ଭଦ୍ରକରେ ଆଉ ନୂଆ ଆକ୍ରାନ୍ତ ଚିହ୍ନଟ ପରେ ସଂପୃକ୍ତ ଅଂଚଳକୁ ସିଲ କଲା ପ୍ରଶାସନ: ସର୍ଭିଲାନ୍ସ ଜୋନରେ ଜିଲ୍ଲାର ୩୨ ପଞ୍ଚାୟତ; ଘରକୁ ଘର ବୁଲି କରାଯିବ ସ୍ୱାସ୍ଥ୍ୟବସ୍ଥା ଯାଂଚ
କନକ ବ୍ୟୁରୋ: ଭଦ୍ରକ ଜିଲ୍ଲାରୁ ଚିହ୍ନଟ ହୋଇଥିବା ୩ ଆକ୍ରାନ୍ତଙ୍କୁ ନେଇ ଅଧିକ ତଥ୍ୟ ଦେଇଛି ଭଦ୍ରକ ଜିଲ୍ଲା ପ୍ରଶାସନ । ଜିଲ୍ଲା ପ୍ରଶାସନ ସୂଚନା ଅନୁସାରେ ଏହି ଆକ୍ରାନ୍ତଙ୍କ ପଛରେ ରହିଛି କୋଲକାତା ଲିଙ୍କ୍ । ଏମାନଙ୍କ ମଧ୍ୟରୁ ବାସୁଦେବପୁର ବ୍ଲକରୁ ୨ଜଣ ଏବଂ ବନ୍ତ ବ୍ଲକରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହି ୩ ଆକ୍ରାନ୍ତ ପୁରୁଷ,ସମେସ୍ତ ଅଲଗା ଅଲଗା ପଂଚାୟତରୁ ଆସିଥିବା ସୂଚନା ମିଳିଛି । ନୂଆ ଆକ୍ରାନ୍ତ ଚିହ୍ନଟ ହେବା ପରେ ପରେ ଆକ୍ରାନ୍ତ ରହୁଥିବା ଅଂଚଳକୁ ସିଲ୍ କରିଛି ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ଥର ପାଇଁ ଭଦ୍ରକ ଜିଲ୍ଲାରୁ ବଅନ୍ତରୁ ଆକ୍ରାନ୍ତ ଚିହ୍ନଟ ହେବା ପରେ ବଅନ୍ତ ବ୍ଲକକୁ ସିଲ୍ କରିଛି ଜିଲ୍ଲା ପ୍ରଶାସନ । ସେପଟେ ଜିଲ୍ଲା ପ୍ରଶାସନ ଏବେ ଏହି ୩ ଆକ୍ରାନ୍ତଙ୍କୁ ନେଇ ଅଧିକ ତଥ୍ୟ ଜାରି କରିଛି । ୩ ଜଣ ଆକ୍ରାନ୍ତଙ୍କ ବୟସ ୪୫ ବର୍ଷ, ୨୮ ବର୍ଷ ଓ ୨୯ ବର୍ଷ । ଭଦ୍ରକର ୩୨ ପଂଚାୟତରେ ରହିଛନ୍ତି ୧୦ରୁ ଅଧିକ କୋଲକତା ଫେରନ୍ତା । ଏହି ସମସ୍ତ ପଂଚାୟତକୁ ଇଂଟେନସିଭ ସର୍ଭିଲାନ୍ସ ଜୋନ କରାଯାଇଛି । ଏମାନଙ୍କୁ ଘରକୁ ଘର ବୁଲି ସ୍ୱାସ୍ଥ୍ୟବସ୍ଥା ଯାଂଚ କରାଯିବ ବୋଲି କହିଛନ୍ତି ଜିଲ୍ଲାପାଳ ।