୟଙ୍କ ଉତ୍ତରାୟଣ ଗତି ପ୍ରାରମ୍ଭ ହୋଇଥାଏ । ଏହି ପର୍ବକୁ ଫସଲ ଓ କୃଷକଙ୍କ ପର୍ବ ବି କୁହାଯାଏ । ଏହି ଦିନ କୃଷକ ଭଲ ଫସଲ ପାଇଁ ଭଗବାନଙ୍କୁ ଧନ୍ୟବାଦ ଦିଅନ୍ତି । ଏଥର ସଂକ୍ରାନ୍ତି ୧୫ ଜାନୁୟାରୀରେ ପାଳନ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ମାନ୍ୟତା ଅଛି କି, ଏହି ଦିନ ଭଗବାନ ଭାସ୍କର ନିଜ ପୁତ୍ର ଶନିଙ୍କୁ ଭେଟିବାକୁ ସ୍ୱଂୟ ତାଙ୍କ ଘରକୁ ଯାଇଥିଲେ । ଏହା ବି କୁହାଯାଏ କି, ମକର ସଂକ୍ରାନ୍ତି ଦିନ ହିଁ ଗଙ୍ଗା, ରାଜା ଭାଗିରଥୀଙ୍କ ପଛେ ପଛେ ଯାଇ କପିଲ ମୁନିଙ୍କ ଆଶ୍ରମ ହୋଇ ସାଗରରେ ମିଶିଥିଲେ । ମାଆ ଯଶୋଦା ଶ୍ରୀକୃଷ୍ଣଙ୍କୁ ପ୍ରାପ୍ତ କରିବା ପାଇଁ ଏହି ଦିନ ବ୍ରତ କରିଥିଲେ । ମହାଭାରତ ସମୟରେ ପିତାମହ ଭୀଷ୍ମ ନିଜର ଦେହ ତ୍ୟାଗ କରିବା ପାଇଁ ଏହି ଦିନକୁ ଚୟନ କରିଥିଲେ । ଏହି ଦିନ ଦାନର ମହତ୍ୱ ଅଛି । କାହାକୁ ବି ଖାଲି ହାତରେ ଫେରାନ୍ତିନି । ଦାନରେ ରାଶିର ଜିନିଷକୁ ଭଲ କୁହାଯାଏ । ମକର ସଂକ୍ରାନ୍ତି ଦିନ କ୍ରୋଧ କରନ୍ତିନି । ଏହି ଦିନ ଗଛ କାଟିବା ଉଚିତ୍ ନୁହେଁ ।
